٧________٨
كفى صمتا
مريم السعدي
بارت ٧
مرت الايام وفجر وسمر شافو الويلات بيتنا خواتي مرحمو بحالهم ولا نسوان ابويه خواتي يغارون منهم لان حلوات ونسوان ابويه مدري شبيهن كلما اجي الكاهن وصخات ويبجن اخوتي ال3 ويانا نفس البيت واحد مننهم 10سنين والثاني 11واللخ 13 سنه احمد ورضا و سالم اخوتي من ابويه والبنات زينه اختي من امي وعلا ورنا وردينه خواتي من ابويه بنات خاله هديه الاربعه شدو كورهم وياهم فجر هادئه وجانت كلما تنضرب تنهزم جوه الدرج تختل لحد مينام البيت كله يله تطلع تنام يم العجوز الا سمر تحولت الى مخلوق شرس كلما احد يلزمها تعيط بعلو صوتها لحد ما تنضرب ومتهتم تضل تصيح لحد مايدموها واحد يصيح عوفوها يوكفلها وبس امي التكول عوفوها ماكو غيرها اليدافع سمر صارت كلش عصبيه وعلى طول تصيح الله يموتكم الوحيده المتخاف من ابويه بس بليل تاكل احس عليها من تكول بليل تفتح الثلاجه وتاكل بس فجر اني من اصيحها تجي تكعد يمي تاكل تحولنا لغير مزرعه لان الوالد احتاجها لهاي المزرعه لامور ميعرفها غيره ---جدي تعب وتمرض المزرعه الجديده بيها غرف اكثر صارت لفجر وسمر وزينه غرفه وردينه وعلا ورنا والولد بغرفه بصفهم واني وحدي رضا ابو 13سنه يحوفني بنضراته لفجر بالذات لان سمر وكحه وبس يطخها تعيط وتبجي ومحد بحالها واليوم رجعت للبيت الضهر اخذلي ركسه من العلوه لكيت سمر نايمه على الدرج والبيت صاير هوسه زينه وردينه يتعاركن ورنا وعلا يحجون ومحمد وسالم يلعبون طوبه بالباحه طبيت سلمت
ام محسن- الكوه يمه
بعد روحي يوم بستها من راسها هاي عادتنا عاي نايمه عالدرج الملعونه
عوفها عوفها هسه يله سكتت عبالك زغيرونه فكت حلكها بعد ما سدته ولاجن 10سنين عمرها
- يمه محرومه من الحنان هاي
- يمه خلصت كلبنا واني من كاعي خلصان من ابوك وخواتك بس يتمالخن وياها
- لعد شو فجر ماكو
- توها جانت هنا تلعب باللعابه
- وينها تلفتت كرصني كلبي فتحت غرفه العجوز ماكو غرفتها فارغه شني السالفه وينها مديت راسي عالمنور لكيت رجل وره السخان تقربت على كيفي اسمعها تبجي بخنيك ورضا يكولها بس شويه وصلتلهم رجلي انشات اخاف اباوع شفته توه دينزعها يتحرش بيها وهي تبجي صحت بكل قوتي ولللللك وضربته على ركبته محسيت على روحي موتته بيدي كسرته تكسر ضليت ادفر التمو عليه امه تصيح عوفه وتفشر والعجوز تضربني بعصاها واني فاقد رضا مضل مكان مطالع منه دم خشمه وحلكه وايده ورجله وحتى راسه ابتعدت خفت لا اموته وهوً ضعيف جرو من ايدي جر انداريت على فجر تبجي وام رضا تصيح عليها
- هي رعنه ماتخجل تلعب وي الولد
- خاله رحمه للعباس بعدها طفله كلها 8سنين عمرها
- خايب ماتسكت هذني مفتحات باللبن مثل امهن شفتها شون شردت
- سمر- ماما مو هيج ماما حبابه هو محسن اللي باوعت لمحسن خزرني سكتت
- انتي انطمي انتي هم مامتربايه
- محسن- بهالاثناء دخل ابويه وكملت السبحه
- هاي شكو ملتمات على خير
- هديهه- شوف شوف ابنك شجراله باوع وهه سواه خريطه اخو
- هاذ شبلاه
- محسن- يابه تحرش بفجر وانه متحملت
- شني يتحرش مايتحرش شني هالكلام ولك هاي عرضك
- هديه- كذاب ابو محسن هي التدكرت
- محسن- لا اله الا الله خاله طفله شمفهمها مو شفتها تبجي
- هديه- خلها تولي
- محسن- يابه اني اشوف لو الولد ينزلون وياك للشغل مو مال يبقىن وي النسوان شو همه مالهم واهس بالدراسه
- ووين اشغلهم استاذ محسن
- نصيت راسي باوعلي باستصغار كالعاده يابه اي مكان بالمزرعه
- لا لا بالمزرعه محد يوصل
- لعد باوعتله متفاجا شدعوه هالكد نفر لو ما ولدك ليش بلحدك دائما بالمزرعه ---لعد يابه اخليهم وياي بالعلوه
- شتشغلهم حماميل شغلهم يطبهن طوب وانه انطيهم راتب
- خوش حجي انداريت عليهم من باجر الصبح تنزلون وياي شفت ع اباوع لفجر ونار تاكل بيه سمر يمها تحضن بيها صبو الغده وماجوياكلون ضل بالي اكلت بكمتين وكمت دكيت باب الغرفه عليهم فتحت سمر -- شنو وينها فجر
- نايمه شتريد امشي ولي روح انشاء الله كلكم تموتون
- ليش نايمه
- مااعرف
- تقربت منها شفت وجهها احمر كلش خليت ايدي على راسها واجه من الحراره ترجف كشفتها وركضت لامي يوم هاي مصخنه
- هديه- وبالقير عساها بالموت بجاه الشريفه همست اخاف من حامد
- ام محسن- فتت الغرفه جنها صدك مصخنه
- محسن- ضلت امي سهرانه وياها لل2طفت وراجت نامت وفجر مخفضت حرارتها يمكن فزت او خافت مهبوطه من الصار بقيت يمها بغرفه البنات سمر نامت وبقيت اسوي كمادات الها تهذي وتصيح ماما مو تتني مردت كلبي فتحت عينها شربتها الحليب باوعتلي مدمعه محسن لعابتي وينها
- هسه اجيبها
- رحت اجيبها لكيتها جوه الدرج مشخبطين عليها ومكطعين شعرها خرب غيرتكم رجعت عليها ماهي
- عافتني مثل ماما
- برطمت وكامت تبجي هالطفله مو تتني جريتها لحضني باجر اجيبلج وحده بطولج خوش
- خوش اريد شعرها طويل
- مثلج يعني
- لا مثل ماما وعيونها برتقاليه
- هاي جني مو لعابه
- ماما عينها برتقالي باوعتلي مبرطمه
- فجر انتي بعدج صغيره بس قسما بالله راح يجي يوم واوديج لامج
- صدك
- والله
- شوكت
- حتضلين تخبصيني احتمال بعد 10سنين
- شوكت تصير عشر سنين
- هههه احتمال من تصيرين بالسادس اعدادي
- اي انتضر
- خوش وخرت من حضني لعبت بشعري بس انت حباب تشبه بابا خلت ايدها الاثنين على وجهي ولحيتي التوها طكت بستها من راسها حرارتها خفضت حجيبلج اكل حتى تاكلين وتطيبين داكوم جلبت بدشداشتي
- هسه رضا يكتلني
- انداريت عليها ليش
- كللي
