مجنونتى حور "الجزء الثاني"

البارت الخامس

محدش عارف انت مريت بيه
وبتواجهه إزاى...
حتى لو الموضوع قديم ،
محدش عارف المواقف اللى خلتك
تتحول للى انت عليه دلوقتى ،
كله بيحكم من بره ..
من الجزء اللى هو شايفه بس ،
محدش عارف ...
محدش هيعرف ...
محدش مهتم يعرف ،
ولاسف مفيش حد متخيل
انت ممكن تبقى عامل إزاى ،
لو خسرت الأمل الاخير اللى مخليك تواجه أى حاجة،
فرجاءا بطلوا تحكموا عالناس من اللى شايفينه
ومن الظاهر ليكم ،
بطلوا تحكموا عالكتاب من الغلاف بتاعه،
القصة اللى جوا الكتاب مختلفة تماماً عن اللى بره.

وذهبوا بالفعل لشرم الشيخ مدينة البحر الاحمر والشعاب المرجانية بالالوانها الساحرة ، ووصلوا الفندق ، وذهب كل واحد لغرفته ،وقام بافراغ حقيبته ،ومن ثم ذهب ف نوم عميق من تعب السفر ، واتفقا ع أن يتجمعوا بعد ساعتين عند حمام السباحة وبالفعل بعد مرور ساعتين
عشق: مامى عايزة بتاتس
حور: زين خد أختك وروح هاتلها من هناك
وقامت بالاشارة له ع مكان بجانب حمام السباحة ، وبالفعل ذهبا
عشق: عايزة صوص كمان
زين: حاضر ي عشق .. خدى بالك عشق
عشق: سور.. بابى
- Are you okay!? " هل انتى كويسة"
عشق: yes , I miss you
-I think you mean anther person
"اعتقد انك تقصدى شخص تانى"
عمر: اى ي زين كل ده بتعملوا اى
وبعد القليل من الثوانى والاستعاب
عمر: سليم وقام باحتضانه وحشتنى ي صاحبى .. مش مصدق عينى حور كان معاها حق ، هى الوحيدة اللى كانت واثقة من انك حي
سليم: !?Can you speak English
عمر: انجليزى اى يعم
سليم: I think you mean anther person
عمر: مش عليا الشغل ده ي سليم
سليم: okay, I'm Ruslan and I come from Deutschland so I can't speak Arabic
"حسنا اسمى رسلان وجاى من ألمانيا علشان كده مش بتكلم عربى "
صمت حل المكان لثواني ،ثم قام عمر بعمل حركة ،وقام سليم برد بتلقائية
عمر: يعم بطل شغل من بنها انت سليم لو مش سليم مكنتش صديت الضربة ولو فرضنا حركة انت متعلمها طب بالنسبة للوحمة اى نظامها معاك .. هتعمل مش فاهمنى اتحدك تكون مش فاهمنى ... عايز اقولك انك لو فضلت كده هتخسر مراتك هتخسر حبيبتى هتخسر حور صدقنى
وذهب عمر وبجانبه عشق وزين
عشق: مامى شوفنا بابى
عمر: فعلاً كان معاكى حق سليم عايش
حور: عايش ميت دى حاجة متخصنيش
عمر: انتى بتقولى اى
حور: زى ماسمعت كل اللى اللى يربطنى بيه هى ورقة وهتنتهى قريب أوى
عمر: مش قادر اصدقك .. انتى نفسها حور اللى مصدقتش انه مات .. انتى نفسها إلا لما مات كنتى هتموتى وراه .. مش ده حب حياتك
عشق: مامى ده بابى صح انا مبسوطة أوى .. عارفة بابى حلو أوى
سليم: وانتى أجمل بنوته .. انا مش فاهم حاجة واعتقد انتو الوحيدين اللى هتساعدونى أفهم
حور: عشق زين ع اوضتكم
عشق: مامى عايزة اقعد مع بابى
حور: زين انا قولت اى
زين: يالا ي عشق
وبعد ان صعد عشق وزين ،قامت حور أيضا لتصعد ولكن مناعها عمر : محتاجة تتكلمى معاه
حور: مع مين
عمر: هيكون مع مين مع سليم
حور: بس انا معرفش مين ده
عمر: حور ده مش وقت هزار
حور: وانا مبهزرش ده معرفهوش وميهمنيش اعرفه
مليكة: انتى اكتر واحدة عارفاه وانتى اكتر واحدة كانت متأكده أنه عايش ، وفجاه كل حاجة اتغيرت ونزلتى مصر ف حاجة غلط انتى تعرفيها وأحنا لسه منعرفهاش
وفجأة ظهر زين
حور: زين اى اللى نزلك
زين: هو سؤال واحد الشخص ده هو سبب حزنك الفتره اللى فاتت
حور: زين احترم نفسك وانت بتكلم الأكبر منك ده أولاً .. ثانياً مفيش حاجة اسمها الشخص ده
زين ببعض الغضب : هو مين بيكون .. هل ده فعلاً أبويا
حور: ع اوضتك زين
زين: هطلع بس لو الراجل ده سبب دموعك فانا مش عايزه ف حياتنا
وصعد زين لغرفته
سليم: ممكن أفهم
عمر: ثوانى أفهم انا الأول .. حور اى اللى احنا منعرفهوش
حور: قولتلك ده شخص معرفهوش
عمر بنرفزة: حور مبهزرش
حور: ولا انا بهزر .. آه صح أنت مسألتش البيه بيعمل اى ف شرم
عمر: من صدمتى نسيت
سليم كان سيتكلم فقاطعته
حور: استنى أنت سيبلى الطالعة دى .. البيه هنا علشان بيقضى شهر العسل مع مراته
عمر ومليكة : مراته !؟
حور: آه مستغربين ليه
سليم: ده صحيح ممكن أفهم ازاى عرفتى
عمر: هى اكتر واحدة تعرف عنك كل حاجة .. لانها الوحيدة اللى كانت مصدقة أنك عايش حتى أنها عينت ناس علشان تدور عليك
سليم: طب ازاى كانت واثقة أنى عايش
عمر: لأنها هى اللى عملتلك العملية
مليكة: بالإضافة لإحساسها وكمان الور...
حور مقاطعتها : مليكة المهم بس
ثم نظرت بطرف عينها فلمحت فتاه تستمع عليهم وعندما ذهبت قامت حور وإشارة للكل بأن يصمت وطلبت من سليم أن يقوم بخلع ساعته قام بالاعتراض ولكن حور إشارة له ففعل ما تريد وقامت بفتحها واخرجت شئ منها ووضعته بعيداً ومن ثم رجعت وقالت : مش كل حاجة تتقال وركزوا علشان ممكن يكون ف حد بيسمعكوا .. وبالنسبة لأستاذ فهو فاقد الذاكرة واحتمال أكبر يكون متعمله مسح ذاكرة .. انا هطلع أشوف ولادى
عمر: حور..
حور: انا قعدت بما فيه الكفاية
سليم: ممكن نتكلم
حور: سورى معرفش حضرتك علشان اتكلم معاك
وذهب كل من حور وسليم كل واحد لغرفته

الدنيا كل شويه هتجبرك ..
إنك ترتب الناس اللى ف حياتك ..
ناس غلاوتها تزيد ،
وناس غلاوتها تقل ،
وناس مهما كابرت وعافرت ..
غلاوتهم ...
خلاص انتهت من قلبك
زى ما فى زعل كده ..
بيخليك ساكت
لا بتعاتب ... ولا بتلوم .. ولا بتهتم
ساكت وبس

كلير: ?Ruslan, warum bist du zu spät "رسلان اتأخرت ليه؟ "
رسلان: ?Hast du etwas gebraucht "كنتى محتاجة حاجة"
كلير: Ich möchte nachts in den Nachtclub gehen " عايزة اذهب للنادى الليلى بليل "
رسلان: Ok aber ich geh jetzt schlafen wenn ich aufwache gehen wir " اوكى بس هنام دلوقتى ولما اصحى ننزل"
وبعد عده ساعات
صوت دق ع باب حور ؛فقامت بفتحه لتجد عمر ومليكة وعشق وزين
عمر: يالا ي حور ننزل نسهر شويه
حور: مليش مزاج ي عمر
عشق وزين: بليز مامى
مليكة : يالا ي حور هنغير جو
حور باستسلام: اوكى اسبقونى وهنزل وراكم
وبعد ساعة خرجت حور من غرفتها ف إتجاه النادى الذى سيقضون السهرة به وهى بالطريق سمعت شخص ما يقول
- بالالمانى " رسلان انا هنزل وانت خلص شور ولبس بسرعة "
وبالفعل ذهبت وتركت الباب فوقفت حور تطلع عليها حتى اختفت من أمامها ، ووقفت أمام الباب تفكر هل تدخل أم هذا ليس من حقها ولكن حسمت امرها بدخول ، وبالفعل دخلت وسمعت صوت صادر من الحمام اى أنه يستحم فدخلت إلى داخل الغرفة فوجودت تى شيرت له ع السرير فمسكته واخذت تشم به لعلها تستنشق رائحته فكم اشتاقت له كم تمنت ان تحضنه مثلما تحضن ذلك التى شيرت ولكن قطع عليها تلك الأفكار احساسها بوجود أنفاس لشخص ما ع رقبتها وقشعريرة تسرى بكامل جسدها بالإضافة إلى قلبها الى يدق بجنون نعم فهو مالك قلبها وعقلها فهو عشق حياتها ،واخذ يهمس بجانب أذنها
رسلان: قلبى دق بجنون عرفت أنك هنا .. بس مش عارف ليه حصل كده معاكى انتى وبس .. حاسس....
قاطعه صوت كلير تنادى عليه
______________________________________

أزيكم يا أحلى فانز ❤️✨
وحشتنونى كتير 🥺❤️
حقكم عليا 😔💔
انا عارفة أنى اتأخرت بس كنت مسافرة 🤦🏻‍♀️
بتمنى بارت انهاردة يعجبكم
وهستنى توقعتكم للى هيحصل
وهل البت الصفرا هتشوفهم
وحور هتعمل اى
وطبعاً لو عجبكم البارت متنسوش الفوتات والكومنتس اللى بتدخلى قلبى وبتشجعنى 🥰❤️

دمتم بخير ❤️