مجنونتى حور "الجزء الثاني"

البارت 19

سليم: بس انتى مبتحبيش الكورة
حور: هجرب مش يمكن أحبها
وبالفعل قعدت حور واخذت القليل من الفشار بيدها وهى تشاهد ذلك الماتش التى لا تفهم فيه سوا ان كورة تتحرك وسط اقدام إحدى عشرة لاعب ولكن الجو ملئ بالفرح والمرح وأصوات الهتافات وإلى جانب أصوات الضحك والانتصار
سليم: أنتى بجد مجنونة وبعدين جبتى الزمارة دى منين
حور: لاقيتها فوق قولت استفاد بيها من أجل السنيورة بس يلا مش خسارة فيك
سليم: ربنا يستر أنا مش خايف غير منك
حور: عيب عليك انا هقوم اعمل سندوتشات وشاى
سليم: لا خليكى انتى انا اللى هقوم
ومن المطبخ
سليم: حور
حور: يا نعم
سليم: هاتى قناة CRT
حور: اشمعنا دى بتاعت المسلسلات التركي
أت سليم ومعه سندوتشات جبنة وشرائح الخيار وكوبين من الشاى: هتلاقى عليها إعادة المسلسل اللى بتتفرجى عليه .. عرفت مواعيده وإعادته من على النت
حور: بس انت عرفت ازاى
سليم: انا عارف كل الحاجات اللي بتحبيها
صدمة ثم زهول ثم حضن ، وبعد عده ثوانى
سليم: مش كفاية كده المسلسل هيبدا .. عالى الصوت
حور: بس انت مبتحبش التركى
سليم: هجرب مش يمكن أحبه

المشاركة هى أساس نجاح أى علاقة ،
لو مش هتشاركى حبيبك وصاحبك واخوكى وبابكى
هتشاركى مين ..؟!
الراجل بطبيعته لما بيلاقى مراته بتشاركه تفاصيل يومه ،
مهما كان موده وحش بس بيتبسط بوجودك جنبه ؛
بيحس أنه طفلك المدلل ،
فخليكى متأكدة لو شاركتى الراجل ف كل حاجة بيحبها ،
هتلاقيه يشاركك الحاجات اللى بتهتمى بيها .

ومر يوم واثنين وهما معا ف ذلك المنزل ، ويوماً ما وبعد تناول الغداء
حور: سلييييييييم
سليم: عيون سليم
حور: فين الكتاب اللى طنت بقرأ فيه امبارح
سليم: الكتاب اللى كنتى هتموتى وتجبيه من آخر رف فوق ف المكتبة واللى جبتى الكرسى وكنتى هتوقعى وانا لهفتك
حور: لهفتك!؟ يع بلدى اوى .. المهم أيوا هو فين بقا
سليم: اللى الجلد بتاعه ابيض
حور بعصبيه: ايوووا
سليم: معرفش
حور: انت هتستهبل يالا وديت الكتاب فين آخر مره شوفته كان معاك
سليم: معايا ؟!
حور: ايوووا
سليم: انتى مين ي بنتى
حور بغضب: وديت الكتاب فين
سليم محاولة لكتم الضحك: أصل
حور: اصل ؟
سليم: اصل يعنى
حور: أصل يعنى ف إيه هشد منك الكلام كلمة كلمة ولا إيه
سليم: اصل يعنى الكتاب
حور: هاا اممم
سليم: اصل يعنى الكتاب
حور: سليييييييم قول ع طووول
سليم: الكتاب وقع ع البوتاجاز
حور: عاااااااا
سليم: اهدى اهدى العصبية غلط عليكى
حور: والله ي سليم لاوريك بقا انت تعمل كده ف الكتاب بتاعى أنا
سليم: اهدى بس راحة فين ي حورتى
وبالفعل دخلت المطبخ ومن ثم للمبرد واخدت كل قطع الثلج وأيضا زجاجات المياه الباردة وخرجت له رأته يتابع أحد ى الماتشات فقامت بوضع إحدى قطع الثلج ف ظهره
سليم: هححح
حور: أنت لسه شوفت حاجة والله مانا سيباك
سليم: مفيش واحدة عاقلة تعمل كده ف جوزها
حور: ومفيش واحد يعمل ف الكتاب بتاع مراته كده
سليم: خلاص اهدى اهدى هجيبلك واحد تانى
حور: قول والله
سليم: والله
حور: تعال سلم عليا علشان يبقا كلام رجالة
سليم: حاضر
وعندما تقدم منها سليم افرغت الزجاجة ف وجه
سليم: كده ي حور طب تعالى بقا
حور فرت هاربه من أمامه وصعد لغرفتها سريعة ومن ثم اغلقت الباب خلفها
سليم: كده ي حور بس أهم حاجة تفتكرى انك اللى بدأتى الحرب معايا وانا عمرى مخسرت
حور: عمرك مخسرت غير معايا وقدامى ي بيبى
سليم: طب افتحى الباب
كلير: ماذا يحدث هنا
سليم: ولا حاجة انا نازل انام تصبحى ع خير
وانتهى ذلك اليوم وف يوم آخر يستيقظ سليم ع اصوات تصدر من المطبخ ف منتصف الليل
سليم: بتعملى إيه مش لسه واكلين
حور: جعانة أعمل إيه مأكلش
سليم: هتتخنى يا حور
حور: مش بأكل من تلاجة أبوك
سليم: أوه هتأكلى إيه
حور: اندومى وبطاطس مقلية
سليم: يمى يمى طب اعملى حسابى
حور وهى تقلده: مش لسه واكلين
سليم: متبقيش رخمة بقا
حور: لاا برده
وبعد دقائق اعدت حور الأطباق ووضعتهما ع الطاولة أمام التلفاز ومن ثم تذكرت الكاتشب فذهبت لكى تحضره وعندما عادت رأت سليم يأكل من اطباقها
حور: ولا ولاا تعال هنا الاطباق دى بتاعتى
سليم: حبيبتى وعشقى وكل ما ليا إيه رأيك تدهوملى وهجيبلك غيرهم
حور: لأ يسليم انا عايزة دول
سليم: طب إيه رأيك نأكل سوا
حور: لأ برده
سليم: حووور .. هصوت وهلم عليكى امة لا اله إلا الله
حور: متحاولش لأ مش هسيبهولك إلا الاندومى والبتاتس بتاعتى
سليم بشر: خلاص يا حور انا أصلا فرهدت من الجرى وراكى بس خلى بالك مفيش ميجا ولا ديرى ميلك
حور: سليم يا حبيبى يا جوزى ونن عينى انا لو مش هشاركك هشارك مين قولى
سليم: أنا كل ده .. ياااه ي حورتى أخيراً
حور بإحراج: بس بقا
سليم: بس ايه يا شيخة دنا بعشقك عشق القمر للنجمة والليل والسهر ، بعشق دوامة القهوة اللى ف عينيكى ، بعشق عينك المقفولة وانتى بتضحكى ، بعشق كسوفك وحركة ايديكى ع عيونك ، بعشق..
حور بإحراج: كفاية ي سليم بقا
سليم: موشى ي عيون سليم
حور: بقولك صحيح .. هى السنيورة مش باينة ليه .. هى فين هااه
سليم: صدقى مش عارف
حور: الرجالة ماتت ف الحرب .. المهم فين الفون عايزة اكلم عشق وزين
سليم: فوق بس مقفول علشان اللوكيشن
حور: طب تعال نتمشى ونبعد شويه ونكلمهم
سليم: اوكى استنى هجيبه
حور: مستنياك
و

بالفعل خرج كل من حور وسليم وبعد وقت من المشى ، تقف حور فينظر سليم خلفه
سليم: إيه يبنتى وقفتى ليه؟
حور ببراءة : عايزة آيس كريم
سليم: بس كده من عويناتى
حور: يسلمولى الحلوين
سليم باستغراب: انتى كويسة
حور بخبث : مش هتجيبلى آيس كريم
سليم: امم علشان كده طويب
وبعد عده دقائق
سليم: اتفضلى ي ستى شيكولات بالمكسرات ماعدا اللوز
حور بدهشة: سليم
سليم: عيونى
حور: انت رجعتلك الذاكرة
سليم: تانى يا حور
حور: سليم انت ليه بتخبى عليا ، انا مراتك حبيبتك ،انا حور حورتك ملاكك
سليم: وحشتينى ي ملاكى
وهنا سقط كأس الايس كريم وقامت حور باحتضان سليم وانهارت باكية
سليم: خلاص ي حبيبتى اهدى انا معاكى
حور: ليه مقولتليش وليه لما سألتك انكرت
سليم: لان حاسس ان ف حاجة غلط ومش فاهمة إيه هى فكان لازم اكمل انى مش فاكر علشان أعرف ف إيه
حور: إيه اللى بتفكر فيه
سليم: انا ازاى طلعت من المستشفى وسافرت روسيا وازاىفقدت الذاكرة مع انى متخبطش او عملت أى حادثة
حور: ف حاجة عايزة اقولهالك بس مترددة
سليم: مترددة من إيه قولى
حور: بصراحة انا مش متأكدة أوى بس انا لاقيت ف بيتك ادوية معرفش انت بتاخدها ع اساس إيه
سليم: دى ادوية باخدها علشان تساعدنى ان ذاكرتى ترجع
حور: بس ده مستحيل يحصل
سليم: يعنى إيه
حور: الادوية دى علشان توقف أو بمعنى أصح مترجعلكش الذاكرة نهائيا
سليم: انتى بتقولى إيه .. انتى متأكدة
حور: مليون ف المية علشان كده كلمت اللى كنت بطلب منه يدور عليك يعرفلى اكتر عن كلير وعيلتها لانى شاكة فيها
سليم: عايزة اعترض ع تفكيرك ف كلير بس بصراحة انا بثق ف احساسك لانه دايما صح
حور: طيب لما كلمت مصر قالولك إيه
سليم: انى لازم انزل مصر ع آخر الاسبوع
حور: ده اللى هو بكره
سليم: بظبط
حور: طب هات الفون
سليم: خدى بس هتكلمى مين
حور: ثانية واحدة ... الو انا حور .. اهلا بيك وصلت لايه .. يعنى إيه كل حاجة طبيعية اومال انت شغلتك إيه.. لا براحة كده علشان أفهم انت دلوقتى بتراقب كلير هنا ف نيويورك.. بيت مين يمكن تقصد البيت اللى هنا عايشين فيه .. طيب عرفت بيت مين أو هى بتعمل إيه هناك .. ايه تافهة دى وهى دى معلومة .. يعنى ايه بتدخل بيه تخرج من غيره

'''''''''''''''''''''''''''''''''''''''''''''''''''''''''''''''""""""""""""""""""""""""""""""""'''''''''''''''''''''''''''''''''''''''''''''''

وبكده يبقى فاضلنا بارت واحد بس ي حلوين 🌝♥️♥️♥️
متنسوش نجمتكم الجميلة 🥰♥️