مجنونتى حور "الجزء الثاني"

البارت 15

الاستسلام لقدر ربنا ساعات كتير بيكون هو الطريق الوحيد اللي بيفتح لك الأبواب المغلقة..
كتير بنفضل نجري ونعافر بدون أى نتيجة مقبولة وفجأة نحس ان ربنا مش رايد لينا الخير في الطريق ده..
ولما بنقعد ونستسلم لأمر الله..
بجيلك الفرج لحد عندك ..
لدرجة تفضل تسأل نفسك إزاى ..!؟
هى بالبساطة دى ..!؟
بس دايما افتكر كلام ربنا سبحانه وتعالى لما قال:

{إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ}.

سليم: حورتى كفاية علشان خاطرى عياط وبإذن الله ربنا هيحلها من عنده .. بس خلينا نفكر بطريقة أحسن ونتفق
حور: إزاى ي سليم أكيد هياخدهم منى
سليم: بس ممكن تتفقوا ع حل وسط يرضيكى ويرضيهم
حور: هو إيه الحل ده
سليم: اسبوع معاكى واسبوع معاهم
حور: بس كده هيتشتتوا
زين مسرعاً إليها محتضنها : انا بحبك أوى
حور وهى تحضنهم الاثنين : وانا والله بحبكم اكتر
زين: أنتى مامتى وكل ما أملك ي ملكتى
حور: بس مقدرش امنعكم من أهلكم الحقيقين
زين: بس إحنا حياتنا معاكى أنتى .. دراستنا ومذاكرتنا وكل تفصيلة ف حياتنا معاكى أنتى وبس
عشق: أيوا احنا هنفضل معاكى ي مامتى ولو هنروح هناك يبقا ف الويك آند أو هوليداي
سليم: أعتقد ده حل كويس جداً.. أنت إيه رأيك ي زين
زين: اللى مامى تشوفه
حور: انا شايفة الأول لازم نروح لجدتكم ونتكلم معاها
عشق: وهى فين نينتى دى
حور: زين عندك أى معلومة هى ساكنة فين!؟
زين: أيوا ف حى بروكلين
حور: خلاص قوموا غيروا هدومك علشان نروح
وبالفعل ذهب كل من عشق وزين فهما متشوقان لرؤية جدتهم فأحس زين براحة كبيرة ليها واحبها كثيراً وبعد دقائق تم الاستعداد والانطلاق من المنزل إلى حى بروكلين رغم كونها جزءاً من مدينة نيويورك، إلا أن بروكلين تمتاز بمظهر وعمارة وثقافة خاصة بها، كما تنتشر بها عدد من التجمعات السكانية وظل ينظرون حتى وصلوا لباى ريدج ومن ثم لمنزل الجدة الذى كان عبارة عن منزلاً يتطبع بالطوب الأحمر ماعدا الجزء العلوى رمادى ، قامت حور بتضغط ع الجرس ومنه عرفت عن نفسها و طلبت مقابلة السيدة روان مصطفى

- Good morning
حور: Good morning , can I meet Ms Rawan
-For what!?
حور: This is a personal
- Um .. I will tell me .. Excuse me Who are you?
حور: I'm Dr Hoor
-okay
وبعد عده ثوانى
- sorry come please
حور: thnx

دخلت حور ووجدت امامها صالة فاخرة من الاثاث بها عدد كبير من الامهات والاباء والابناء وتوسطهم سيدة يظهر عليها الوقار ولكنها ليست بالعجوز كما انها بشوشة الوجه
الجدة روان: اتفضلى يبنتى نورتينا
حور: ده بنور حضرتك .. آسفة جداً أنى جيت من غير معاد
روان: تنورينا ف أى وقت اتفضلى .. تحبى تشربى إيه
حور: مفيش داعى شكراً
- إزاى بس وحضرتك أول مره تشرفينا
حور: تسلمى ممكن قهوة مظبوط
روان: قلبى قالى أنك هتيجى
حور: وياترى عارفة أن جاية ليه
روان: اتاكدتى أنى جدتهم صح
حور بصدمة: أيوا بس
روان: من غير بس انا لما شوفت زين عرفت قد ايه انك ربتيه أحسن تربية .. علمتيه الصراحة والصدق علشان كده كنت متاكده انه مش هيقدر يخبى عليكى وانتى اكيد هتتاكدى
حور: شكراً لحضرتك انا ربيتهم لانهم ولادى
روان: بس احنا عارفين الحقيقة
حور: ممكن نتكلم لوحدنا ف الموضوع ده
روان: أدهم خد اخواتك والعبوا ف الجنينة
ادهم: حاضر ي نينة
روان: دلوقتى تقدرى تتكلمى دول اعمام وعمات زين
حور: حضرتك تعرفى إيه بظبط
روان: اللى أعرفه أنى ابنى كان متجوزة من واحدة مصرية وكانو عايشين هنا ف نيويورك وحصل خلاف بينهم وهى سابت البيت ومن وقتها ميعرفش عنها حاجة فضل يدور عليها ف كل مكان
احمد(عم زين الصغير): مفيش مكان مدورش فيه هو كان بيحب مراته جدا
حور: معنى كلامكم انه مكنش يعرف انها حامل
أحمد: لا مكنش عندنا علم لحد ماما شافت زين
روان: بعد مشوفت زين روحت شقة أبنى اللى اتجوز فيها وهناك شوفت تقارير حمل
حور: تمام دلوقتى حضرتكم شايفين أن ملك الله يرحمها هربت من جوزها واخدت عياله صح
روان: بظبط وابنى حالته كانت صعبة ف غيبها
حور: بس اللى حضرتك متعرفهوش أن ملك جاتلنا المستشفى بين الحياة والموت نتيجة لتعرض للعنف والاغتصاب بالاضافة للضرب عنيف ع بطنها وكان ده نتيجته أن الجنين والام ف خطر كبير جداً ولما سألنا الام نتصل بجوزك رفضت بشدة حتى بعد مجرينا عملية نقل الرحم رفضت تمام وف وقتها قالتلى أن ابنى حضرتك مكنش عايز الجنين وانه لو لقى البيبى هيقتله وطلبت منى أنى احميهم منه
روان: أكيد لا
حور: مش مهم اللى فات ومش مهم إذا كان صح ولا غلط المهم دلوقتى زين وعشق
روان: عشق!؟
حور: أيوا عشق هى تؤام زين
رنا (عمة زين الكبيرة): بسم الله ماشاءالله
روان: عايزة تقولى إيه ي حور مش فاهماكى
حور: عايزة ننسى اللى فات بكل حاجة فيه ومش عايزة الموضوع ده يتفتح تانى ولا زين ولا عشق يعرفوا عنه حاجة نهائيا
روان: أكيد طبعاً
حور برعشة ف صوتها: هو حضرتك هتاخديهم منى
روان اخدتها ف حضنها: انا مستحيل اخدهم منك من امهم
حور: بجد شكراً جداً ووعدك كل ويك اند أو اجازة ليهم هيكون عندك بس بالله عليكى مقدرش اعيش من غيرهم
روان: انا مطمنة عليهم معاكى
حور: شكراً جداً.. هتصل عليهم يدخلوا
روان: هما بره
حور: أيوا
أحمد: انا هفتحلهم
زين: السلام عليكم
الجميع: وعليكم والسلام ورحمه الله وبركاته
روان: تعال ي زين .. إيه موحشتكش
زين: اكيد طبعاً
روان: مش تعرفنى ع القمراية دى
زين: دى بقا اميرتى عشق الزين
روان: تعالى ي حبيبتى .. بتبصى لمامى ليه .. خايفة منى
حور: روحى ي عشق دى نينه روان 
ذهبت عشق لروان وقامت روان باحتضانها ومن ثم احتضانهما عشق وزين ، حتى أت أدهم
ادم: الله الله يست رورو بتخونينى ومع مين مع القمرايه السكرة دى
اتكسفت عشق ومن ثم نظرت لزين اللى نظر له بعصبية وغضب فذهبت عشق وامسكت بيد زين حتى يهدأ قليلاً
روان: بس يبكاش كنت فين من الصبح ي صايع
ادم: بس ي رورو احترمينى عندنا ضيوف
روان: كنت احترمت نفسك الأول ي صايع ي فاشل
ادم: هلم هدومى ومش عندكم تانى
روان: مع السلامة والقلب دعيلك
ادم: وهاخد القمراية معايا
روان: تبقا بتحلم ي ادم
ادم: هى مين صحيح..
روان: روح نادى لاخواتك اعرفكم ع اختكم
وبعد قليل تجمع الجميع
روان: بصو ده ادم وادهم تؤام زيكم وولاد عمك أحمد وهما اكبر منكم بتلات سنين  .. ودى روان بنت عمك أكرم الكبير اللى هناك ده واللى جنبه بتكون مراته طنط منى ودى عمتك رنا ودى بنتها شاهى ودى عمتك ريم مخطوبة لاونكل خالد اللى جنب ادهم ده  .. القمرايه دى عشق...
زين مقاطعها وهو ينظر لادم بنظرة تحدى: عشق الزين
حور بهدوء: زين مش هتسلموا ع اخواتكم
شاهى: بس دول مش اخواتنا
روان: شااهى
شاهى:(هذه القبيحة ليست اختى)
Das Hässliche kann nicht meine Schwester sein
عشق: (مَن يرى القبح فهو قبيح )
Wer alles hässlich sieht, ist hässlich
شاهى بصدمة: انتى بتتكلم المانى
عشق: المانى وانجلش وايطالى وروسى وشويه عربى
أحمد: برافو عليكى
عشق: شكرا بس مامى دايما بتزعقلى علشان لسه مش عارفة انطق كل الحروب كويس
زين: حروف ح ر و ف
عشق: حروف صح كده
زين: give five
روان: وانت ي زين
عشق: ده بيرفكت ف كل حاجة المانى وفرنش وروسى وايطالى واسبانى وعربى طبعا
روان: ربنا يحميك ي بنى ويبارك فيك
زين: ويطول ف عمر امى
روان: حور سؤال شخصي شويه هو انتى عندك كام سنة
حور: 29
ادهم: أوه حضرتك صغيرة جداً
حور: مش أوى يعنى
روان: فعلاً زين معاه حق لما وصفك سوبر هيرو
ادم: طب إيه رأيكو نطلع نلعب ف الجنينة
ادهم: انت مش هتكبر أبدا
ادم وهو يخرج له لسانه: لا
وذهب الجميع خلفه للجنينة أما كتلتا الجليد المتنقلة زين وادهم وقفوا معا كما لاحظ كل منهما كم التشابه ف شخصيتهما أما آدم فاستطاع أن يحل الخلاف بين عشق وشاهى واصبحوا رفقة فهم نفس السن وظل الجميع يلعب ويمرح كما أنهم تناولوا العشاء ومن ثم ذهبوا للمنزل
------------------------------------------------------------------

أخباركم إيه !؟
اتمنى تكونوا بأفضل حال ❤️❤️
أعتقد مفيش دلع زى كده كل يوم بارت
مع أن التفاعل ف النازل خالص
هى الرواية مش لطيفة لدرجة دى 🥺
اشوفكم يوم الاحد بإذن الله..✨
دمتم بخير 🌙♥️