Unicode
ပန်းပွင့်ဆိုသော နူးညံ့သည့်သဏ္ဍန်လေးက ပွင့်လွှာချပ်လေးတွေစုစည်းပြီးမှ အသွင်ပေါ်သည်။
ရှောင်းကျန့်ရဲ့အသည်းနှလုံးကတော့ ချစ်သက်ငယ်လေးဆိုသည့် ပွင့်ဖတ်လွှာလေးတွေနှင့် ဖွဲ့စည်းသည်။
နှလုံးသားမှသင်းပျံ့သည့် ရနံ့တွေဖြင့်ချစ်သက်ငယ်လေးကိုမွှေးပျံ့စေဦးမည်။"ရိပေါ်"
"ဗျာ"
"ရိပေါ် ရိပေါ် ရိပေါ်"
ရှောင်းကျန့်က တိုင်လုံးတစ်ခုကိုပျင်းရိပျင်းတွဲမှီထိုင်ရင်း ထိုနာမည်ကိုတကျော်ကျော်ခေါ်သည်။"ဟင်း..ကျွန်တော့်နာမည်က အဲ့သည်လောက်ခေါ်လို့ကောင်းလား"
သူ့နာမည်ကိုအထပ်ထပ်အခါအခါအခေါ်ခံရသည့်ရိပေါ်က သက်ပျင်းချသံဟန်လေကိုမှုတ်ထုတ်လိုက်ပြီး ချေပသည်။
မျက်နှာလေးကတော့ ပြုံးမြဲဖြစ်သည်။သူ့ချစ်သက်ငယ်လေးရဲ့နာမည်က ရိပေါ်ဖြစ်နေနေ၊ စန်းပေါ်ဖြစ်နေနေ ရှောင်းကျန့်အတွက်တော့ခေါ်လို့ကောင်းနေမှာဖြစ်သည်။
နာမည်ကလည်းခေါ်လို့ကောင်းသည်။
မျက်နှာလေးကလည်း ကြည့်မဝဖြစ်သည်။ ရှောင်းကျန့်က အနမ်းမိုးတွေရွာသွန်းပစ်ချင်သည်။
ယခုကတော့ အချစ်မိုးတွေရွာသွန်းဖြို့ နှလုံးသားတိမ်တိုက်တွေမှာ ရေခိုးရေငွေ့လေးတွေစုဆောင်းနေသည့်အချိန်ဖြစ်သည်။"ဒီအကောင်လေးတွေက တချိန်လုံး နေရာယူနေတော့မှာလား"
တပလ္လင်ခွေထိုင်နေသည့်ရိပေါ်ပေါင်ပေါ်မှာ နေရာယူနေသည့် ကြောင်လေးနှစ်ကောင်ကို ဂုတ်ကနေဆွဲယူပြီး သူတို့ရဲ့အသိုက်ဖြစ်သည့် ဝါးခြင်းတောင်းလေးထဲကိုထည့်ပစ်လိုက်သည်။
မျက်လုံးပွင့်ကာစကြောင်ပေါက်စနလေးတွေက တအိမ်လုံးပတ်ပြေးနေလို့ ရိပေါ်ကရှာမတွေ့ရင် မျက်စိမျက်နှာအပျက်အပျက်။
ဒါကြောင့် ရိပေါ်အလွယ်တကူရှာလို့ရပြီး ပေါက်စနလေးတွေအပြင်လျှောက်ပြေးလို့မရတော့အောင် ရှောင်းကျန့်ကဝါးခြင်းတောင်းလေးလုပ်ပေးထားလိုက်သည်။