#مفترقات 🌩☔
#الحلقه_10 ❤❄
قبل الحلقه بنات عارفه اني و عدتكن بس و ربي الضي نقطع و ما جا الا بعد الفطور 😭💔 معيشه سوده من هالضي المهم انا كنت كاتبه جزء و توا كملتها الحلقه و نزلتها لكن الاضافيه و بعدين حنزل حلقه اليوم وشكرا لكل وحده تفهمتني ❤
_________________
شهد : واخيرا طلع الصبح عشان يكمل الدوام بجد كان يوم متعب و غيث طول الوقت عيونه عليا و ين انتحرك و انا تعمدت نحكي مع هذا و هذا عشان نقهره خشيت بدلت دبشي و جيت بنطلع مع الباب شفت عمي والصغير لالاه انا انتخيل ولا بجد هوا رديت بسرعه للمستشفى و نمشي بسرعه و انا نلتفت ورايا خبطت في غيث
غيث : شهد ؟
شهد : بخوف هما جو هنا
غيث : من جا هنا
شهد : شفته خاش سحبت غيث من يده و وخشينا ل زوايه
غيث : يبحت و مصدوم شهد كنك شن في
شهد : تبحت بخوف وردت بحتت في غيث اكيد يسالو عليا حيلقوني و يقتلوني
غيث : بحت فيها شهد اهدي من يلي بيقتلوك
شهد : شافت برا و شافته كيف يلي يدور غغيث ارجوك اطلع قوله مش موجوده ارجوك
غيث : وريني اين واحد
شهد : شيرت بيدها عليه
غيث : بحت اوك تمام خليك هنا
شهد : هزت راسها و غيث طلع
غيث : صبى عالراجل معليش في حاجه
عمها : معليش اندور على حد انا هنا
غيث : تفضل من يكون انا مدير هنا
عمها : بنت اسمها شهد ال** قالولي تشتغل هنا
غيث : اوك خليك لحظه و عدا صبى عالريسبشن و دار روحه يحكي و بعدها جاه معليش مافيش اي حد بالاسم هذايشتغل هنا
عمها : تنهد ب ارتياح وفي عقله الحمدلله الخبر مش صاح تسم خوي تعبناك معانا
غيث : ولو
عمها عدا و غيث تلفت لقى شهد ترقى فالدروج لحقها بسرعه
غيث : مسكها من يدها وقفي
شهد : بحتت فيه
غيث : فهميني من يلحق فيك و شنو القصه
شهد : فكت يدها بشويه شكرا لان ساعدتني بس مانقدرش نحكي و رقت وسيبت غيث في باله الف سؤال
غيث : رن تلفونه رد عليه ايوه
المتصل : كيف ما امرتنا سيد غيث
غيث : ابتسم ب خبث حيوصلك حقك و اختفي الايام هذينا
المتصل : ارمرك سيد غيث و سكر
اما غيث قعد يبحت فوق و هل يرقى لشهد او لا
___________________
جيهان : نضت الصبح بدري لقيت روحي مغطيه و راقده كويس بسم الله الكريم من سقمني وبحتت في زين مازلت تنكر انك طيب 😈 طبست بست موده و صبيت خشيت الحمام و درت دش و طلعت لبست ماليه و جينز و سيبت شعري عشان يجف و بحتت شفت موده وعت يااقلبي نا جيت طبست و رفعتها وبست خدها
موده : قعدت تخرط في كلام مش مفهوم و تضحك 😂
جيهان : تي نعليااا ناا من يلي يحكي تعالي نشوفو عمتك المعاقه يلي تضحك و خلاص
🤦🏼♀️
طلعت انا و موده من الدار و وجيت نبي ننزل لقيت سيرين
سيرين : صباااحو 😄
جيهان : صباح النور 🙂
سيرين : هيتي نغيرلها الشينه 😂
جيهان : عطيني دبشها حنغيرلها انا
سيرين : عادي تغيريلها 😅
جيهان : يااربي 🤦🏼♀️ وربي ضروري نجيب فاطمه و اميره ياخذن عندك كورسات
سيرين : كيف 😅
جيهان : عطيني دبش للبنت بنغيرلها
سيرين : تعالي معايا لداري 😄
جيهان : هيا لداارك وعايبت عليها 😄 ومشت وراها و قلبت عيونها 🙄
