#مفترقات 📒🖍
#الحلقه_13 🔕❤
اميره : مصبيه بكل فخر و انتصار بعد ما اصدر قرار المحكمه عليه بالسجن 20 سنه نشوفله كيف مكسور ومذلول قبل سنه كنت نحس بالذل هذا و الكسره هذي ماكنتش انتوقع في يوم حنواجه يلي دار فيا هكي و نشوفه قدامي كيف راسه منحني من الذل و الاهانه اليوم انا نوصل رسالتي لاي بنت فالعالم مهما عشتي و مهما شفتي في حياتك تاكدي ان الله مستحيل يظلم عبده ممكن بعد كل شي عشتيه من حزن او ذل او كسره او خيبه تاكدي ان الله حيرزق فرح يمحى كل حزن عشتيه حيرزق سعاده تملى قلبك و تنسيك كل الم عشتيه انتي بس خلي ثقتك بربك كبيره تاكدي ان رب الخير مستحيل يضر عبده بس الاهم انك تلجئي لربك بالصلاه والدعاء وربي مش حينساك حيسخرلك من قومه من ياخذك من يدك من الظلام للنور و الحمدلله ربي سخرلي طارق ويا محلاه تسخير من ربي طارق كان السند ليا كان الاخ و الاب قبل الزوج و الحبيب طارق ساندني في عز وجعي طارق تحمل عشاني تحمل ياخذ مغتصبه و يكتب على اسمه طفل مغتصب من الصعب تلقي حد يضحي هكي كنت نقول ماعنديش حظ فالدنيا بالعكس لقيت حظ الدنيا كلها عندي بس الموضوع يبي صبر و إيمان قوي بالله اصبري على مصيبتك وحتقلي الفرج لان الصبر مفتاح للفرج اليوم انا امراه عندها اسم الدنيا كلها عرفت بقصتي عرفت اميره كيف صبرت و حاربت عشان يجي اليوم هذا و تاخذ حقها الدنيا كلها بدت تحكي باسمي قعدت مثل للبناات واجد يسكتن على حقهن و قرر ياخذن ب حقهن و يرفعن صوتهن للقانون .
طلعت وانا ماسكه في يد حبيبي و كن الجهه لاخرى خويا اها خويا يلي كان طول الوقت قدامي و انا مش عارفه بس الحمدلله واخيرا اجتمعنا طلعت و لقيت عوض ماسكته فاطمه " سميت ابني عوض لان بجد كان عوض من ربي على كل شي "
اميره : ابتسمت ورفعته من فاطمه و نبوس فيه ونضحك
فاطمه : حضنتني واخيرااا يياااعمري نا واخيرااا
اميره : تضحك الحمدلله ياارب الحمدلله
فاطمه : جت عينها ف عين انس سكتت و قعدت تبحت فيه بس
اميره : بصوت واطي فاطمه
فاطمه : ميرو خلينا فرحانين بيك
اميره : هزت راسها
طارق : اليوم عازمكم على اكبر حفل شواء في ليبيا
انس : ضحك بشويه حنعدو للشاليه نحتفلو غادي
اميره : ابتسمت فكره تهبل
جيهان : جت من بعيد و تكر في بطنها وووه شن صاار وداهشه
زين : جا وراها ويفنص مش قتلك ماتجريش هبله
اميره : ماتنسيش انتي حامل
جيهان : بحتت في زين خلاص بطل وانت ديما فنص تحمست شن صار
شهد : جت تجري حتى هيا و ماسكه في يد غيث اصبري جيت توا احكي
فاطمه : ضحكت وانتي شن صار معاك
شهد : خلي اميره تحكي قبل
اميره : رفعت عوض كسبتتهااااا
شهد و جيهان عيطن و قعدن يحضنن فيها
زين : جيهاان اففطني حاامل
غيث : ضحك مختلات
جيهان : وخرت و بحتت في زين عيونك بيبلطن من التفنيص
زين : قرب منها حسابنا فالحوش
جيهان : بدت تدحنس 😂 مسكت يده حبيبي انت
زين : بحت فيها و ضحك
اميره : هيا احكي يا شهد
شهد : ضحكت وانا ردييت حقي و اثبتلهم الحقيقه
فاطمه : جت تحضن فيها يااقلبي نااا مبرروك
اميره : سلمت عليها مبرروك
طارق : معناتا فرحتين اليوم و دايرين شوايات ع البحر اليوم فاليل
شهد : مسكت يد غيث نحن اعذرونا اليوم
فاطمه : عليش
غيث : ضحك عندنا عشاء رومنسي وحدنا
شهد : بحتت فيه وتضحك و الفرحه في عيونها
انس : معناتا حناجلوها بكرا
شهد : لالاه عادي ديرو جوكم انتو واكيد مش هذي بس حنحتفلو اخرى
طارق : تمام وانتو وبحت في جيهان و زين
جيهان : اكييد حنجو
زين : بحت فيها قرار من راسك هذا
جيهان : بصوت واطي عارفتك مش حترضى نبكي صاح
زين : ضحك تعرفي كيف تلعبي صح
