#مفترقات 🌙❤
#الحلقه_4 ❄🗻
مش حنزل الحلقه الخامسه ألا مايوصل التفاعل لل1000 🙂❤🌙
_____________________
جيهان حطوني في دار شبه مظلمه في ضي فوق على مكان طاوله بس على قولتهم غرفه استجواب شويا وخش واحد مضخم متاع لستجواب
الضابط : اسمك جيهان ال**
جيهان : ضحكت تستعبط مثلا ما عارف اسمي ولا تقعد ملخبط
الضابط : خبط يده عالطاوله جاوبي على قد السؤال
جيهان : بملل اها وممكن تقولي عليش جبتوني
الضابط : مدلها صور شنو علاقتك ب هذا وكانت صورتها مصبيه مع زين
جيهان : هزت كتوفها مانعرفش
الضابط : خبط عالطاوله بقوه ماتكذبيش على ***
جيهان : وراس امك معش تخبط عالطاوله وجعت راسي
ضابط : مسك اعصابه وكمل كلامه في دعوه ضدكم انكم مشتركين في جريمه نصب و احتيال على المدعوه زهره ال** في املاكها
جيهان : فنصت عيونها شنو تحكي انت
ضابط : اعترفي وعطينها رقم الحساب يلي فيه لفلوس عشان تطلعي من هنا
جيهان : صبت انت شن تحكي انا مانعرفش هذوما اصلا كيف تبلو عليا
الضابط : فقد اعصابه وصبى وطيح الكرسي بقوه و ضربها كف قوليلي رقم لحساب احسن ماتموتي هنا
جيهان : بحتت فيه وبعصبيه قتلك مانعرفهمش كيف تفهم انت
ضابط : طلعلها الصوره الثانيه وهيا مقمعزه مع زهره وهذا شنو
جيهان : انا مانعرفهش كل يلي نعرفه انها مع حني في دار العجزه وبس
ضابط : مسكها من شعرها يابنت ال*** ماتكذبيش عليا عارفينك تعاملي مع زين و عصابته
جيهان : مش كان شرطي تمد يدك نزل يدك احسن ماندمك
ضابط : ضربها كف بقوه عند ماطاحت عالكرسي وجا قدامها ومسك وجها وكيف يبي يحكي نفتح الباب بقوه وخش زين ومعاه فرج وثنين اخرى
جيهان : رفعت عيوني فيه وحسيت بشعور غريب وكأني طمانيت لوجوده
الضابط : يرعش ككيف تتخش
زين : سكر قبضت يده وبحت فيا اطلعي مع فرج
جيهان : لالاه بنحقك تاخذ حقي قبل 🙂
زين : بصوت عالي اطللعي
جيهان : صبيت بسرعه وطلعت مع فرج ركبوني في سياره سوده عاليه وسكرو عليا
زين : قرب منه ومسكه من دبشه وحطه عالساس وعيونه كلهن غضب كيف تفكر حتى التفكير تمد يدك عليها
الضابط : اانا ننأدي في مهمتي ووبس
زين : ضربه بوني عند ما خشمه نزف لو كنت على حق و تادي في مهتمك ماكنتش تمد يدك على بنت وضربه بوني اخرى ولو كنت راجل كنت جيت حكيت معايا انا ورد يضرب فيه اخرى على وجه وماسكه عالساس وبعدها قال بعصبيه قول للي مشغلينك لو رجاله يجو يواجهوني انت وسيبه
الضابط : من كثر الضرب طاح واغمى عليه
زين : طلع من المركز ويمشي بثقه و وراه رجالته
جيهان : قعدت نبحت فيه وفي شخصيته وطلعته وكيف يكشي بثقه والرجاله وراه الشي هذا كنت نحق فيه فالمسلسلات بس متاع البطل يفجر المكان يلي جوا ويطلع يمشي عادي تي شن قصته هذا وحسيت الباب انفتح و ركب زين مكان السواق
جيهان : ششنو صاار وشن يبو مني هذوما
زين : يمسح فالدم يلي على يده يوم المستشفى قتلك اركبي لان شافوك معايا
جيهان : باهي عليش يلحقو فيك لانك تنصب على زهره ولا شنو
زين : بحت فيها بنظره تخوف 🔥
جيهان : مش حنركب مع نصاب وجت بتفتح البا السياره تحركت بقوه عند ماهيا ردت عالكرسي والبيبان انقفل قعدت لاصقه فالكرسي ونبحت فيه ماكنتش خايفه منه عشان بيديرلي حاجه مش كويسه لا بلعكس من الجانب هذا مطمنه ومش عارفه ليش 🤷🏻♀️
__________________
