#مفترقات ♥🌻
#الحلقه_2💐🕧
اليوم الثاني
جيهان : خشت لدار يلي فيها حنها لقت زهره مقمعزه مع شخص شاب مقمعز يبوس في يديها
جيهان : قربت عليه والله صاح توا كيف صحلك تجي تذكر امك بعد ماعزقتها عشان مراتك يلي مش راجل توا جاي عشان تبوس يديها تي غير ياريتك فيك حاجه راجل وداير هالشناب عالفاضي امشي حلقهن وخليك مع الصبايا خيرلك ياعديم الرجوله
زهره : اا جيهان هذا زين
الراجل : التفت عليها وعطاها نظره خلتها تموت في مكانها مع انها ماعمرهش خافت من حد المره هذي خافت من نظره بس عيونه كانن يخوفن بطريقه غريبه رغم جماله
جيهان : رغم خوفها كابرت شنو وجعك الكلام يا..
زهره : قاطعت عليها بضحكه زين مش ولدي
جيهان : فتحت فمها وتمنت الارض تنشق وتبلعها عالموقف ااه مالا منو 😅
زين : بصوت رجولي يخوف مايخصكش
جيهان : من يحكيلك نحكي لعمتي زهره انا
زين : برم عليها وكان يبي يحكي خشت حنها
حنها : انتي يابت جيتي
جيهان : تبحت فيه لالاه مازلت فالطريق
حنها : عطك دعوه في لسانك هذ
زهره : ضحكت بكل
جيهان : قمعزت وحطت كراع على كراع خمسه خمسه تعطوه ليا بعين
حنها : بنعينوك على جلاطتك
جيهان : باهي ياحني شنو مدايره وكيف حالك وكانت نسرق في نضرات لزين كيف معطيها بجنبه وتبحت في عضلاته كيف كبار بكل لحيته المرسومه وعيونه السود يلي فيهن نظره حاده وكيف يهدرز مع زهره
حنها : ضربتها على يده وين سرحتي
جيهان : نطت ااه معاك معاك 😅
حنها : هبي منك هبي كلا انتي
جيهان : ضحكت بصووت عالي عند ماوخرت لاوره
زين : قعد يبحت فيها وعاقد حواجبه وكان خاطره يصبي يضربها على وجها ويعلمها الادب
حنها : قعدت تهزب فيها كم مره قايلتك عالضحكه هذي انا اه عيب البنت تضحك هكي
جيهان : تبيني نصنع ونضحك ضحكت هاها لالاه هذي طبيعتي 😂
عزوز : خليها مافيش حد براني ينعليااا ياكرعيا
جيهان : صبت وجت لعندها نعليا منك تي انتي الصقع وقعدت دلك في كرعيها
عزوز : الله يربحك يابنيتي
زين : قعد يسرق في نظر لها ويشوف فيها كيف تهدرز معاهن و تخدم فيهن حس روحه حكم عليها بدري
زهره : متاكد ان مايوصلش فيا هنا
زين : ابتسملها محد يطق فيك وانا قاعد والمكان هنا امن ولو تخليني بس ناخذك
زهره : ابتسمت وحطت يدها على يده انا مامنه فيك وواثقه منك ونا قلتها لكي للمره المليون انا اخترت نقعد هنا
زين : هز راسه براحتك
جيهان : كنت نحكي مع حني بس وذني عندهم من يلحقو في عمتي زهره وشن يبو فيها وباهي هذا من وشنو يقربلها وبدا الفضول يشتغل عندي 🤦🏼♀️
#wiush_hamo
_____________________
اميره : خشت للمصنع وكان شبه فاضي قلبها يدق بخوف لاكن لازم تاخذ حاجه ناسيتها عدت لمكانها ولقت العقد قاعده مسكاته كان العقد الشي الوحيد يلي نحط معاها لما نعزقت كان املها انها تلقى هلها بالعقد هذا ابتسمت وجت تبي تطلع لقت المهدي في وجها
المهدي : قرب ومسكها من يدها صار دزيلي في فرخ حرام يضربني اه
اميره : على طول عيونها تعبن دموع لان المكان فاضي ووجه المهدي مايبشرش بخير الله يخليك خليني في حالي شن نبي مني
المهدي : دفها عند ماطاحت يلي نبيه منك ماتبيش تعطيه ليا حناخذه بالغصب
اميره : قعدت تبكي وتوخر بيديها الله يخيليك خليني في حالي شن تبي مني
المهدي : نزل عليها ومسكها من محرمتها وشعرها يلي نبيه منك واضح يابنت ال**** وضربها كف عند ماوذنها دارت صوت وبدا ينهش فيها
اميره : قعدت نعيط بعلو صوتي على امل حد يسمعني و نضرب فيه وهوا يضرب فيا بس كان هوا الاقوى مني
المهدي : كان كيف الوحش ينهش فيها كان حقير بدرجه لاتوصف و لا عنده ذره انسانيه
اميره : ماستسلمتش رغم الضرب يلي كليته ماستسلمتش وقعدت نحاول نمنعه بكل مافيا من قوه
خو المهدي : جا يجري ودف المهدي من فوقي
المهدي : ينعن **** شن جابك انت
اميره : ردت فيا الروح وحسيت ان ربي نقضني قعدت نوخر بيديا ومش قادره من كثر الضرب
خوه : تي انت شن دير مش عارف من وراهن تي يقتلوك بعدها
المهدي : مايهمنيش مايهمنيش وربي ندمها بنت ال*** انا دزلي فرخ ال*** يضربني
خوه : دفه تي ياراجل ماتجيبش مشاكل لروحك ولباتي يانعن *****
المهدي : قعد يتنفس بقوه ويبحت فيا المره هذي نفذتي لاكن وديني ماني مسيبك وطلع
خوه : صبي استري روحك واطلعي من هنا بكل معش بنشوفك
اميره : قعدت نبكي ونحاول نصبي ونطيح كرعيا كانن فاشلات وبلوزتي مشرطه كلها
خوه : سلح جاكته وعزقها عليا البسيها وحاولي تسندي روحك تو نكلم حد يروح بيك
اميره : هزيت راسي ب لالا وزحفت عند ماطقيت الشنطه وطلعت الفون ورنيت على جيهان
