#مفترقات 🌼🌼
#الحلقه_🦄 💕15
#الجزء_الاول 🍀
اليوم اميره كلمت طارق بعد ما خذت قرارها
طارق : وصل عالقصر و هوا قلبه يدق و اخيرا بيشوف اميره قلبه وصل و خششوه للصاله و قعد يراجي فيها شويا و انزلت اميره مع انس و طارق صبى و هوا ويبحت فيها و مصدوم
اميره : طارق انت تحملتني و صبيت معايا و انا مقدره يلي درته كله مافيش راجل يصبي معايا كيفك ل سبب هذا انا حبيتك و سكنت و تغير صوتها لصوت كلا حب وبصوت هادي طاارق انا نحبك
طارق : ماركزش ف الكلام يلي قالته كل يلي شافه منظرها و هيا نازله ب الفيلو الابيض و كيف دايره تسريحه و كيف حاطه الطرحه عمره ماتخيل اميره هكي ناض على كلمت انحبك قعد يبحت فيها و مبتسم و قلبه يدق
انس : قرب منه و ماسك اميره في طارق انا حبيت نسلم اختي ل راجل كيفك يصونها و يقدرها راجل نقدر نامن اختي عنده انت قد الامانه و مد يده اميره
طارق : مسك يد اميره اكيده اميره مش بس مراتي اميره قطعه مني و يلي يضرها يضرني ماتخافش اميره في عيوني
اميره : ابتسمتله
انس : ابتتسم وهكي تقدر تاخذ مراتك من حوش هلها
طارق : قرب و باس راس اميره و بصوت واطي عند وذنها همسلها انحبك
اميره : ابتسمت
انس : ضحك خلاص قرنتو بيا واجد
طارق : ضحك و وخر شويا
جت فتحيه ونسمه جايبات العصير و الحلويات و قعدن يزغرتن و باركن ل اميره و طارق و هدروو شويا و بعدها طارق صبى خذا اميره
انس : حط يديه على كتوف اميره توا عندك خو و سند اي شي تلفون و نكون عندك و هذا حوشك في اي وقت تقدري تجيه تمام
اميره : هزت راسها و دموعها طاحت وبصوت واطي تمام
انس : قرب ضبطها
اميره : لفت عليه ضبطااته يامحلا الشعور يلي هكي كنت انتمنى نطلع من حوش هليو خويا يوصي عليا و الحمدلله الله ماعمره يحرم عبده من شي خاطره فيه تاكد بس ان الله مستحيل يخيبك و حيتحقق كل حلمك سواء في نفس اليوم او بعد سبوع او شهر او حتى سنين حيتحقق حيتقق بس انت اطلب من ربك و ماتوجهش لغيره
طلعت اميره بدموع الفرح و وسط زغاريت فتحيه و نسمه و توصيات خوها ♡
محمد : مصبي ع القزاز و يراقب في اميره كيف طلعت من الحوش و ابتسم
Wiush_hamo ' للكاتبه
_________________
شهد : خشت على فاطمه فالدار تمتومي هيا نوضي و ولعت الضي و نصدمت وقعدت تبحت و حاله عيونها ششن ددرتتي
فاطمه : غمضت عيونها بقوه و هيا تحس في يدها
شهد : مسكت يدها بسرعه و لفتها يعني تخلف لهدرجه شن استفدتي لما تكتبي اسمه على يدك غير تجرحي في روحك
فاطمه : بصوت مخنوق بننطلع ققهري فيي ااي شيي حتىى فيي رووحي يلي حبااته
شهد : تنهدت شن يفيد لما تحفري اسمه على يدك بيردكل شي لا فاطمه شخصيتك هيا يلي طمعتهم فيك انتي وريتيهم انك ضعيف را
فاطمه : ببكاء مااعنديش قوه نواجه حد قوليلي كيف بتجيني القوه و انا انهديت من اكثر اشخاص نحبهم من اقرب ناس ليا طمسو شخصيتي و سكتو صوتي
شهد : تننضف ف الجرح وانا شنو ما انا طعنوني في شرفي هلي هما يلي دمرونا و كانو يبو يقتلوني بالجلد عساس عادات و اسلام و هما مافهمين حاجه ف الاسلام بس اهو قدامك ضعفت كيفك لا قعدت نبكي عليهم لا بالعكس مكمله حياتي تامي الحياه قدامك كملي جامعتك و وصلي اسمك و صوتك للناس ندميهم على كل شي داروه فيك
فاطمه : حضنتها و قعدت تبكي بالعبره
شهد : معش عرفت شن ادير حضنتها و سكتت
_______________
