#مفترقات🏖💛
#الحلقه_12🌹🕸
فاطمه : بعد روحت للحوش خشت شهد دوشت و انا غيرت دبشي و طلعت قمعزت عالتلفزون اذكرت مؤيد صبيت بسرعه نتصل بيه مابش يرد قلبي قعد يدق بخوف خفت عليه من انس وجت في بالي فكره انه يقتله طول قعدت نرن عند ما رد
فاطمه : ايوه مؤيد كنك ماتردش
شخص : صاحب الرقم هذا مضروب و مغمى عليه
فاطمه : جمدت مكاني ككيف
شخص : في منطقه ال***
فاطمه : اانا مانعرفش هله رن على وااحد منن هله
شخص : اوك يا اختي و سكر الخط
فاطمه : سكرت التلفون و انا مازلت مصدومه عرفت من الي دارها اكيد انس مافيهش شك دموعي نزلن باهي ليش يصرف هكي ليش مايخلينش في حالي بيدمرني فوق مادمرني قعدن دموعي ينزلن و بالي انشغل على مؤيد يلي صار فيه هكي بسببي
_______________
شهد : نضت من النوم و انا نحاول نذكر هل كلمت غيث او لا فتحت عالمكالمات لقيت روحي مكلمته خبطت على راسي ين عن جدي شن لبزت جيت بنرن عليه اتصل بيا رقم رديت
المتصل : ماتفرحيش واجد ب دكتور بس
شهد : من انت و شنو تبي مني خليني في حالي تعبتتت منكم تعبت
المتصل : ضحك مزال قدامك تعب اخرى
شهد : شن تحكي انت انت من
المتصل : قتلك من قبل انا الجحيم متاعك
شهد : بديت نعيط بصوت عالي اانننت مننن شننن تبببي منني وسكر الخط عزقت التلفون بعصبيه و رفعت شعري
فاطمه : خشت تجري كنك شن في
شهد : حطت يديها على وجها تعببت و ربي تعببت
فاطمه : قمعزت جنبها و حطت يدها على ظهرها باهي اهدي شن في بس
شهد : حطت راسها على صدره فاطمه خليني هك بس
فاطمه : حضنتها و حطت راسها فوق راس شهد و سكتت
______________________
طارق : خش قمعز فالدار جنب امه و لقى اميره تخيط في قفطان متاع سجى
امه : ريت اختك قلتلها خليه تعبي فالوليه عطتها القفطان
طارق : سجى
اميره : طارق بطل خليها عادي
طارق : واعر عليك التطبيس
اميره : عادي مقمعزه
امه : تعب عليك بس
اميره : عادي مفيهش تعب
سجى : نعم طروقي
طارق : ضحك خلاص شي
سجى : اووف منك
طارق : كرها و قمعزها في كتره معش تقولي اف
سجى : اامبه و باست خده
ضحى : هيي وانا
طارق : ضحك وسعلها تعالي و قمعزهن في كتره
اميره : قعدت انبحت في حنيه طارق على خواته و كيف يساير فيهن وقتها عرفت ان مافيش احن من طارق و اطيب منه
للكاتبه ' wiush_hamo#
_______________________
اليوم الثاني
جيهان : فتحت عيوني لقيت زين مقرب مني و بينا موده لحضتها تخيلت اللحظه و تمنيت ان زين زوجي جد مش بس عالورق قعدت انفصل كل شي فيه كل تفصيل فيه يهبل حتى و هوا راقد الجديه و العصبيه على وجه ضحكت و صبيت خشيت الحمام و دوشت و لبست و طلعت لقيت زين واعي و معاه موده مصبيه عالسرير و تنط قدامه و هوا يرقص فيها
جيهان : قمعزت عالسرير صبااحو
زين : صباح النور
جيهان : نجك ليا ترقص تعالي تعالي عطيني بوسه جتني موده و قعدت نبوس فيها
زين : شنو عندك عمل اليوم
جيهان : لالاه الله يعيني وبصوت واطي على امك و خواتك 🙂
زين : رن تلفونه رفعه قعد يحكي و بعدها صبى
جيهان : عليش صبى زح اووف تعالي يا دودي اندوشلك و رفعتها و خشت بيها للحمام دوشتها و لبستها و خلتها فالدار تلعب
