#مفترقات 🐟🍃
#الحلقه_15والاخيره 🌸🌸
#الجزء_الثاني💚🏕
________________
عند البنات اجتمعن كلهن في نفس الحوش يلي جمعهن في نفس الحوش يلي شهد ع كل شي صارلهن
جيهان : سلحت عبايتها و قمعزت متنرفزه
شهد : ضحكت و كنك انتي لخرى
جيهان : انتن كنكن
شهد : فاطمه تاكتها مع انس واميره ماثر فيها كلام الناس السلبي يلي طلع عليها و تبكي من بدري
جيهان : بحتت فيها مش عساس تحكي ع شاشه ماتعدلنش ع كلام الناس وهك
اميره : كلامهم بكل يقهر حتى طارق راقيله من اول ماطلعت ع الشاشه
شهد : انتي متوقعه كلامهم ف فوتيهم و انتي طلعتي عشان تدعمي البنات ان مايعدلنش ع كلامهم لان لايقدم و لا يوخر
اميره : صبت للدار بدون ماترد عليهن
فاطمه : خلنها وحدها شويا باهي انتي كنك
جيهان : تكيتها مع الحيوان ف الطريق لقيته يضحك مع الممرضه يلي فالمصحه
شهد : مكلوبه و حق الله
جيهان : صبت حولت عبايتها لقني رايفت ع الاقنعه خليني اندير بعد عيوني حرمهن عليا الحيوان
فاطمه : خشي ديري جايبتهن جدده
جيهان : خشت دير
فاطمه : باهي ياشهود هوا بينلك موقفه يعني
شهد : دموعها نزلن بس مهما و كان هوا خوه
فاطمه : يي علينا مستحيل انتريحو بكل
شهد : سكتت و دموعها ينزلن
فاطمه : تنهدت و في قلبها غصه من انس و كيف شاك فيها
جيهان : حاطه قناع خيار ع وجها ووو مصحكن كلكن تبكن
شهد : تمسح في دموعها انتي اصلك بارده نسيتي شن صار معاك اليوم
جيهان : تاكل ف الخيار طززز ياماما نحسش فيه
فاطمه : بصوت مبحوح شن اندير
جيهان : افسخي يافسخه
فاطمه : انتي عارفه كيف نحبه
شهد : حبك برص معناتا سكري فمك و اسكتي
فاطمه : قعدت تبكي بقوه وحاطه يديها ع وجها تعبت منه تعبت
جيهان : قلنالك حل قلتي نحبه معناتا تحملي و اسكتي
شهد : جت بتحكي دق الباب ضحكت
جيهان : صبي صبي اكيد خطيبك جايبلك شكلاطات
فاطمه : تمسح في دموعها تشوفي فيا بارده نرضى بشكلاطه و هدايه
جيهان : تحط في خيار ع عيونها نشوف فيك مهزبه بس عالمهم صبي را يديرلنا العار
فاطمه : مسحت دموعها و صبت بقوه
شهد : تضحك بطلي قرف و انتي تحولي فيه من عيونك و تاكلي فيه
جيهان : اسكتي كذا مش كنتي تبكي توا
شهد : توا مش سكتت شن تبي في وجي
جيهان : باهي و انتي لسانك ملفوف عشره ميترو تعالي حطي منه عيونك منفوخات
شهد : خذت و تحط فيه على عيونها عارفه من طلع
جيهان : من
شهد : دموعها نزلن بقوه خوه
جيهان : انصدمت و يديها ع فمها كذابه
شهد : ببكاء شن اندير
جيهان : ولا تصدق فالاحلام و انتي كنك ما انتحرتي لقنه و جك بارد
شهد : اااه ياربي
فاطمه : خشت و عزقت البوكس كبير معبي شكلاطات ع السرير و متنرفزه كل مره نفس الشي كل مره ملييت
جيهان : افسخي
فاطمه : مانبيش نفسخ نبيه يتغير ويبطل يلي يدير فيه
جيهان : خليك مع يلقى راحتك مش مع يلي تحبيه
فاطمه : قمعزت و متنرفزه كذا اسكتي يارضوى الشربيني
شهد : ضحكت مدي شكلاطه كذا مافي حاجه سمحه نحصلو فيها من ورا عرايكم غير هالشكلاطات
اميره : طلعت من الحمام و عيونها منفوخات بكل و وجها حمر من البكاء
جيهان : اوبااا جت الانسه الاخرى كنك من بدريو انتي تبكي فالحمام و دايرتيلي فيها بطله الروايات الحزينه
اميره : قعدت تبكي وطاحت ع اركابها
البنات صبن بسرعه لعندها
فاطمه : ميرو حبيبتي كنك
اميره : ببكا انا حامل
البنات : 😳😳😳
