#مفترقات🌥🎣
#الحلقه_11 🔥🎗
شهد : نزلت تحت و خشيت للمخزن و كان مظلم جيت بنفتح الضي مابش يولع و لعت فلاش نقالي وخشيت بنحط الملف و نشوف للباب اسكر ينعن سكرتو عليا و رفعت نقالي بنرن على جيهان ينفتح الضي و انصدمت بالي شفته كان المخزن كلا مزين بالورد الحمر و في طاوله عليها شموع و عشاء و كان غيث مصبي ويبحت فيها
غيث : قرب من شهد و مسك يدها وطبس عليها وبصوت هادي و رومنسي ننحبك
شهد : قلبي يدق بسرعه و شعور حلو بكل حسيته تمنيت الدنيا توقف عند هنا و خلاص تمنيت نعيش حياتي كلها فالساعه هذكي
غيث : بنفس الصوت شهد عطينا فرصه
شهد : خذيت نفس و بعدت
غيث : يبحت فيها
شهد : بصوت فيه رعشه صااح انا نححبك و شييرت على قلبها هذا حبك حبك بكل تفاصيلك بشينك قبل حلوك و تعلق فيك و تمناك بس يلي مخبيته انا اكبر من حبك غيث انا اسفه
غيث : قرب اكثر و انا بنعرف شن مخبيه شهد خليني نسااعدك خليني نكون سندك فالدنيا هذي
شهد : واذا ماصدقتنيش ؟
غيث : ماعنديش شك في كلامك
شهد : بصوت فيه رعشه واذا سيبتني بعد يلي تسمعه
غيث : نكون مش راجل انا حبيتك رغم مش عارف عليك شي حبيتك مش حتغير نظرتي لما نعرف
شهد : بصوت واطي قبل سنه ...
______________________
جيهان : سكتت وقعدت نبكي عالساكت كيف قاادر هوا يتحكم فيا هكي و انا عليش مانحكيش و ساكته و شنو اصلا يلي قاعد يصير و كيف بحضني قاطع تفكيري يد زين يلي تمسح في دموعي غمضت عيوني و نحاول نرقد بس عطره مسيطر عالمكان و قلبي مش ناوي يهده ....
زين : قعد يسمع فيها تبكي بشويه ماكنش يبي يعيط عليها هكي و يخوفها هكي خصوصا ان علاقتهم صلحت بس مش بيده جن جنونه لما شافها معاه قعد حاضنها عند ما حس بيها هدت عرف انها رقدت رفع راسه و باس خدها و رد رقد
_____________________
اميره : تلبس في محرمتها حبيبتي سكري الحوش كويس
فاطمه : حاضر
اميره : سلمت عليها هيا باي
فاطمه : باي سكرت الباب وراها و خشت جوا
طارق : ابتسم لما طلعت و مسك يدها شنو جو
اميره : ابتسمت حمدلله
سجى : طروقي هيا بسرعه نعسانه
طارق : باهي امشي الحوش قريب
اميره : من بدري نعسانه
ضحى : حتى نا نعسانه بكل
طارق : باهي تو نوصلو الشارع يلي بعده
اميره : الله مافيش احلا من المشي فليل على كرعيك
طارق : ضحك شنو فيها من الله
اميره : هكي تشم هواء و هك
طارق : ضحك تشم هواء صار
اميره : معش تضحك عليا
طارق : هاه خلاص سكتت
اميره : بصوت واطي قتلك
طارق : نعم
اميره : شن صار فالقضيه
طارق : تغيرن ملامح وجه سكري عليه الموضوع
اميره : بصوت واطي ومخنوق من حقي نعرف احكيلي
طارق : بعصبيه اميره سكري ع الموضوع
اميره : سكتت و قعدت تمشي و تبحت تحت عند ماوصلو للحوش
طارق : فتح الباب و خشو واميره خشت سلمت على ام طارق و خشت للدار طول غيرت دبشها و خشت للسرير و قعدت متكيه ع السرير
طارق : خش وقعد يبحت فيها غير دبشه و خش معاها اميره
اميره : تبحت تحت نعم
طارق : بحتي فيا
اميره : بحتت فيه
طارق : مسك يديها اميره انا و الله مانبي نضايقك بالكلام هذا نبيك تنسي و معش تذكري و انا مستحيل نخلي حقك انا متابع الموضوع و لما تجيبي حتثبتي الحق
اميره : يصوت مخنوق انا خايفه محد يعدل عليا و حقي يضيع لان ف الدوله يلي كيفنا صوتهم مش مسموع
طارق : بلعكس القضيه مستمره يراجو في ولادتك بس
اميره : هزت راسها وسكتت
طارق : حط شعرها و را وذنها شنو مش زعلانه مني
اميره : لما لمسها خافت وبعدت شويا وفطنت لروحها ابتسمتله لالا
طارق : تنهد باهي خشي ارقدي
اميره : هزت راسها و طارق رفعلها الغطاء وهيا خشت و غطها و غمضت عيونها
اما طارق قعد يتامل فيها و في كل تفصيل فيها
#wiush_hamo ' للكاتبه
_____________________
