ما سجله القلم

بقيت من الماضى

بقيت من الماضى ...
انا اللى سابنى وراح لها...
راح يشكى لها...
ويحكى لها قد ايه كان بيعانى ...
وانه اخيرا لاقى الراحة فى حضنها ..
وانى خلاص  ماضى وراح...
ماضى مش فاكر منه غير جراح....
وبقيت انا الماضى اللى كان ...
ماضى عاشه زمان ...
ياخسارة على الايام ...
ياالف خسارة على الايام ...
ليه قابلت الحب ...
ليه وقعت فى الغرام ....
ليه عشقته وبقيت من الهيام ...
انا قلبى مكنش قد الغرام...
بس دلوقتى بقيت حطام....
ياخسارة على الايام ...
بس عارف كلامى دلوقتى مش ليك...
وحتى مباقش من حقك....
انى اعاتب فيك .....
كلامى لحضنك وبيتك الجديد....
ايوة كلامى ليكى...
بنصحك نصيحة ليكى....
لاجل لقلبك ودموع عنيكى.....
انا بقيت من الماضى .....
وانتى يادوب الحاضر ....
وهتلف الايام وهيبقى فى غيرك مستقبل ....
هيروح لحضن تانى ....
هيلف ويدور ....
وهيسيبك زى ماسبنى ....
اصله بيتسلى بينا بالدور ....
هيلف ويدور .....وهيسيبك زى ما سبنى....
اصله بيتسلى بينا بالدور ....
واللى قاله عنى قدامك....
هيقوله عنك لغيرك....
قالك انى ظالمته .....
وقالك انى جرحته ...
حكالك حكاية خياليه....
وخلانى فيها الجانى وهو الضحية....
استنى.... استنى ...
اكيد قالك انى محسستوش بالامان.....
وانك انتى جيتى خليتى حياته كلها الوان....
اصله قالى نفس الكلام دا زمان....
لما جالى يشتكى غدر اللى قبلى ...
اخدته وطبطبت عليه ....
وحكمت عليها انها ظالمة وقاسية ....
وادينى قدامك اهو ببكى ومش ناسية....
وادينى قدامك اهو ببكى ومش ناسية .....
ويارتنى اقدر انسى .....
دا سايب جرح مش بسيط.....
وياريت انسى ياريت.....
جيت انصحك نصيحة محدش نصح هالى ....
جيت اقولك خدى بالك ....
اللى معاكى مش سند ....
اللى معاكى مش سند ...
دا تعبان كبير .....
وسمه خطير .....
هيدخلك فى متهات كتير ....
وهيلدغك ويزرع سمه فيكى ...
هيخليكى تبعدى عن كل اللى ليكى ....
وفى الاخر هيسيبك زى ما سبنى ....
ما انا قولت لك اصله بيلف ويدور ....
وبيتسلى علينا بالدور ....
ومسيرك يجى عليكى الدور....
وقتها هتفهمى كلامى ......
هتيجى وتبكى قدامى .....
وهتبقى ماضى وكان .....
ماضى عاشه زمان.......
زى ما انا بقيت ماضى .....
بقلمى
متيمة الكتب
ندى بسيونى 💖