مش عاوز انكد عليكم واقولكم ان مصاريف المدارس والدروس، السنه دي هتزودو عليها الكحول والكمامات وكل ما يتعلق ب الكورونا. المقدمه :-
انا عايزه اروح المدرسه معاكم بكره خدووني وياااكم وحشتني الكتابه على السبوره بالطباشير، حاليا مفيش الكلام ده، انتم جيل الانترنت. الشخصيااات :- فيروز وباباها ومامتها.
( فيروز) المدارس يوم السبت يا ماما. وانتي مش جبتلي حاجه المدرسه. (مامت فيروز) ايه بقااا النصب ده انا مش جبت شنطه، وكوتشي ولبس المدرسه، انتي عارفه دول بكام اصلا، قولي يارب السياحه ترجع تشتغل زي الاول علشان نقدر ندفع فلوس المدرسه والدروس الاون لاين وكل المصاريف بقاا. (فيروز) يارب يا ماما، ربنا يحفظكم ليا يا ماما انتي وبابا وتجيبولي دايما كل اللي نفسي فيه. ( مامت فيروز) يارب يا حبيبتي ويباركلنا فيكي يا بنتي. (فيروز) بس استتي يا ماما انت نسيتي اللانش بوكس، و زجاجة مياه اكليرك لأنها صحيه يا مامي، والمناديل من غير ريحه علشان الحساسيه، ولازم اهم حاجه الصابون طبعا ، ومتنسيش الكمامه وطبعا مش هينفع البس العاديه فلازم تشتريلي التانيه المخصصه للأطفال (مامت فيروز) يا خراااشي ع الطلبات، حاضر من عنيا يا بنتي، بس قوليلي زجاجة مياه ايه ليه مالها العاديه المياه هتبقي فيها طعمها مختلف يعني. (فيروز) يا مامي انتي مش بتشوفي الإعلانات بتاعتها في التليفزيون دي شكلها جميل اوووي حاجه شيك كده. (بابا فيروز ) ... شيك قال !!! ايه ده كله يا بنتي بشويش ع الفلوس، ولسه الاسلحه، والكرسات، والاقلام،.وووو.... يارب سهل كل أمر عسير. (مامت فيروز) .... يارب، أنت مشفتش المنشور بتاع المدارس ولا ايه اولا..... دفع المصاريف وحجز الدورس لان الدراسه تلات ايام في الأسبوع وبنتك لأنها اخر سنه في ابتدائي طبعا لازم دروس في كل المواد، واكيد المدرسه مش هتلاحق ع المنهج كله بسبب الايام القليله دي؛هيبقي التعويض في الدورس، والادوات الشخصيه بتاعتك ممنوع حد يستخدمها غيرك، حتي قلمك ولازم تجيب صابون لتعقيم اليدين طبعا، وكمان كمامتك الطبيه، وممنوع لمس السلم في المدرسه، ولو انا رايحه المدرسه أو أي ولي أمر... ل اي سبب كان.... ممنوع ادخل المدرسه من غير كمامه،، وقلم.. لزوم توقيع اسمي عند البوابه والبطاقه الشخصيه تكون معاك ضروري طبعا.
لنا الله
وربنا يعين أولياء الأمور ع ده كله معظهم من غير شغل. ربنا يصلح الأحوال.
ممنوع الشيبسي ع فكره. ممنوع دخول المدرسه ب الشيبسي لأنه من مسببات الكرووونا. (بابا فيروز) اخلي قرار ده وربنا الشيبسي والكارتيا المفروض مفيش طفل ياكل منهم خالص (فيرز) لا مش كده؛ ده ظلم ع فكره الكلام ده بجد يا مامي اكيد بتهزري صح. (مامت فيروز) ايوووه بجد.
كلمتين ع جنب كده... حبت اقول اللي كتييير اكييد مدايق منه ومش عارف هيعمل ايه السنادي، كتييير مننا مش هيودي مدارس السنادي، اولا.. خايف ع صحة ابنه او بنته، وفيه ناس تانيه ابنها مش هيروح المدرسه بسبب المصاريف الكتير، والشغل حاليا مفيش، بس متخافش ربنا مش هسيبك، ارمي حمولك عليه، ربنا رزاق، انت بس قول يارب، هيستجيب ويفك الكرب.
تعليم بلا شيبسي بقلم روفيدا جيلاني.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
