التصويت قبل القراءة رجاءً فهذا يسعدني ويخليني أكتب الفصل الي بعده وأنشره علي طول 😉
#الفصل_السادس_والعشرون
#فارس_بلا_مأوي
#بقلمي_ولاء_رفعت_علي
_ فتح عينيه ببطئ ليجد نفسه يتمدد فوق سرير بداخل غرفة يسودها اللون الأبيض ورائحة المُطهر تخترق أنفه، أنتفض بفزع عندما ظهرت له من العدم باللهفة وقلق :
_ حمدالله على سلامتك يا سي علي، ألف لابأس عليك يا أخويا، إن شاء الله عدوينك والي يكرهك يارب.
حرك يده ورفعها قليلاً و رأي المحلول المعلق بيده، فسألها بصوته المتألم:
_ أي الي حصل؟.
حركت شفاها بإمتعاض وقالت بصوت غير مسموع:
_ هار أسوح، أقول له أنت هنا عشان جوزي غزك بالمطواه!.
إبتسمت بزيف وأجابت:
_ مفيش، ده مجرد جرح بسيط الحمدلله، بس هم مش أدولك بنج عشان كمية الخمرة الي شربتها، أضطرو يخيطو جرحك من غير بنج فضلت تتوجع جامد يا قلب أمك وأغمي عليك من الوجع.
قطب مابين حاجبيه يتذكر ما حدث معه، فقاطعه دلوف الطبيب وبرفقته مساعدته وبرفقتهما رجل عندما رأي سمر وصاح:
_ مين الي دخل البت دي هنا؟ ، مش أنا قولت ممنوع حد يدخل يقعد مع الحالة؟.
رمقته سمر بإزدراء وقليل من الخوف لأنها تعلم من يكون:
_ جري أي يا حضرة الظابط، أنا دخلت له أطمن عليه، هو أنا كده أجرمت ولا أجرمت يعني؟.
قبض علي ياقة كنزتها من الخلف:
_ بت أنتي بطلي شغل العوالم بتاعك بدل ما هخلي جوز العساكر الي واقفين بره دول يجرجروكي علي القسم.
رددت بتوتر:
_ قسم!، قسم أي كفي الله الشر، أنا ست عايشة في حالي.
رفع إحدي حاجبيه لها:
_ ولما أنتي عايشة في حالك بتعملي أي هنا؟، وعلاقتك أي بأستاذ علي ده غير إنه زبون عندكم؟.
_ ده، ده،ده...
ظلت تكررها فأجاب علي بوهن بدلاً منها:
_ مدام سمر تبقي معرفة.
رمقه الضابط بشك وريبة ثم قال لها بأمر:
_طيب ممكن تطلعي بره عشان نشوف شغلنا.
أومأت له وقالت:
_ حاضر يابيه.
وقبل أن تذهب نظرت إلي علي لتتوسله بنظراتها أن لا يخبرهم بأن من فعل به ذلك هو زوجها زكريا، أومأ علي لها بعينيه ليطمأنها، زفرت بأريحية وخرجت.
أنتهي الطبيب من التغير علي جرحه المقطب:
_ حمدلله على سلامتك يا علي بيه، الجرح مكنش عميق وكويس أنهم لحقوك وجابوك علي المستشفي قبل ماتنزف كتير.
حاول النهوض بجزعه لكنه تألم فساعدته الممرضة علي عدول جلسته بوضع وسادة خلف ظهره، تنهد ويجز علي أسنانه بألم:
_ الله يسلمك يا دكتور، هو أنا ينفع أخرج دلوقت؟.
أومأ له مجيباً:
_ لاء طبعاً ممكن علي بكره أو بعده، بس تمشي علي الأدوية الي هكتبهالك خاصة المضاد الحيوي والمُسكن.
أنت تقرأ
فارس بلا مأوي «مكتملة»
Lãng mạnعاد إلي وطنه ليتزوجها لكن قابله القدر بغير ذلك، كُتب عليه الهروب بعيداً، تحمله عاصفة من الأحداث من مكان إلي آخر حتي أصبح فارس بلا مأوي. بينما هي تحت رحمة شقيقها الذي لا يعرف معني للأخلاق فالمال غايته والحقد يملأ قلبه سواداً حالكاً، ألقي بها أسيرة...
