البارت 6
الضحيه الجديده
مرت الأيام وأستطاعت سيلا اقناع أهلها بفهد. واليوم عقد قِرانهم ، في غرفة سيلا جائت صديقتها بغضب
- انتِ تفهميني حالاً اي اللي بيحصل دا
= مش وقته خالص ، أنا مش قادره أتكلم في حاجه
- يعني ايه النهارده كتب كتابك انتِ وفهد أنا مش قادره أصدق ، فهميني اي اللي حصل ....
= اليوم دا يعدي علي خير وهفهمك كل حاجه
رن جرس الباب ليفرح البعض وينخلع قلوب البعض فتح والد سيلا وأستقبل فهد الذي كان معه اثنان من الحرس يحملون الكثير من الهدايه وحقيبه أخري بها فستان زفاف أبيض لؤلؤي في غاية الجمال ، كانت سيلا تريد أن تصرخ بكل قوتها وتخبر الجميع عن حقيقة فهد ولكن منعها الخوف علي أهلها ، تنظر له نظرات قاتله لم يفهمها غيره ، مستمتع بالحاله التي كانت فيها من خوف وحزن وتوتر ، عُقد قِرانهم ليقف فهد مره واحده
- بعتذر جداً ممكن نخلي بكره الفرح
أندهش الجميع
- بكره !!! ازاي أحنا لسه مجهزناش اي حاجه وماينفعش أصلاً بالسرعه دي ....
= أحنا كتبنا الكتاب خلاص وأنا حجزت الفندق اللي كلكم هتكونوا فيه أنا جهزت كل حاجه ....
- بس حتي نعزم قريبنا وكمان هي لسه لزمها شويه حاجات ....
= انت قدامك النهارده لسه وبكره كمان عايزك تعزم كل ناسك وتديهم عنوان الفندق ، اما بالنسبه لسيلا أنا عايزها كدا زي ماهي حتي من غير شنطة هدومها ، أنا مجهز كل حاجه عندي ، نقول مبروك وخير البر عاجله ولا ايه رأيك يا سيلا .....
لينظر والد سيلا لها بندهاش
- ايه رأيك يا سيلا ، ساكته ليه يابنتي راضية علي السرعة دي ....
الجميع ينظرون لسيلا ينتظرون ردها لم تسطيع سيلا التحدث ولكن حركت رأسها بالموافقه خوفاً من فهد ليتحدث فهد
- علي خيرة الله بس سيلا لازم تبات في الفندق عشان الميكاب ارتست هتجيلها الصبح بدري والأحسن أن كلكم تكونوا هناك معاها ....
تحدث والدها بغضب
- خد ناصر معاكم أنا مش فاضي أنهارده
أخذ فهد سيلا وشقيقها معه في سيارته ليوصلهم فب الفندق وأصرت سيلا أن تركب مع ناصر في الخلف وكان طيلة الطريق ينظر لها فهد عبر المرأه ويضحك بسخريه ، وظل هكذا حتي وصل للفندق أعجب ناصر كثيراً بالفندق فهو ضخم وكبير وفي غاية الروعه وكأنه صمم لافراح الملوك فقط ظل ناصر ينظر للفندق ويجول بعينه هنا وهناك بإعجاب شديد ، أنتهز فهد هذه الفرصه فاقترب من سيلا وهمس لها ..
- مبروك ياعروستي.
أبتعد عنه وذهبت لشقيقها
- تحفه الفندق
= ناصر عايزك تعامل البنات كلها كأنهم أنا .....
- أنا كدا مش هعرف أحب وأتجوز
= اوعي يوم تلعب بمشاعر بنت أو تأذي بنت .
- البنات كلهم جبروت معادا انتِ طبعاً
= البنات دول أضعف مما تتخيل واي حاجه بسيطه بتأثر فيهم وبيزعلوا من أقل حاجه مش دلع ، لا ، هما فعلاً طيبين وحساسين جداً بس لو حد أذهم وجرحهم لازم ياخدو حقهم عشان كسرة النفس وكسرة القلب مش بساهل عليهم أبداً....
- مالك يا سيلا مش معقول كل دا عشان هتتجوزي يعني ...
= هيوحشني دلعك ليا ورخمتك عليا ...
قبل رأسها بحب وتحدث قليلاً ثم غادرها و بعد خروجه جلست تضحك عليه ومازالت عينيها تدمع في نفس الوقت ،حتي سمعت طرقات علي الباب فاعتقدت أن أخيها عاد مره أخري .....
