ရင်ခွင်ထဲမှချစ်ရသူ-၂

အပိုင်း(၂၀၅) နောက်ဆုံးမှာ ဘယ်သူရယ်နိုင်မလဲ

Unicode
ရီလင်းမျက်နှာက ရှုပ်ထွေးနေတဲ့ အမူအရာဖြစ်နေတယ်။ ယန်ဟွမ်က တုံးတာလား ဒါမမဟုတ် အခုဘာတွေဖြစ်နေတာလဲဆိုတာပဲ မသိတာလားတော့ သူမမသိတော့ဘူး။ ဒါမှမဟုတ် သူမက လောကကြီးရဲ့အမှောင်ဖုံးနေတဲ့ ကိစ္စတွေကို မသိလို့ ဒီကိစ္စက ဘယ်လောက်ပြင်းထန်နေတယ်ဆိုတာ မသိတာနေမှာ။

" ဟွမ်ဟွမ် နင် အဆက်အသွယ်တွေအားလုံးကနေ အဖြတ်ခံလိုက်ရနိုင်တယ်နော်။ နင်နောက်တစ်ခါ သရုပ်ဆောင်လို့ မရနိုင်တော့ဘူးဟ!! " အဲ့လိုအဖြတ်ခံလိုက်ရတဲ့ မင်းသမီးတွေအကုန်လုံးကို သူမပြန်တွေးမိလိုက်တယ်။ သူတို့ထဲက တစ်ချို့က ယန်ဟွမ့်ထက်တောင် ပိုပြီးနာမည်ကြီးကြသေးတယ်။ ပြီးတော့ သူတို့ထဲက တစ်ချို့က စူပါစတားဆိုတဲ့ နာမည်အခိုင်အမာရထားပြီးသားကြီးတွေလေ။ ဒါပေမဲ့ သူတို့အားလုံးက ဘာမှမဟုတ်တဲ့လူတွေဖြစ်သွားကြရတယ်။ ပြီးတော့ အခု သူတို့ ဘယ်နေရာမှာရောက်နေလဲ၊ ဒါမှမဟုတ် အခု သူတို့ ဘာအလုပ်လုပ်နေကြလဲဆိုတာ ဘယ်သူမှမသိကြဘူး။

" ငါ့ရဲ့ သနားစရာကောင်းလိုက်တဲ့ ဟွမ်ဟွမ်လေးရယ် နင်သိရဲ့လား။ အခုအချိန်ကနေစလို့ သိပ်မကြာခင်မှာပဲ ငါတို့တွေ လက်ထဲမှာ ပိုက်ဆံတစ်ပြားမှမရှိဘဲ လမ်းပေါ်မှာ လျှောက်သွားနေရတော့မှာဟ။ "

" စိတ်လျော့ စိတ်လျော့။ ဘာမှမဖြစ်တော့ဘူး။ " သေချာတာပေါ့ ဒီကိစ္စက ဖြေရှင်းလို့ပြီးသွားပြီဆိုတာကို ယန်ဟွမ်က ရီလင်းကို မပြောပြဘူးပေါ့။ လုရိ ဘယ်လောက်တောင် လုပ်ကိုင်နိုင်စွမ်းရှိတယ်ဆိုတာ သူမက သိတယ်လေ။ အပြင်ပိုင်းမှာတော့ သူက ဒီတိုင်းပြည်သူ့ရှေ့နေ စုံစမ်းရေးမှူးတစ်ယောက်လေ။ ဒါပေမဲ့ အနုပညာလောကနဲ့ ပတ်သက်လာရင်လဲ သူ့မှာ ဘယ်သူမ မသိတဲ့ အာဏာရှိသေးတယ်။ အရင်တုန်းက လုချင်းရဲ့ အရင်းအမြစ်တွေအကုန်လုံးက လုရိဆီက လာတာပဲလေ။ ဒါ့ကြောင့် သူမက အဘန်းခံရမှာလဲ မဟုတ်သလို အဖုံးခံလိုက်ရမာလဲ မဟုတ်ဘူး။ တစ်ခြားတစ်ယောက်ပဲ ဖြစ်နိုင်မှာလေ။

သူမနဲ့ ရီလင်းက ပုံမန်လိုပဲ ရိုက်ကွင်းကိုသွားခဲ့တယ်။ ရီလင်းကတော့ မျက်နှာပေါ်မှာ အရမ်းစိတ်ညစ်နေတဲ့ ပုံကထင်းနေတာပဲ။ လော့လင်က စိတ်ပူစွာနဲ့ မျက်မှောင်ကျုံ့လိုက်တယ်။ သူမဆုံးဖြတ်ချက်က မှန်တယ်လို့တော့ သူမခံစားရတယ်။ ဒါပေမဲ့ တစ်ခါတစ်လေမှာ အခွင့်အရေးတွေက အခက်အခဲတွေနဲ့ တွဲပြီးလာတက်တယ်လေ။