ရင်ခွင်ထဲမှချစ်ရသူ-၂

အပိုင်း(၂၂၀) အတွေးဇာချဲ့ခြင်း

Unicode
လုံးဝအဘန်းခံလိုက်ရတဲ့ တစ်ချို့သရုပ်ဆောင်တွေက ပြည်သူတွေရဲ့ သနားစာနာမှုနဲ့ ထောက်ပံ့မှုကို သူတို့ရဲ့ ဝမ်းနည်းစရာကောင်းတဲ့ ဇာတ်ကြောင်းတွေက အောင်အောင်မြင်မြင် အရယူနိုင်ခဲ့တယ်။ သူတို့က အခုဆို comeback လုပ်ဖို့ အခွင့်အရေးကောင်းတစ်ခု ရသွားပြီလေ။

တစ်ခြားတစ်ဖက်မှာတော့ ရှောင်းရုံရုံက မကောင်းတဲ့ အကြောင်းပြချက်တွေအကုန်လုံးနဲ့ နာမည်ကြီးနေတယ်။ သူမက အခုဆို လမ်းပေါ်ထွက်လျှောက်မိရင် လမ်းသွားလမ်းလာတွေဆီကနေ ပုတ်သိုးနေတဲ့ဥတွေနဲ့ အထုခံရမှာတောင် ကြောက်နေရတယ်။ အပြင်ဘက်မှာ ကျားမကြီးကို သနားတဲ့မိန်းမတွေ အများအများကြီးပဲ ရှိတယ်။ ဘာလို့လဲဆိုတော့ သူတို့လဲ သူတို့ခင်ပွန်းတွေရဲ့ အိမ်ထောင်ရေးဖောက်ပြန်မှုကြောင့် သူတို့မိသားစုတွေ ပျက်စီးခဲ့ရတာမလို့လေ။

ရှောင်းရုံရုံ ဇာတ်လိုက်မင်းသမီးအဖြစ် သရုပ်ဆောင်ထားတဲ့ Palace Imperial Concubine ဇာတ်လမ်းတွဲကလဲ ညတွင်းချင်းပဲ နာမည်ကြီးသွားတယ်။ အားလုံးက အဲ့အကြောင်းကိုပဲ ပြောနေကြတယ်။ ဇာတ်လမ်းတွဲက စမလွှင့်ခင်မှာတောင်လေ။ ဒါပေမဲ့ ရှောင်းရုံရုံရဲ့ scandal ကြောင့် ရရှိလာတဲ့ အာရုံစိုက်မှုတွေက ဇာတ်လမ်းတွဲကို ကောင်းသွားစေမှာလား၊ ဒါမှမဟုတ် သူမနဲ့အတူဆွဲနှစ်သွားမှာလားဆိုတာကိုတော့ ပြောဖို့စောနေသေးတယ်။

အင်တာနက်ပေါ်မှာတော့ ကီးဘုတ်စစ်သည်တော်တွေက အခုဆို တက်တက်ကြွကြွနဲ့ ရှောင်းရုံရုံကို အမြစ်ဖြုတ်နေကြတယ်။ သူတို့က သူမရဲ့ အရင်ဇာတ်ကားတွေကို boycott လုပ်ခိုင်းဖို့ ပြီးတော့ အွန်လိုင်းပေါ်က streaming platforms တွေကိုလဲ သူမရဲ့ အရင်ဇာတ်ကားတွေကို သူတို့ရဲ့ ခေါင်းစဥ်တွေကနေ ဖယ်ရှားပေးဖို့ တောင်းဆိုချက်တွေ ပို့နေကြတယ်။

ရှောင်းရုံရုံရဲ့ ဂုဏ်သတင်းကတော့ အရမ်းကိုဆိုးဝါးသွားပြီ။ အကောင်းဆိုတာ တစ်ခုမှမရှိဘူး။ အခုဆို သူမ image ကလဲ လုံးဝပျက်သွားပြီ။ သူမကို ကိုယ်စားပြုဆယ်လီအဖြစ် ငှားထားတဲ့ ကုမ္ပဏီတွေ ပြီးတော့ တီဗွီကြော်ညာတွေအတွက် သူမကိုငှားထားတဲ့ ကုမ္ပဏီကတွေကလဲ သူတို့ရဲ့ စာချုပ်တွေကို ဖျက်သိမ်းလိုက်တယ်။ ပြီးတော့ သူတို့ brand image ကို ပျက်စီးစေခဲ့တဲ့အတွက် သူတို့ကို လျော်ကြေးပေးဖို့ တောင်းဆိုခဲ့ကြတယ်။