ရင်ခွင်ထဲမှချစ်ရသူ-၂

အပိုင်း(၂၇၆) သူမအနိုင်ရခဲ့တယ်

Unicode

ရွှေရောင်ဖီးနစ်ဆုပေးပွဲက သူမကိုနားဖို့အချိန်အများကြီး မပေးခဲ့ဘူး။ အဲ့ပွဲက သူမပြန်ရောက်ပြီး ၃ရက်မြောက်နေ့မှာ ကျင်းပခဲ့တယ်။

ဒါကယန်ဟွမ် red carpet လျှောက်ရတာ ပထမဆုံးအကြိမ်ပဲ။ သေချာပေါက် ဒီဘဝမှာပေါ့။

သူမက ဒူးအထိဖုံးတဲ့ အဖြူရောင်ဂါဝန်လေးကို ဝတ်ထားပြီး ငွေရောင်ဖိနပ်အမြင့်လေးကို စီးထားတယ်။ အဲ့တာက သူမကို ပုံမန်ထက်ပိုပြီး အရပ်ရှည်စေခဲ့တယ်။ သူမက အစကထဲက ပိန်ပိန်ပါးပါးလေးဖြစ်တယ်။ ဒီလိုမျိုး ဝတ်စားလိုက်တော့ ပိုပြီးတော့တောင် ပိန်တဲ့ပုံပေါက်သွားတယ်။ ဒါပေမဲ့ ဓာတ်ပုံက စားနေတုန်းပဲ။

သူမဆံပင်ကိုလဲ ထသွားထလာလိုပဲ အနောက်ကိုချထားတယ်။ စတိုင်လစ်က သူမကို အများကြီး လုပ်မပေးခဲ့ဘူး။ ပြီးတော့ လွန်လွန်ကျူးကျူးကြီးတွေလဲ မလုပ်ပေးခဲ့ဘူး။ အရာအားလုံးက သဘာဝကျကျပဲ ဖြစ်နေခဲ့တယ်။ မိတ်ကပ်ကလဲ အရမ်းမထူဘူး။ ပြီးတော့ အရမ်းလဲ လန်းဆန်းနေတယ်။

red carpet ပေါ်မှာ သူမက ပုံမန်လိုပဲ ခေါင်းငြိမ့်လိုက်တယ်။ သူမနောက်ကျောကတော့ အရမ်းကိုမတ်နေခဲ့တာပေါ့။ သူမဒေါက်မြင့်ဖိနပ်က အနီရောင်ကော်ဇောပေါ်ကို သာသာလေး နင်းသွားလိုက်တယ်။ သူမအရင်ဘဝတုန်းက သူမထိပ်ဆုံးကို ရောက်နေတဲ့အချိန်ကို ပြန်ရောက်သွားသလို ခံစားလိုက်ရတယ်။

သူမမျက်လုံးတွေကို မှိတ်လိုက်ပြီး တိုးတိုးလေး သက်ပြင်းချလိုက်တယ်။

ပြီးတော့ သူမက ပြုံးလိုက်တယ်။ သူမမျက်လုံးထဲက စိုးရိမ်ပူပန်မှုတွေက ပျောက်ကွယ်သွားတယ်။

သူမ...... ယန်ဟွမ်..... ပြန်လာခဲ့ပြီ။

အလင်းရောင်က သူမကိုယ်ပေါ်ကို ကျရောက်လာခဲ့တယ်။ သူမကရပ်လိုက်ပြီး အရေ့ကိုလှည့်လိုက်ကာ ပြုံးလိုက်တယ်။

သူမက အရမ်းကိုတိကျသေချာတဲ့ လေ့ကျင့်ရေးဆင်းထားတဲ့အတိုင်းပဲ အရာအားလုံးက ပြီးပြည့်စုံနေခဲ့တယ်။

အဝေးမှာထိုင်နေတဲ့ ရီလင်းကတော့ အရမ်းစိတ်လှုပ်ရှားလွန်းလို့ ချွေးစေးတွေတောင် ထွက်နေတယ်။