سلاسل الصبر

القرأن شفاء للقلوب و الابدان

لا تنسون تصويت والتعليق
قرأة ممتعه

#سلاسل_الصبر ٤٤

#بقلم_أم_مختار

(القرأن شفاء للقلوب والابدان)

لا شيء بصحة جيدة ، حتى الهواء يشعر
بألم في قدميه ويصل مُتأخراً إلى رئتيّ.

اسراء_ يريد يحط راسه براسي يريد يدخل راسه  براسي يريد ينمزج بيه

صابرين _ اسراء مغمضه عيونها وتزحف لليورى  اريد الزمها ماكوو الحد ما صاحت الحمد لله فتحت عيونها صارت بالزويه سحبت رجليها الحد صدرها وحضنتهم بأيديها وتشهگ واني اگول اسم الله يمه بنيتي شبيج ايراء

بس تهز براسها ابد ما حجت
حطيت ايدي على راسها گلت بسم الله الرحمن الرحيم
غرزت اظافريها بساعد ايدي وبعدها بكل قوه سكتي يوووم راسي يووووجعني
نترتني بقوه ستغربت من رد فعلها سكتت ظليت اقرا بگلبي ايدي ظلت تحرگني
هناك وارتج راسخا على الحايط گعدتها حتى تنام بفراشها هزت راسها بمعنى الرفض وردت غمضت عيونها ظليت طول الليل اباوعلها ودموعي صب شبيها ليش هيج صار وياها خاف مريضه باجر اخذها للدكتور خاف معدتها خاف راسها يجوز بطنها لا يمكن شي اكبر من هيج
طول الليل الافكار السوداويه تتجول براسي ما گدرت انام ولا گدرت ارجع لفراشي واني اشوف سروتي وسلوتي بهاي الدنيا نايمه وذابه ايديها الارض وكأنو مسلمه روحها
أذن المؤذن گمت اصلي ظليت اسبح ب اصابيعي
انتهيت ما ظليت اگدر اقاوم النوم نمت على مصلايتي واني ارد يا رحمن يا رحيم ارحمني برحمتك يارب العالمين

گعدت متأخر سويت الريوگ سويتلها حميس طماطه مثل متحب ماما سرو يلا حبيبتي سويتلج حميس طماطه

اسراء _سمعت اسم حميس طماطه وگمت اتقياء

صابرين _حضري روحج اخذج للمشتشفى
باوعتلي وهيه مخنزره ما ارَح اريد انام لزمت راسها ماكو صخونه وجهه اصفررر كركم
غطت راسها بالبطانيه شوي ورفعت الغطا بقوه جيبيلي ماااي

رگضت جبتلها مي  انطيتها شربت هواي حطت الصراحيه بقوه يمها علي  اثرها اطشر المي

ظليت اباوعلها وابجي واندب حضي وين اروح بيها ووضع البلد گايم  گاعد
للعصريه وهيه ما حطت شي بلحگها غير الماي گلت خلي اشغل قرأن بلگي الله تگوم شغلت القرأن
وهيه تسودنت حطت ايديها على ذانها وتضرب بذانتها بكل قوووه وتصرخ ماررريد طفووووو يوم طفي باوعتلي العيون دم دم ما ينشاف فص العين خفت بلحضتها رگضت احضنها تغرز اصابعهت بجسمي بكل قوه لزمت  ايديها واگول يارب وهيه تدفع بيه وتصرخ كااااافي وخري عني انتي وخرري عني الثوب العليها شگته صارت قويه الابعد حد اريد بس احضنها الزم ايديها ماكو اياد طفي القرأن

حسيت بيها شي البنيه هاي مو مريضى اذكرت سبحان المغربيه اخخخخ منج يا اسراء اخخخخ

سكنت شوي ونامت ما اعرف شلون عرفت صار غروب شلون صارت صلاه المغرب
ظلت تلظم بنص البيت وتگول كفاررررر انتو كفار وتغلط وتلطم على صدرها
اني هم مگابلتها والطم وياها الولد خافو شردو من البيت