سلاسل الصبر

مرقد الامام علي ٥٩

#سلاسل_الصبر ٥٩
بقلم _أم _مختار

مرقد الامام علي

صديقي حتى الموت لم يفرقنه
الوعد كان صادقاََ لدرجة الموت

اسراء_ستغربت حسام شيسوي متصل عليه
طارق بي شي

حسام _لا يابه ما بي خليته يحجي ويا زهراء واجيت شوي احجي وياج

اسراء_تفضل

حسام _اني بس حبيت اكلج انتي سلوبج حلو وخلوقه اتمنى الگه بنت حلال مثلج

اسراء_شكراََ بس هذا الحجي شنو فائدته هسا

حسام _ردت اعرف ما عندج اخت بت عم واني رجال ما العب بس تلگيلي بنت الحلال اجي بساعتها اخطب

اسراء_ليش الگالك مو انت واعد زهراء بزواج روح اخطبها

حسام _لا زهراء مو مال زواج

اسراء_ليش مو مال زواج

حسام البنيه خفيفه ما ينفع اصير ام بيتي وام اطفالي اريد بنيه مثلج

اسراء_والله ما اعرف بنيه ولا عندي خوات ولا بنات عم

حسام _ياريت اذا لگيتي بنيه مثلج اخلاق وادب ياريت ما تنسيني

اسراء_طريقة كلامه مو مريحه اسلوبه مستفز جاي يوصل رسالة بس رسالته مبطنه عباله غبيه ما افهمه ما يدري اسراء تغططه البحر وطلعه عطشان

اسراء_خير ان شاء الله لا ما انساك بس كملت كلامي سديت الخط بوجهه. كعدت الصبح على صوت امي وهيه تحضر الريوك وتصيح على اياد لا يتأخر تريد ترجع من وكت تطبخ دولمة لان مهند اليوم ينزل وفرحانه هي

اياد _هياتني خلصت

صابرين _تعال اكل

اياد _يا يابه ريحة خبز ام صافي تموت

صابرين _المره تسوي بتنور طين وتحطله سمسم عبالك مو خبزه كاهيه

اسراء_المراه معدله بعد شنوو

اياد _اي والله هنيال السيد بيها اريد هيج مراه يوم

صابرين _هههههه حبيبي ربي يرزقك ويرضيك

اياد _امين

اسراء_كام اياد وامي تباوعله
هااا وين صفنتي

صابرين_هم اشوفهم عرسان واشوف ولدهم وافرح بيهم

اسراء_ان شاء الله بعدج شباب صبوره

صابرين _وانتي يا سلوتي وصبري

اسراء_اني شبيه هم هسا يجي عريس منا منا واتزوجه و اخلف واذب خلفتي عليج

صابرين _يوم السعد

اسراء_ليش تردين تخلصين مني

صابرين _المراه من تصير ام تنسى بعد تفرح بأنجازاتها تصير فرحتها من فرحة اولادها واكبر فرحة ممكن تزور گلبي هو يوم زواجكم ويوم الي اشوف اطفالكم