سلاسل الصبر

فراگ ٤٧

#سلاسل_الصبر ٤٧

#بقلم_أم_مختار

( فراگ )

"هذه اخر كلماتي معك
ولم اكن اتوقع يوماََ كلماتي الاخيره معك
لقد اردتك للعمر كله ولكنها الحياة يا حلوتي
قاتلت بشرف لتكوني لي ولكن الشرفاء ايضاََ يخسرون معاركهم
أتركك الان وأمضي كجيش مهزوم"

اسراء_شد يصير
ما اجاني رد سمعت باب سياره  نفتح ضوت صياح بعيد عني نسد الخط ظليت الطم شسووي شصخم

اتصلت ماكو رد اتصلت هوااي ماكو رد يارررب حفظه ياررب خابرت  اخوه الوو  احمد ترى اكو سيطره وكفت عماد

احمد _اعرف وهساا كلنه طالعين نشوف وينه

اسراء_فدوه طمني

احمد _ان شاء الله

مر اليوم كوله وماكو اتصال لا من احمد ولا عماد تصلت اني ماكو ميرد كعدت بالغرفه وابجي شافتني امي شبيج

اسراء_خذو عماد

_منوو خذا

_ما اعرف سيطرة  وگفته وخذته

صابرين _شووفي يوم كتلج اليصير ضدهم لا يظن يسلم

اسراء_يوم دعيله هساا دعيله اني گلبي جمر وانتي جاي تححيلي هيج والله يوم الولد ورده واجه وطلب ايدي بعد شيسوي

صابرين _ربي يفرج عنه وعن كل مظلوم
باعي انيي تركتج على راحتج بسسس انسي اني كتلج انطيج ثقه اذا مااا تكونين گدها اتعامل وياج بغير طريقه طلب ايدج على عيني وراسي بس خلص لا تتوقعين اصلاََ يتركوو

اسراء_ما رديت عليها ما بيه لليل اتصلت على احمد بشرر

احمد _بسجن بوكا بس هذا العرفنا وهساا تهددنه كلنه

اسراء_يعني شنوو بعد ما يطلع عماد

احمد _ دعيله يموت

اسراء_گالها و بجه فدوه ليش تبجي يجوز هساا يتركو

احمد _رفعو سماعة تليفون اليمهم صوت صرخاته

اسراء_ دموعي تسابق اشهگ بخنگه لا اكدر ابجي امي واخوتي منا ولا اگدر اسكت روحي
اذكر كلماته الاخير مستحيل غيرج تتوسد فراشي
سديت الخط رفعت راسي امي گبالي گتلج لو لاااا

اسراء_...

يوم يعني لو مطيتج الى جان هسااا رديتلي ارمله

اسراء _ ويجوز جان بطل من هل شغله ليشش خليتيني بنفسه يووم وهو وياي على الخط يگلي گولي الامج مستحيل غيرج تتوسد فراشي ليش يوم عزيتيني عليه والله عماد ماكوو منه

صابرين _ انتي بالنسبه الي اهم من عماد انتو كل حياتي انيييي انتشلتكم من بيئه مگوده وتركت كلشي بس الخاطر اعيشكم عيشه بيها حظ ومن تكبرون تگولون صدگ امنه تعبت علينه ما اسلمكم للموت بأيدي انتي عبالج لوووو يعرفوج زوجته تسلمين لاااا ياخذوج ويفعلون ويعملون بيج گباله
شنوو مجاي سمعين شيسوون بالناس