سلاسل الصبر

عوده متأخره ٤٥

سبب غيابي راح تلگو بنهايه بارت ياريت الكل يقرا
قرأه ممتعه

#سلاسل_الصبر

#بقلم_أم_مختار

عوده متأخره

"اخي لما عدت المرأة اللتي كانت تنتظرك
احتضنها التراب"

والاب اللذي كان يذرف الدموع من اجلك رحمه الله
وسكن الشوق في قلبه "

صابرين _منو هذا اليريدني لبست حجابي وطلعت

رجال بالباب طول بعرض صدگ مرت عشرين سنه بس اخوي شلون ما اعرف جمال

جمال _اي جمال

صابرين _ركضتله حضنته بادلني الحضن بس بارد
شلونك خويه جمال شلون صحتك

جمال _الحمد لله انا بخير بخير هذولي ولدج

صابرين _اي هاي اسراء ولج يوم اسراء تعاي

اسراء _طلعت سلمت عليه ام صافي ترخصت وراحت

سلم علينه وباسنه امي دخلته حطتله الضيافه

جمال _لعد امي وابويه وينهم مشتاقلهم كلش ما صار ابويه زين

اسراء _تمالكتني ضحكه بالگوه لزمت روحي

اياد _ابوي سردار وامي بدره ثنينهم ماتو

صابرين _كل ردود فعله بارده

جمال _صدگ

صابرين _اي ابويه توفه ٩٥ وامي ٩٨

جمال _واني كل هل سنين انتظر يطيح النظام واجي اشوووفهم

صابرين _انت ما كلفت روحك وتصلت

جمال _وشلون ماتو ليش امي  شبيها ليش ماتت

اسراء _ ماجاوب على سؤال امي شوي وندگ الباب خوالي وخالتي اماني بس هيه حضنته وبجت خالتي اماني عدها بس بنيه تعاي يوم تعاي سلمي على خالج

جواد _منو خالها

جمال _كبرت جواد

جواد _كبرنه وزوجنه وصار عدنه اطفال المرأة النتظرتك سنين بس تتصل عليها حضنها لتراب وما لاحت حضنك

ابوي الفنه عمره وشبابه وكل حياته علمودنه جان يريد بس يطمن عليك وراح الربه وانت ماكوو لك شنوو من انسان انت

جمال _ والله انا هم بالشمال تبهذلت

خالد _تبهذلت يعني معقول ٢٠ سنه ما اكلت ما شربت

جمال _لا اكيد

خالد اذن اكوو وقت جان تصلت على اميي امي وصت زوجتك الف مره هذا رقم بس خلي يتصل

جمال _من وصلت زوجتي ما وياها رقم گالت يمكن طاح مني

خالد _وصعب واحد من سواق يجي ودز بيده رساله بيها رقمك