سلاسل الصبر

المقدمه +مشهد

قصه حقيقه
الصبر  شجره
جذورها مره و ثمارها شهيه

كثرة العثرات جعلتني قويه صابره متحمله
انا صابرين انا ک العراق قوويه
ولدت في عائله ك خارطه بلدي رغم المسافات بين شمالها وجنوبها لكن تحتضنهم  خارطة العراق  من اب كردي وام جنوبيه
من اب سني وام شيعيه (علويه)
ترعرت بين اخوتي منهم من يودني ومنهم ك اخوة يوسف الغيره و الحقد ملئ قلبهم بسبب حب والدي لي
رغم ويلات ما حدث لكن بقيت صابره
فااا انا صابرين

__________________________

#سلاسل_الصبر

#بقلم_ام_مختار

#قريباً

مشهد
عام ١٩٨٨

_بدلي للاولاد خليني اخذهم البيت امي

_وشسوووي ماخذهم وحدهم اخاف عليهم يصير بيهم شي لا لتاخذهم

_كتلج بدليلهم امي تريد شوفهم

_بدلت للولد وانا ما مرتاح ل روحاته صاير يروحلها هواي ويتحجج بالاولاد من يمته عمتي  ميته على ولدي
بدلتلهم  وانا  حسبه تجيبني وحسبه توديني

_يلااا طولتيها شسالفتج

_يا عيني اصبرلي فدوه دير بالك عليهم
ترى صغار

_موووو فهمنه كل شوي تعيدين شجاج
جر الولد و طلع اوووف منك كعدت انتظرهم لليل ماكو
كمت  احظر العشا عمي وحمواتي هسا يردون يتعشون
احضر بالاكل واكول هسا عمتي شجاها راحت شترت شقه بالدوره اكو مره تزعل ويا رجلها تروح تشتريلها بيت يلا فلوس زايده

_كمل العشا

_جاي احضر بي

_خوش ستعجلي

كملت العشا و انا بالي يم ولدي ما اجه اووف ياربي لليل وماكو
وطول الليل انا كاعده بالطرمه وبالي يم ولدي نزلت دموعي لا بنيتي يمي ولا ولدي يمي
دخلت الغرفتي وانا احس غرفتي تخنكني ولدي مو يمي
بنيتي رايحه البيت اهلي اووف يا بويه ريتني ارد ذيج الطفله المدلله الجانت تامر وتنهي بجالك

نمت وانا دمعتي بعيني علي وليداتي ثاني يوم وصلني خبر زعلان و ما يريد يجي والولد يم امه كلبي نار عليهم
مر يومين وانا كلبي ناررر من صبح اجتلي بنيتي اسراء
هلا ببنيتي بستها و اشم بيها شتاقيتلج
تونستي يم بيت جدج

اسراء _اي ماما حيل تونست جدو كلش يحبني

_فدوه العينه ابو كلب الجبير كاكا سردار يحب الكل

للعصر اجه وما يحجي وياي
ع شنو زعلان ما اعرف  بدلت البتي وكتلها روحي   ويا ابوج شووفي اخوتج شلونهم

طلعت بنيتي وانا خايفه هم ما يردها

اسراء _دخلت بيت حبوبتي بوستني

فتريت بالبيت لكيت اخوتي نايمين جوه الدرج

_انتظرت يجيب بنتي بس الحقير مجابها كلت باجر اذا ما يجي انا اروح
ثاني يوم الصبح جابها  حضنتها ودخلتها للغرفه  صرت بمستوها بوستها ماماتي حبيبتي حجيلي شلونهم اخوتج

_زينين بس بابا ينومهم جوه الدرج

_ياا حقيرر يا نذل
ومنو يوكلهم
_همه ياكلون وحدهم

_مستحيل يكدرون ياكلون وحدهم ولدي واحد عمره سنه ونص وثاني سنتين ونص شلوون ياكلون بحدهم
اي ماما كملي

اسراء اكملج بس ماما حبابه  مو تكولين البابا وعدني يشتريلي لعابه من سوق الثلاثاء جبيره وحلوه

_لا ماما ما احجي كملي

_بيت  بيبي وحده حلوه تخبل
وعدها طفل صغيروني

_وين تنام

_تنام يم بابا

_يااا حقير يا نذل سويتهاااا وتزوجت عليه الليوم احرك الدوره عليكم والله

رفعت الارضي وتصلت على امه سوسة البله

سمعيييي كلي الابنج الحقيرر ابو النسوان باجرر اذا ما جاب  ولدددي المنومهم جوه الدرج  واذاا ما وصلني مصرفهم والله  لخبر عليه واكول فراري وبيدي  اسلمه للعدام

البيبيه هند / حيلج حيلج يا دادا شوو تصيحين

_عافني  بين الحياطين اكرب واخدم وماخذ ولده يمه عوود هو الزعلان والله باجرر اذا ما اجوني ولدي لحرك الدوره شقه شقه
سديت الخط وانااا روحي محترك

يتبع.....