مساء الخير قرأة ممتعه
سلاسل_الصبر ٥٢
(٢٠٠٦)
#بقلم _ام_مختار
تقام الحروب من اجل المصالح
الا الحروب الاهليه تقام من اجل الاباده
اسراء _لزم ايدي مشينه اني ويا اباوعله يباوع ع كلشي ويوزع ابتسامات صايرشي
طارق _جاي احس براحه موو طبيعيه
اسراء_دوم ان شاء الله
كعدنه بتعد عني مسافه
حجيلي عنك اكثر شلون عايشين
طارق _حجيتلج عن اهلي وخواتي واخوتي بعد شنو تردين تعرفين
اسراء_ شلون عايشين اهلك ليش اجوي البغداد
طارق _الحمد لله انا عندي المطبعه وانا كل سبوع واديلهم المصرف
اسراء_يعني انت بس الي تصرف وتجيب
طارق _لا اخوتي وياي بس انا الاكثر بحكم شغلي افضل والفضل الله ثم سيد محمد
اسراء_ابو صافي ورده صدگ شلون تعرفت عليهم
طارق _من اجيت بغداد لگيته بشارع البتاوين من اجيت ادور ع مطبعه والرجال هو الدورلي وهو جابلي افضل الطابعات
اسراء_والهذا سبب مشغل ولده
طارق _احمد جبير وشغله عدل
صافي هم سباعي
اسراء_ صافي ورده بسسس اخخ منه حساس
طارق _احنه طبيعة حياتنه نشاقه ونضحك رغم كل واحد عنده هم مثل جبل بس احنه اهل الجنوب طبيعتنه هيج
اسراء_ونعم منكم اني ام امي جنوبيه من الكوت هيه ربتنه وهيه الهتمت بينه وهيه الدراتنه جنه نصيحلها يمه
طارق _اهل الجنوب يحبون بناتهم عكس ولدهم واكيد البعض يفضل الولد بس اغلبيتنه بناتنه روحنه من دنيا انا خواتي النفس اليصعد والينزل
اسراء_الله يخليهم الك
طارق _من يا عشيره
اسراء _ليش
طارق _ هيج حاب اعرف
اسراء_ اني سنيه
باوعتله باوعلي وضحك
يعني مكطمه
اسراء_هااا بدينه بالغلط
طارق _لج دتعاي خرب بأهلج زمو
باعي سني شيعي كو... سرسري اناا شدخلني
بس انا قبل شوي گتلج احنه نحب نضحك ونشاقه
اسراء _يعني تقبل اگول عنكم كلام محلو بحجة شقه
طارق _على راسي المكطمين هههههههه لا زعلين
اسراء_ ما يضحك اصلاََ
طارق _ ههههههههههه عمي اسف واعتذر
اسراء _ عبالك يهود مو سنه بوقتها تنرفزت من كلامه
طارق _ اي والله وگلبي القدس
أنت تقرأ
سلاسل الصبر
عاطفيةقصه حقيقه الصبر شجره جذورها مره و ثمارها شهيه كثرة العثرات جعلتني قويه صابره متحمله انا صابرين انا ک العراق قوويه ولدت في عائله ك خارطه بلدي رغم المسافات بين شمالها وجنوبها لكن تحتضنهم خارطة العراق من اب كردي وام جنوبيه من اب سني وام شيعيه (...
