اعتذر ع تأخير هسا كملت بارت
#سلاسل الصبر ١٤
#بقلم_أم_مختار
(أشباه الرجال)
نواف يگول
هذولي احنه اليذبنه بـ ضيج منذبه
وهذولي احنه اليعذب إگلوبنه إنحبه!
صابرين مسح دموعه والعيون صارن حمرررر
اخذني سعد وگال هذاا صديقي نواف ابو السوبر الي راد يزفنه بسيارته بس توفه زوج اخته
صابرين _البقيه بحياتك
نواف _صدك البقيه بحياتي ومبروك الكم
_الله يبارك بيك
يباوعلي بنظره عصبيه ب حسره بيها تسأولات
رجعت كعدت يم اهلي وهو ترخص وطلع
سولي حفله وانا بالي يم نواف كلشش قهرني من نزلت دموعه وحمدت الله وشكرته موو بسيارته نزفينه جاان صارت فضيحه حبيبي بابا جابلي هديه محبس وامي تراجي
اجوي بيت خالته من خارج بغداد بت خالته مرتاحيتلها
تحجي ويا سعد وتضحك بس كلت هم مبينين عائله فري و عدهم كلشي عادي جان اسم بنت خاله دولة
دولة _مبروك
صابرين _الله يبارك بيج
دولة _يااا سعد شنو هاي زوجتك تستحي تحجي
سعد _هي نازگه حتى بحجيه اجه خله ايده خلف ظهري وجرني الى هي عوجت ب حلكها ومشت
كلثوم _هااي مبينه وحده زايعتها دنيا ديري بالج
صابرين _لااا لو جانت تريده جان زوجها مو اجه ياخذ غريبه
كلثوم _يمعوده دديري بالج ع رجلج لا تبوگه منج هيج نسوان يبوگن الكحل من العين
صابرين _ما خليت كلامها بالي
للمغرب الكل راح دخلت ابدل ملابسي
بس اجيت يمهم گلتلي عمتي حضري العشا
_ان شاء الله
كمت سويت العشا وهم كاعدين بالصاله يضحكون ويلعبون ورق بيناتهم وبت خالته يمهم سوالف وضحك حضرت للعشا وصحتلهم
كعدو ياكلون وهو منطلق وياهم لا يباوعلي ولا كأنو انا يمه هم اني سكتت
ثاني يوم نزل للجيش
الي ستغربته من راد يطلع وكف يلبس بسطاله زمخت بي عمتي اطلعععععع بره البسه لا يوصخ البيت
هو ع سريع جر البسطال وطلع
انا هم طلعت ورا ودعته باسني ب خدي وراح
صاحتلي خلود عيوني حضري الريوگ
دخلت للمطبخ اسوي ريوگ وهنا كاعدات بنص الصاله ويضحكن ويسولفن كعدت الصبح بالنسبه الي معضله فد شي مقيت بالنسبه الي سويت الريوگ ودخلت انام شوي بعد وكت بس ظاهر هم ميحترمون احد نايم ضحك وصريخ وبيناتهن يتمازحن وصوت مبالغ بي
كمت رتبت روحي وطلعت يمهم بس اكعد يمهم تبدي المتطلبات جاي ماي عصير
وانا اظل رايحه وجاي اخير شي اتعب وادخل غرفتي ظليت محبوسه بهل غرفه
أنت تقرأ
سلاسل الصبر
Roman d'amourقصه حقيقه الصبر شجره جذورها مره و ثمارها شهيه كثرة العثرات جعلتني قويه صابره متحمله انا صابرين انا ک العراق قوويه ولدت في عائله ك خارطه بلدي رغم المسافات بين شمالها وجنوبها لكن تحتضنهم خارطة العراق من اب كردي وام جنوبيه من اب سني وام شيعيه (...
