سلاسل الصبر

ضد الامريكان ٤٦

اول شي اعتذر على تأخير بارت لأن جنت انتظرهم يصححون

ثانياََ هواي ناس جاي تغلط ع اسراء وادبسز و و و
هذا كله كلام ماله داعي تردوني احذب عليكم واطلعلكم البطله ما بيها ولا خطاء انتووو من يمكم راح تحسون اكو فد خلل بالقصه لأن كلنه نعرف ماكو بشرررر ما بي اغلاط
ثالثاََ هم ليش ينقلون قصصهم حتى تتعلمون شي منهم تاخذون حذركم تنتبهون الحياتكم

وانا طبيعي مثل ما انقل مواقفهم الحلوه انقل مواقفهم السيئه واذا من هسا تبلشون تسبون اسراء فااا يعني بالبارتات جايه اوقفها للقصه لأن الجاي اعظم ولكم حرية الاختيار لأن اسراء هيه الي نقلتلي كلشي يعني تريد كلشي يظهر ويطلع
اكو فد شس بنهاية بارت ضروري تقرو

ر قرأه ممتعه

#سلاسل_الصبر ٤٦

#بقلم_أم_مختار

(ضد الامريكان)

سلاماََ لأرواح اينما حلت حل السلام  

اسراء طلعت ركض ركبت سياره وطلعت المستشفى الكندي هناك نلتقي خابرني وين صرتي

اسراء_شوي واوصل

_اني يم باب المستشفى

اسراء_تمام

وصلت للمستشفى جنت كلش خايفه بس ما ترجعت ابددد  دخلت وخابرته
اني يم البوابه

_واني  گبالج

اسراء_رفعت نظري واگف گبالي يبعد عني عشر مترات تقريباََ  طول بعرض يخبل ذبت اني شهل جمال

عماد _تدرين انتي تخبلين دخيل محمد شنووو هل جمال

اسراء_شكراََ يحجي وياي من تليفون ما تقرب ولا خطوه شنو ما تتقرب

عماد _لااا انا كتفيت المهم شفتج و ما اريد احد يشوفني وياج لا تصير مشكله الج بس اريد اكلج اني رايح للفلوجه بس اوصل اخابرج

اسراء_تمام دار ظهره وطلع ابتسمت امشي واتخيل شكله صاحب رصعات وحواجب معگوده و لحيه وشواربه خفيفه امشي واتبسم مثل المخبله رجعت للبيت واني فرحانه طايره من الفرح هم حلو وهم مؤدب بعد شتردين دخلت للبيت واني نا بيدي  لا دوا و لا أي شي

صابرين _شصار

اسراء_هاا ما صار شي

صابرين _شنو مصار شي

اسراء_ فحصوني گال بيج زرويد فاا رجعت للبيت

صابرين _موو وكت شقى ولج

اسراء_هههههه گال بيج گحه شلون گحه حلوه تخبل فاا انا قررت ما اتعالج منها
لزمتني من ملابسي تحجين لو ابتلي بيج

اسراء_ والله ما بيه شي گال گحه واني اجيت عليمن اخذ دوا هسا اسويلي شي دافي وتروح كش برى وبعيد عنها