علي مر الزمن

الفصل الثالث

الفصل الثالث


« ثم ذهب عمر وصلي ركعتين شكر لله، ثم خرج من غرفته لكي يجلس مع عائلته حتي يطمئنهم عليه ويعتذر لهم عن خذلانه لهم، ولكن اي اعتذار هذا بما سيجدي الاعتذار، يا ليت بإمكاننا أن نعيد الماضي لكي نصلح ما اخطأنا فيه، لكننا للأسف لا نستطيع فعلها.»



_ ماما قولتيلي أنتِ عاملة اكل اي كنتي بتقولي اكل بحبه اي هو بقي !؟



_ ردت امه ببعض من المفاجأة: اي ده انت كويس ؟





_ اه يا امي كويس ماتقلقيش عليا الحمدلله انا راضي المهم أنتِ ماتزعليش مني علشان ماقدرتش افرحك بيا، آسف إني خذلتك.



_ ومين قالك اني مش فرحانة انا زعلت علشان كنت واثقة إنك زعلان لكن دلوقتي خلاص مابقتش زعلانة وبعدين انا هفضل واثقة دايما في ابني حبيبي.

ربنا دايما بيكتبلنا الخير حتي ولو مش هو الحاجة الل بنتمناها أتأكد ان ربنا اختارلك الأفضل وبعدين احنا لسه مانعرفش هتدخل اي، مش يمكن تكون حاجة حلوة؟؟ وبعدين مجموعك اصلا حلو جدا خذلان اي بس الل بتتكلم فيه.



_ شكرا يا امي علي انك دايما جمبي وفهماني مش كتير بيعمل كدا بجد ربنا يديمك في حياتنا يست الكل، ثم قبل يدها ثم جبينها ثم قال بس برضوا ما جاوبتيش علي سؤالي عاملة اكل اي!؟



_ ضحكت اسماء وضمته بقوة ربنا يفرحك يا حبيبي وابتعدت عنه ثم قالت ....



_ عملالك مكرونة بالبشاميل وكمان الكبدة ال بتحبها وفراخ مشوية



_ اي ده ؟؟ ده الجمال عدي الكلام حقيقي بقي طب حطيلي بقي يا ماما بسرعة علشان حاسس اني جعان اوووي.



_ ذهبت اسماء واحضرت له الطعام ثم ذهبت سارة اليه



_ موري حبيبي هتاكلني معاك مش كدا !!



_ ابدا ماتحاوليش ....



_ انت حبيبي...



_ ماتثبتنيش ...



_ وحياتي عندك..



_ يا دكرررري ....



_ضحك عبد الرحمن عليهم ثم قال ....



_ ماتسترجل يلا منك ليها



_ ردت سارة استرجل اي يلا انت عبيط انا بنت



_ رد عبد الرحمن اه صح فاتتني دي، يست روحي ده أنتِ فيكِ رجولة عنه.



_ رد عمر حصل والله في دي عندك حق



_ ضحك عمر وعبد الرحمن علي شكل سارة الذي تحول فكانت عندما تغضب يحمر وجهها وتظهر عروقها فكانت تشبه تنه ورنه تماما ......



_ ولكن ردت سارة: تمام اضحكوا براحتكوا وانت يا سي عمر كنت جايبالك هدية بس خلاص مافيش للطيب نصيب ...



_ رد عمر تلقائيا اي ده اختِ حبيبتِ مش كنتِ عاوزة تأكلي معايا يلا علشان ناكل سوا.



_ ردت سارة لا متحاولش



_ علشان خاطري ده انتي حبيبتي



_ ماتثبتنيش ..



_ وحياتي عندك



_ يا دكررري ... ثم تابعت خلاص يلا نأكل سوا يا حبيبي واخرجت لسانها لعبد الرحمن كألاطفال حقا.



_ رد عبد الرحمن والله انا هتشل من محن الكلاب ده .



_ ردت سارة محن كلاب محن قطط مالكش فيه واحدة واخوها حبيبها انت مالك يا بارد ...



_ انا بارد ماشي يا سارة الكلب ليكِ يوم ..



_ يلا هش هش يلا روح علي عشتك اقصد اوضتك يلا وسيبنا نأكل براحتنا



_ طب والله لانا واكل معاكم



_ يخربيت برودك يا شيخ



_ انا بارد مالكيش دعوة المهم مش هسيبكم تأكلوا لوحدكم الاكل ده كله .



_ رد عمر باااااااس صدعتوني والله إن ما سكتوا هنادي ماما ومحدش هياكل خالص



_ تابعت سارة طب ماهو ...



_ قاطعها عمر هااااا



_ ردت خلاص امري لله كل يبني في هدوء نعمل اي ماهي الحجة دايما جاية في صفه



_ تابع عبد الرحمن عندك حق يا اوختشي والله.



_ تابع عمر قولت اي



«صمتوا جمعيا وتناولوا الطعام في صمت الي أن قطع الصمت صوت دق الباب فذهب عبدالرحمن ليري مَن الطارق ولكنه وجدهم حازم ويوسف.»



_ سأل عمر مين يا عبد الرحمن



_ تابع عبد الرحمن دول اصحابك حازم ويوسف ثم اكمل اتفضلوا ثم ادخلهم لغرفة الضيوف وكانوا يحملون بعض الاشياء.



_ دلف عمر إليهم ثم قال انا اسف اني ماحتفلتش بيكم وسبتكم ومشيت عارف إن دي انانية مني حقكم عليا.



_ رد حازم انت بتقول اي يا عمر احنا عمرنا ما نفكر كدا اصلا احنا زعلانيين علشان انت زعلان وعمرنا ما هنعرف نفرح وانت زعلان .



_ تابع يوسف اه والله يا عمر احنا عِشنا دايما اخوات ومع بعض نفرح سوا ونزعل سوا وعمرنا ما هنرضي بزعلك .



_ لم يرد عمر عليهم بل ضمهم سريعا لمدة ثم قال ربنا رزقني ب ٣ اخوات اولاد مش واحد انتوا فعلا اخواتي والله ربنا يديمكم في حياتي يارب.



_ دلف عبد الرحمن اليهم ثم قال يبني مش هتبطل محن الكلاب ده بقي، توب علينا يارب من القرف الل بنشوفه ده



_ رد عمر انا محن كلاب وقرف تمام يا عبد الرحمن الكلب والله لأوريك ماتزعلش بقي لما انادي علي ماما ولا بابا



_ تابع عبد الرحمن مسرعا اي يا ابو الصحاب ده انا بقول عليك رجولة مش كدا في اي ..



_ مش كنت لسه محن كلاب وقرف دلوقتي ....



_ اي ده لا طبعا ده انا بهزر يا رمضان اي مابتهزرش



_ لا يخويا بهزر ...



_ ضحك حازم ويوسف عليهم ثم قال حازم... عمر ممكن مايه معلش علشان عطشان



_ حاضر دقيقة وجاي ثم تابع يوسف لعبد الرحمن عطل عمر عبال ما نجهز الحاجات دي حابين نفرحه



_ رد عبد الرحمن حاضر وانا وسارة وماما وبابا كنا جايبله هدايا وجاتوه هعطله عبال ماتجهزوا الحاجات وانا هقول لماما تجهز الحاجات ال جوا ونعمله مفاجأة هو فعلا يستحق كل خير .



_ اخرج يوسف البورتريه الذي يجمع صورتهم معا ثلاثتهم ووضعها علي الحائط واخرج حازم التورته وايضا كان عليها صورتهم وأخرجوا علب للمشروبات الغازية والشوكولاتة المفضلة لعمر وبالونات بحروف كلمة OMAR ووضعوا صب لكي يستمعوا للموسيقي



_ دلفت والدة عمر ووضعت الاطباق والجاتوه وبعض الحلويات فمهما كان فسيبقي عمر ابنها المدلل وبعض وقت دلف عمر للغرفة ولكنه تفاجئ بما وجده



_ اي ده بجد ؟؟ انتوا عندكم عيد ميلاد ؟ ماتهزروش كل ده علشاني ؟؟



_ رد حازم بضحك يعيني ده اتصدم، وبعدين ده قليل عليك يا ابو الصحاب مبروك علي النجاح يابرو.



_ تابع يوسف وعبال مانفرح بيك بقي ونخلص منك اقصد ونجوزك.



_ كان عمر في سعادة يُحسد عليها حقا ضمهم لحضنه بقوة وقال والله عمري ما غلطت لما قولت انكم اخواتي ثم دلفت سارة للغرفة وشغلت الموسيقي علي اغنية وحياة قلبي وافراحه واحتفلوا جمعيا بنجاح ثلاثتهم.



_ وبعد وقت اخرجت سارة هديتها لعمر ثم نادت عليه عمر



_ رد عمر نعم



_ اتفضل هديتك



_ العلبة دي فيها اي



_ ضحكت سارة ثم تابعت فيها فيل



_ لا بجد فيها اي



_ بقولك فيها فيل انت مش مصدقني



_ رد عبد الرحمن ماتفتحها يا غبي وتشوف فيها اي اي الذكاء ده



_ اه صح معلش نسيت وفتح الهدية ولكنه صرخ ااااااااااع اي ده بجد مش معقول لا لا مش مصدق وجري علي ابوه بابا اضربني بالقلم بسرعة



_  ضحك والده ورد في اي يبني انت اتجننت ولا اي



_ جري عمر علي والدته طب اضربيني أنتِ يا ماما بسرعة



_ ضحكت عليه ايضا في اي يا عمر مالك



_ يا جماعة حد يضربني مانا مش مصدق لا اكيد بحلم



_ ضحك الجميع عليه وعلي حركاته تلك



_ سأله حازم مالك يبني في اي



_ رد عمر سارة جابتلي احدث موبايل نازل من ايفون انت مصدق والنبي



_ رد يوسف يابن المحظوظة مبروووووك يا عمر عبالنا



_ تابع عمر ولد اسمي عمر باشا بعد كدا



_ تابع يوسف سامحني يا عمر باشا فاتتني دي



_ ده انا هدوس عليكم يا كلاب



_ ضحك الجميع عليهم وذهب عمر وحضن سارة وقال لها



_ بجد شكرا يا أحلي اخت بجد ربنا يديمك ليا يارب



_ ردت سارة حبيبي ده حاجة قليلة عليك والله



_ وقال عبد الرحمن اتفضل يا ابو الصحاب هديتك اهي ثم قام عمر بفتحها ووجدها قميص وبنطلون وحذاء ثم أخرجت امه هديتها أيضا وكانت ساعة من أحدث الإصدارات واخرج والده هديته وكانت محفظة وبها 500 جنيها ونظارة شمسية، وقضي عمر أسعد يوم بحياته.



" يا ابن آدم إن رضيت بما قسمته لك أرحت قلبك وبدنك وكنت عندي محمودا  وإن انت لم ترضي بما قسمته لك فوعزتي وجلالي لاسلطن عليك الدنيا تركض فيها ركض الوحوش في البرية ثم لا يكون لك منها إلا ما قسمته لك "



« ببساطة عندما نرضي بقدرنا ونحمد الله عليه، فإنه يفاجئنا بكرمه.»



.....................................



«قبل ساعات علي الناحية الأخرى في مدينة القاهرة كان سليم والد كارما وفاطمة يجهزون لها مفاجأة أيضا وبعد ما اشتروا كل شيء عادوا للمنزل علي الساعة الرابعة»



_ نادت فاطمة علي كارما...  كارما كارما بتعملي اي



_ ردت كارما بعمل بيتزا ل قُصي وعُدي وخلاص خلصت هي الساعة كام صح



_ رد سليم الساعة 4.5



_ زادت دقات قلب كارما ثم تابعت تبقي النتيجة طلعت وذهبت مسرعة واحضرت موبايلها وفتحت الموقع وكتبت رقم جلوسها واغمضت عيناها ووضعت فاطمة يداها علي كتف كارما وسليم ايضا وقال لها ..



_ يلا يا كارما اتشجعي يا حبيبتِ وضغطت كارما علي موبايلها ولكنها صُدمت



_ سألها سليم اي يا كارما عملتِ اي



_ ردت كارما بدموع جبت 400 من 410 يعني 97.6%



_ حضنها سليم مبروووووك يا حبيبتِ كنت عارف انك قدها وهتفرحينا كلنا وزغردت فاطمة وحضنتها ثم أكملت مبروووووك يا حبيبتِ عبال ما نفرح بيكِ يارب



_ ردت كارما الله يبارك فيكم بس مجموعي مايجبش طب بشري



_ رد سليم عليها بصي يا كارما سواء لحقتيها او لا المهم انك اثبتي لنفسك إنك تقدري تعملي اي حاجة ومافيش حاجة صعبة عليكِ، وأنتِ عارفة إن مجموعك ده معظم الناس بتتمناه وحتي ولو ما ماجبتيش مجموع طب عاوز اقولك ان انا ووالدتك دكاترة حياة الدكتور صعبة اوي يبنتِ متعبة فعلا وأنتِ قلبك ضعيف مش هتستحملي تشوفي مرضي بحالات خطرة فأيا كان التنسيق افرحي وماتزعليش.



_ تابعت فاطمة وايا كانت الكلية ال هتدخليها هنفضل فخورين بيكِ يا حبيبتِ



_ وضمتهم كارما ربنا يديمكم ليا يارب ولكن قاطعها قُصي وعُدي واحنا مالناش حضن يا كارما !؟



_ لا طبعا ليكم ونزلت لمستواهم ثم إحتضنتهم بقوة



_ تابعت فاطمة فين البيتزا الل عملتيها يا كارما



_ ثواني يا ماما هجهزهم في العلب واجبهم، استغل سليم وفاطمة انشغالها وجهزوا لها تورته بصورتها وبالونات ايضا بحروف اسمها Karma واخرج لها سليم علبة وعقدها ببالون كان كل شيء يشبه مفاجأة عمر  وخرجت كارما ولكنها بكت من فرحتها بتلك المفاجأة وضمت والديها لحضنها بقوة وقالت لهم



_ انا بجد محظوظة بيكم يا أحلي عيلة في الكون



_ قالت لها فاطمة طب مش هتفتحي الهدية



_ اه صح نسيت وفتحتها ولكنها كانت في مثل صدمة عمر لا لا بجد مش معقول لا كدا كتير وبكت اكثر



_ رد عليها سليم مافيش حاجة تكتر عليكِ يا قلب بابا



_ لا بس ده غالي جدا ده احدث موبايل من شركة أيفون



_ ردت فاطمة يا حبيبتِ أنتِ دايما رافعة رأسنا ولا كنوز الدنيا فعلا تكفيكِ، أنتِ بنتنا اول بنت لينا أنتِ مش عارفة يوم ولادتك كنا فرحانين ازاي أنتِ جيتِ نورتِ حياتنا يا كارما.



_ هو انتوا ليه مثاليين دايما كدا لا بجد بقي مهو مافيش عيلة كدا اعترفوا قولوا الحقيقة ياما تشيلوا القناع ده انا عاوزة اعرف الحقيقة انتوا مين !!؟



_ ضحك سليم علي إبنته وقال ههههه أنتِ مجنونة يبنتِ قناع اي، هو أنتِ فاكرة اننا مش بنتخانق مثلا ؟؟ لا احنا زي اي اتنين بنتخانق عادي بس حبنا بيتغلب علي المشاكل دي وكمان عمرنا متخانقنا قدامكم بدليل انك بتقولي الكلام ده، لازم تعرفي يا كارما إن الطفل لو شاف ابوه وامه بيتخانقوا بيكون معقد نفسيا وبيطلع غير سوي وده بيأثر عليه طول حياته علشان كدا احنا كنا طول حياتنا حريصين جدا انكم ماتشوفوش غير الصورة الل احنا عاوزين نوريهالكم، وأنتِ كمان لازم تعملي كدا لما تتجوزي علشان مصلحة ولادك ويكونوا زيكم اسوياء، وكمان لازم تعلميهم أمور دينهم من وهما صغيرين علشان الحاجات الل بتزرعيها فيهم من صغرهم بتطبع فيهم وبتكون شخصيتهم، صح هتتعبي علشان تقدري تعملي كل ده بس كفاية نظرة واحدة لاولادك وهما ناجحين زي فرحتنا بنظرتنا ليكم فهمتي يا كارما !؟



_ اه يا بابا فهمت ربنا يديمكم لبعض ومعانا يارب، بس ملحوظة صغيرة اكيد مش هعمل كل ده لوحدي يعني.



_  يارب يا حبيبتِ، وبعدين مين قال كدا انا بس بفهمك علشان لو جوزك نسي يعمل حاجة من دول أنتِ تفكريه الست هي أساس البيت يا كارما حقيقي لولا ربنا كرمني بأمك ماكنتش هكون الل أنتِ شيفاه دلوقتي والفضل في تربيتنا ليكم بعد ربنا هو أمك بجد.



_ طبعا هي ماما اي حد دي ست الكل



_ ردت الأم... ربنا يديمكم في حياتي يارب، ثم قاطعهم قُصي و عُدي فين هديتنا يا بابا ؟؟



_ مابتنسوش حاجة ابدا هديتكم علي الترابيزة اهي



_ رد قُصي بلايستيشن هيااااااااااي



_ تابع عُدي بنحبك اوووي يا بابا



_ ردت فاطمة يا سلام وماما لا يعني



_ تابع قُصي لا بنحبك بس لو جبتي هدية هنحبك اكتر



_ ضحك الجميع علي هؤلاء الأطفال المشاغبون ومَر اليوم بسلام وايضا كان من افضل الايام ل كارما



......................................

بعد مرور عدة أيام فقد ظهرت نتيجة تنسيق المرحلة الاولى للثانوية العامة



كارما: بابا انا لحد دلوقتي معرفش انت كتبت اي في ورقة الرغبات



_ قولتلك كتبت كليات القمة لجميع المحافظات وكام كلية تاني



_ طيب يلا نشوف جالي اي



_ يلا يا حبيبتِ



وبعد وقت ليس بكثير ظهرت نتيجة كارما



_ اي ده لا مستحيل مش معقول طب ليه، قالتها كارما وكانت في حالة رهيبة من الصدمة

ما الذي ظهر لكارما لكي تتفاجئ هكذا !!!؟

يتبع.....