علي مر الزمن

اقتباس تمثيلي

عمر: كارما لوسمحتي سامحيني انا فعلا بحبك

كارما: اسامحك !!!!!! بعد ما هنت كرامتي بعد ماحسستني اني ولا حاجة عمر انا اكتر حاجة بكرها في حياتي ان حد يدوس علي مشاعري كنت عارف اني كنت بحبك من زمان كان ممكن مثلا لو ماحبتنيش تقولي وانا كنت انساك لكن انت عملت اي جرحتني وكسرت قلبي انا يستحيل اسامحك.

عمر بأسف شديد: والله يا كارما كنت مضطر كان لازم اعمل كدا غصب عني صدقيني

كارما: واي السبب ال يخليك تكسرني

عمر: حازم يا كارما انا لما حبيتك ماكنتش اعرف انه بيحبك ولما عرفت انك بتحبيني بالصدفة قررت اعترفلك بمشاعري وقولت ممكن تكوني انتي عوض ربنا ليا وكنت مجهز كل حاجة بس اتفاجئت ان حازم بيحبك وحازم صاحب عمري اضطريت اعمل كل ده علشانه علشان تكرهيني ماكنتش عايز حازم يتكسر ،حازم فضل طول عمره يحبك وانتي اول حب في حياته قولت تستاهلي حد نضيف عمره ما حب قبل كدا ولا غلط انما انا ارتبطت وغلطت قولت ابعد واكرهك فيا علشان تكوني معاه.

كارما بوجع: واي ال غير رأيك بقي !!!!؟

عمر: الوجع اكتشفت اني وجعتنا احنا التلاتة ولا انتي مبسوطة ولا انا ولا حتي حازم علشان انتي مش عارفه تسعديه ولا عمرك هتعرفي يا كارما علشان انتي مش بتحبي حد غيري.

كارما: لا انت غلطان انا وحازم مبسوطين خالص شوف انت حياتك مع حد تاني انا كنت بحبك بس حاليا بقيت بحب حازم

عمر بغضب شديد: كارما الا الحب انتي بتحبيني انا وبس وعمرك ما حبيتي حازم ولا حتي هتحبيه ولا هو ولا غيره ثم أكمل بحنان كارما معلش خلينا نكون مع بعض

كارما بغضب ايضا: انت فاكر نفسك اي علشان بمزاجك تكرهني فيك وبمزاجك ترجعني ليك انا مش لعبة في ايدك انت فاهم انا مش بحبك انا بحب حازم بعد اذنك بقي.

عمر: كارما اسمعيني طيب .... لكنها ذهبت دون أن تستني رد منه ولكنه حقا السبب في كل ذلك ولكن ما فائدة الندم بعد فوات الأوان.
هل حقا كارما أصبحت تحب حازم!؟
ام انها ستعود لِ عمر !!؟ ام للقدر رأي آخر !!!؟

~~~~~~~~~~~~~~~
#علي_مر_ الزمن
#نور_ صلاح
#حكايات_عمر_و_كارما