رواية عنيدة وكلامي ما أعيده • مكتملة •

~ البارت العشرون ~

بعد كم يوم..

كانوا جالسين في مجلس الرجال في قصره الفخم..

لؤي باستغراب: عفواً أنا أول مرة أشوفك.. أنت مين؟

يرد عليه بكل ثقة: أنا معاذ ال.... (اسم قبيلته)

لؤي يرفع حاجبه: طيب؟

معاذ بثقة: جاي أطلب ايد إليـــن!!!!

لؤي يناظره بتدقيق وتفحص: ومن وين عرفت إلين؟؟

معاذ بتوتر: أصل هي اللي عالجتني لما صار علي حادث قبل أسبوعين

لؤي يرفع حاجبه: ممم.. وأنت من وين أصلك؟

معاذ: من عمان

لؤي بنفسه:" يعني مثل نور" بس قال: احمم.. ما قلت لي وش تشتغل يا معاذ؟

معاذ تورط بس قال بكذبة متقنة: أنا أشتغل في شركة للأجهزة الإلكترونية، موظف عادي يعني

لؤي يهز راسه بشويش: طيب (وببرود) وليه تبي تتزوج إلين؟؟

في أحد الغرف في القصر..

كانت مستلقية على سريرها وتتصفح الانترنت بتلفونها وهي تحس بالملل..

بعدها قامت ونزلت تحت واتجهت للصالة..

إلين بصوت عالي: لوريـــــــــتا

وجات لوريتا ركض: نعم مدام..

إلين: سوي لي نسكافيه

لوريتا بإيماء: حاضر (((وراحت المطبخ)))

وإلين راحت تجلس في الصالة وشغلت التلفزيون وقامت تقلب القنوات بملل..

ما هي ثواني إلا ويدخل لؤي من باب الصالة..

شافها جالسة وراح لها: إلين..

: هلا لؤي

جلس جنبها لؤي وقال بهدوء: بقولك بدون مقدمات، فيه واحد عندي بالمجلس وجاي يطلب ايدك ويخطبك!!

إلين باستغراب: من هو؟

لؤي ببرود: يقول ان اسمه معاذ ال....

صدمة.. سكوت.. انبهار..

لؤي: وقالي انه يشتغل في...

تقاطعه إلين بسرعة: ماني موافقة.. قله ماني موافقة!!

لؤي استغرب من ردها وملامحها اللي تغيرت فجأة: طيب ليه؟

إلين بتوتر ملحوظ ودقات قلبها تتزايد: بس أنا ما ابي اتزوج الحين وماني موافقة عليه حتى لو

لؤي: طيب...

تقاطعه إلين: لو سمحت لؤي.. قله ماني موافقة وما عندنا بنات للزواج وخلااص.. هذا آخر كلام عندي

لؤي يرفع حاجبه: بدون ما تفكري ولا حتى تشوفيه؟!

إلين بإيماء: ايه..