رجال القزم عت ايدي حسيت خلعها وكام يركض ويضحك بصوت مرعب
وحيدر كام يرزل بيه
واني احس نفسي مو تمام اكو شي جاي يتحكم بيه
اريد طريقه اخلص منها من كل هذا العذاب
اختنكت حيل بقيت ابجي
كل واحد صعد سياره وراح
جنت اني وجدو بسياره وبيبي وخالو بسياره
.... جدو اذا ليله وحده ويا هذا سحار يعالجني خل...
بعدني ما كملتها وضربني حيل بوجهي انصدمت هاي اول مره جدو يضربني بيها
.... اني ما عرفت اربيج وانطيتج مجال هوايه بنت الكلب جايه اطبق صفات ابوها الگرن بيه مو لج تردين طمسين راسنه بالطين لج لو ما سالفتج ويا هذاك السحار ال*** بعدها ادك براسي ولو صدك اني ابوج وسويتي هيجي اله اسكطج بس رجلج الگرن وابوج عدهم تكساس
.... جدو اني بس حجيت تره دا انطي مقترح
.... كلمه متحجين بعد فهمتي لو لا واني اعلمج نسيتي عادتنه وتقاليدنا وتربيتي الج ومشيتي ويا تربية ابوج ****
..... جدو شبيك شنو هلكلام
..... هيا لهنا وبس انتي كلشي عندج عادي ومتحرره بس هنا العراق مو لبنان وكلشي عادي بعد خل نعالجج وترجعين لاهلج وانسي العراق لا من ثوبج ولا انتي من ثوبنا
هلكلام حز بخاطري جاي يحرك سيارته عفته ونزلت
وهو يصيح وراي
بقيت امشي وابجي بحركه
وبنفس الوقت خايفه لان المقبره قريبه
ما اهتميت لجدو هو ويصيح ولا خالو ولا حيدر
اريد بس اوصل شارع العام
جراني حيدر وما قبل امشي ودخلني سيارته وهو يهدي بيه
.... حيدر يطردني جدو يطردني صرت ثكيله عليه يكلي تعالجي وروحي لبنان وما اريد اشوفج بعد
.... فرح مو قصده تعبان وخايف عليج
....لا قصده دا اكولك يغلط عليه ويسب بابا ويعيرني بتربيته
.... خويا هاي هية رجال جبير اعذري اني اخوج بضهرج مالج علاقه لا بزيد ولا بعبيد
.... حيدر رجعني بغداد
.... لا خويا اني انطيتج وعد ما اطلعج من النجف اله وانتي صاحيه
.... ما عندي مكان اروح بي هنا هناك بغداد عندي بيت امي قديم علما اسافر وبعد ما يشوف وجهي
.... فرح شنو هالحجي الماصخ شنو ما عندج بيت چا بيت اخوج مال منو
.... ما اريد اثقل عليك
