من هنا تبدأ الأحداث
&&&&&&&&&&&&&&
فتحت باب غرفتي بهدوء هسة وقت نومه يكون ويا غروب شمس يسبح وينام
فتحت الباب وإني مبتسمه وصحت بصوت عالي
.... سبرايز
بس سرعان ما تبدلت الابتسامه بصدمه
منظر مقرف اشمئزيت منه
بكر وصفاء ديخوني على فراشي
دمعه بعيوني بس ما اريدها تطلع
صدري صارت بي غصه اختنكت
.... هيا 😳
اسلوبي وشخصيتي ما تعلمت العتاب ماما رغم قساوتها عليه علمتني نقاط هواية بضربها الي
هيا نقطه راس سطر الهجر الجميل اقسى منة ماكو
نفسي سريع وإني بحالة صدمة
وبكر مخبوص ويلبس ملابسه
اجه بتجاهي راد يلزم ايدي دفعته متقرفه منه
شمرت تحليل الحمل بوجها وطلعت من العمارة بدون ولا كلمه
حتى مو بحالة اسوق خاف اندعم طلبت تكسي ما ادري وين اروح
وسائق التاكسي سئلني كتله امشي بس امشي
وإني نفس ضاق
فتحت تلفون جانت رسائل سعيد هواية ومن ارقام مختلفه ومتفاوته ويتوسل نسافر ونرجع لبعض وانو بكر ميستاهلج وإني انفصلت عن صفاء
اتصلت عليه بسرعه جاوبني
بدون مقدمات وبصوت حاد
...... سعيد انتي بيروت احنا لازم نلتقي ضروري
..... تحت طوعك ست هيا ست الكل انا من خمس شهور صرلي ببيروت تعي على بيت
جان يجاوب وكانو يعرف بلي صارلي
انطاني العنوان انطيته للسائق ورحنا
جانت بأحياء بيروت المشبوها مكان مخيف اضلم رغم شمس موجود وتعبانه والسواد مالي حيطانها حتى مكان بحياتي ما رايحتلها ولا سامعه بي
تجار المخدرات وأعضاء بشر وقتلة وخاطفين كلها بهاي المنطقه هذا كله كلام سائق
واكو مشعوذين عايشين بأوسخ واقدم واقذر البيوت الموجودة هنا
ولو كلهن سواسيه بس اكو فرق
السائق ما قبل يكمل طريق وصلنه لبدايه الحي وراح
جنت اعرف سعيد يحب يزاول مهنة شعوذة وسحر جنت دائماً اضحك عليه لان مستحيل اصدك بيهن أحسها تفاهة ومضيعت وقت
من اليوم الي صارت اشياء غريبه الي وخارقه الطبيعي صدكت لوهلة انو اكو هيجي شي من سحر وشعوذة
