بقيت منتظره بالباب وام سراي تفتر وراي وتحجي
بنتي مش منيح عليكي انتي حبله استريحي هلأ يجي
اتوترت واختنكت وهو ما يرد طلع تارك تلفونه بالبيت
شويه وصفت سيارته جان وجها اصفر وشايل ابيض
جانو مخيطين حلكه وبكر شايله ويسحل بنفسه سحل
بكر ابد ميتحمل احد قريب منا يتأذه او ينجرح كبل ينزل ضغطه من الهبطه
ركضتله واخذته منا وابجي جان ابيض وجها اصفر ويبجي من الوجع
اباوع على رجله جانت مورمه وبكر والمستوصف ما منتبهين عليه من الخبصه عبالهم بس حلكه
طلع من واكع رجله مخلوعه ومجلبه بالمحجر ومكسور عظم الفخذ
شلنا ورجعنا للمستشفى مال قريه لان مستوصف مو كلش يفتهمون
كبل كالو تحولو عمليه
واني حاضنته وابجي ما اقبل انطي بعده صغير على العمليه
سحبو مني كوة وهو فرفح بجي ومجلب بيه
نزعو ملابسه ولبسو ملابس عمليه اني انتهيت ردت ادخل ويا عمليات ما خلوني اخذو مني يبجي
بكر من سمع راح يسوله عمليه اختفى مدري وين راح
جان موجودين اخو بكر شاهين ومرته جانو الوحيدين حبابين من اخوان بكر
مرته حضنتي وتهدي بيه وهو جابلي مي وغسلي وجهي
العمليه طولت واني روحي راحت وشاهين رايح على بكر وجاي عليه
جان بكر مكابل غرفة العمليات
صار عندي هبوط وكمت ما اشوف كلشي صار اسود
خلولي محلول الملحي
طلعو من العمليات جان نايم وهادئ وجها شاحب يروحي بعده صغير على عمليه
بقيت ابوس براسه وبأيديه وحاضنته
خلوله بلاتين لرجله جان عنده خلع وتمزق وكسر رغم هي الوكعه مو عاليه جانت مسافه قليله
بس ابني جان ترف ما يتحمل
بعدها بنفس اليوم طلعنا للبيت وجانت رجله ومجبريها وهو شويه حرك الله يسلمه طالع على امه
يبقى يبجي اله يكوم لو يزحف ما يكعد بمكان وما يقبل احد يدخل ويا حمام جان شويه خجول
واني ورى ورى ابد ما عفته
وبكر يبقى يرزل بيه يكلي اني موجود ام سراي موجوده انتي حبله ميصير تتحركين بس جان كلبي ما ينطيني
مرات افكر قبل شلون عندي كلب واني شامرتهم على ابوهم وما سئلت عنهم جنت مو بوعي تصرفاتي ما اتحكم بيهن
