نظرات بكر المصدومه حيل حيرتني شكو شصاير اريد اشوف البيبي.
وبكر ميخليني بوقتها حيل تعبانه حسيت نفسي جايه من حرب من كد تعب
رجعت راسي ونمت
كعدت رفعت نفسي بس بابا موجود بالجناح ومبين سهران عليه لان نايم على الكرسي ومحني ضهرة ونومته مكسرة
صفنت شويه على سقف استرجع ذاكرتي
كمت حسيت نفسي خفيفه ماكو شي يقيدني مثل غزالة امشي
رحت للحمام غسلت وجهي وغسلت شعري وطلعت جنطتي اخذت سشوار سشورت شعري ومشطته وبدلت خليت مكياج خفيف وخليت عطر
ولبست شبشب مالتي
رحت يم بابا وكعدته كعد متفاجئ ابتسمتله وبسته من خده وكتله تعال نام هنا ليش هشكل ظهرك متكسر وسندته نومته على سديه جان اصلن بعده نايم
باوعت بجنطه السفر جنطه البيبي موجوده ما ماخذيها استغربت بس كلت يمكن همة عدهم ملابس للبيبي
فتحت ثلاجه وطلعت كيك وعصير اكلت جان هستوها طالعه شمس
شويه وكعد بابا استغرب شاف نفسه وين نايم كعد غسل وجه وسئلني شجابني هنا كتله اني ما قبل وكال منو كلج اني اقبل وكومني رجعني للسرير ويرزل بهدوء ومن يلزمني يرجف وكل شويه يسئلني إذا تأذيت أو لا
جنت مندمجه اكل اني من نوع ما احب اكل واحد يحجي وياي اله اخلص اكلي يلا. تكلمني
.... بابا اريد اشوف لبيبي لحد هسة مجابولي يا
صار وجه اصفر وبقى يمتمت وعينه على جهة اليسار معناها راح يألف قصه من يما
.... البيبي شوي تعبان دخلو على الفحوصات
.... زين بكر وينه مختفي
.... والله يا بابا ما بعرف علمي علمك هلأ صحيت من نوم اي صحَ بابا دكتورة ئالت لما تصحي تاخدي هيدا دواء
اخذته الدوة منه وشفته
.... ماكو داعي اشربه هذا بس للضرورة
ابتسم بابا
..... اكيد يا حضرة الصيدلانيه ولا انتي ما بتحبي الدواء
.... لا وربي صدوك ما اله داعي هذا بي نسبه نيكوتين يخفف آلم بفترة نفس إذا اكو اللام بس اني هسة تمام مبيه شي بس اريد اشوف البيبي
حسيته يريد يتهرب مني طلع من الجناح وبقيت وحدي
شويه واجه بكر حسيت اكو نظرة خيبة بس يحاول يخفيها باسني من راسي
.... الحمد لله على سلامتك يروحي
وسحب كرسي وكعد بصفي ولازم ايدي ويتهرب من عيوني
.... الله يسلمك
.... البيبي شلونه متحمسه اشوفه
ضحك وبقه يلعب بشعري وعيونه نملت دموع بس ما نزلت ولا دمعه
