دخلت عيادة دكتورة ورجل تضرب رجل من الخوف بالكوة متمالكه نفسي
كانت دكتورة بأطراف بيروت ما اريد احد يعرفني حتى إذا صارت مصيبه اخلص منها بدون محد يعرف
مرة سولفتلي بيبي واحد عرف انو ابنه مو من يمه قتل زوجته ذبح هو واخوانها ذبحوها وشمرو جثتها بالشارع
ما ادري اذا احنا بلبنان عدنه هيجي شي او لا بس خايفه
كلش خايفه هذا حتى مو طفل من بشر طفل من جن
يا الله والله مجاي استوعب
شافت سكرتيره اسمي من ضمن المواعيد المسبقه وكالت بكل هدوء خمس دقائق ويجي دورك
كعدت على مقعد الانتظار وإني خوف والندم وتأنيب الضمير كل هذني يدورن حواليه
اباوع على ايدي ترجف
مرت خمس دقائق عبالك خمس سنوات الوقت يمشي ببطئ تام ودقات الساعه تزيدني توتر
سكرتيرة: سافا فيكي تتفضلي اجه دورك
كمت بخطوات متثاقله خوفاً من الجاي
دخلت للحكيمه كانت كبيرة بالعمر ابتسامتها خلت الامان يتسلل بداخلي هدأت شويه ما اريد احد يشك بيه ابد
بقت تسئلني وإني اجاوب وكتلها على أعراض وكالت تحتاج تحليل الدم تضاهرت بعدم تفرغي حتى ما اسوي هذا تحليل اخاف يوصل لبابا أو لبكر
وافقت وكعدت على سرير وهي خلتلي مادة باردة وبدت تمشي جهاز السونار على بطني
تحرك وتحرك وإني اراقب شفتها حتى تقطع شكي باليقين
بان عليه توتر
لحد ما كالت انتي حامل وبدت تكول كلام ثاني عن فيتامينات وما اعرف شنو لانو من سمعت اني حامل حسيت دنيه ضلام واصوات اختفت من اذني
بعدين اداركت نفسي وابتسمت ابتسامه صفراء حتى لا تشك بشي
طلعت وإني الف فكرة براسي صعدت سيارتي وانطلقت للعدم ما اعرف لوين
اني ما لازم ابقي هلجنين الحقير ببطني الله ينتقم منك سعيد هسة مو تزوجت وتركتني ليش وراي ليش تحب تأذيني مو تكول اني روحك ليش ليش اني مو ذنبي ولا بكيفي تركتك
وقفت سيارة على صفحه ودموعي تنزل يربي بكر ميستاهل اخونه اني مو ذنبي المن اكول ومنو حيصدكني يربي ساعدني اني مو خاينه والله مو خاينه شنو اسوي يربي ساعدني اخلص من ذنب مو ذنبي
لا هلجنين ما لازم يبقى بطني ابد لو اعرف اقتل نفسي وما اتركه
لازم الكه حل إذا اروح مستشفى مستحيل يخلوني انزل طفل بدون توقيع الزوج
وبنفس الوقت إذا شافو اسمي اكيد راح يعرفون اني بنت منو وزوجي منو وراح يوصل الخبر لبكر ولبابا
