انطتني كتاب جان اسمه يقبض الكلب
كل ما اريد افتحه واقرة اتردد وشي يمنعني
ما جان عندي شي لا التزام بشغل أو بدراسه أو بمشروع
جنت مقررة ابتعد شوية واخذ ريست
خلصتها طلعات وسفرات
شوكت ما يطخ بالي اشغل سيارتي واحركها
وام هود جانت وياي
ما اعرف شلون متوالمين أصلن
لأن هي حيل جبيرة بالعمر
بس جانت نشاز كوة تصغر نفسها
كامت تغير لبسها وتفتح كنتوري وتأخذ لبس
يطلع اوفر عليها بس هي مقتنعه
جانت مكياج تخلي كومه
نطلع نفرفر لوين جانت منطقتهم حيل شعبيه وأبد متقفل بحيث مرة وصلتها ب٣ ليل كلها طالعه
بوقتها رمضان وسحور فيمكن يسهرون
جنت ما اخذ راحتي من جدو موجود بغداد جان متشدد عليه ميقبل أتأخر أو يدخل بلبسي وين طالعه ويا منو وليش وشوكت ووووو
وهلشي يزعجني
على رغم جدو مو هيجي بيروت لو لما جنت ويا بلاس فيغاس جان ميحاسب نهائية
بس هنا غير جنت ما اروح للحله
رغم خوالي كلش يحجون عليه شعندج بغداد وليش متجين انتي مطلكه ليش طلعين لو تفرفرين
هواي كلام بس ما اهتم
جدو يسافر لبيروت لو للحله يلا اخذ راحتي حتى مريم تأخذ راحتها وتطلع وتلبس بكيفها ويايه
جان جدو يلح عليه يوديني دكتور نفسي بس جنت رافضه واحسه يكذب عليه
مستحيل اني مختله عقلية أو عندي انفصام شخصيه
اني اعرف نفسي أكثر من أي شخص
جان بكر يتواصل ويا جدو
شكد حاول يتواصل وياي بس اني مردت كارهتة هو وأطفاله
ام هود كامت تعرفني على أصدقائها
بس ابد ما ارتاحيت الهم
جانو أغلبهم من طائفة صابئية اكبر حتى من جدو
بس عيونهم زايغه واني تلعب نفسي من نضراتهم
من اسلم عليهم بيدي يتلمسون ايدي بطريقه مقرفه
كلهم ماكو استثناء منهم ابد
جانت بيهم ريحه مدري شنو هي بس مثل ريحة سعيد
جنت اعرفها من تهب عليه حيل دوخني
بس ابد مو طيبه ريحه مقرفه وكلهم على نفس ريحه
وبنفس الوقت مرات اشتم هلريحه بالمغرب
