ضلمت الغرفه كلها بوقتها غروب شمس
سديت الستائر وطفيت الاضويه
صار ضلمه متشوف شي بس صوت القرآن من جامع بعيد يا دوب ينسمع صوته
وصوت جدو وهو يسلم وطلع وبكر صاح كال اني ضاهر للسوبر ماركت بدي اشتري كزة غرض
وبقيت وحدي بلبيت والمدبرة راحت لغرفتها
تمددت على سرير
فجأة طلع ضوة احمر شيطاني انصدمت احنا ما عدنه اضائة بلون احمر بكل البيت
كمت على حيلي اشوف من وين مصدر الضوة
التفت منا ومنا بالغرفه ماكو ضوة بس الغرفه كلها صارت حمرة ومنين ضوة الاحمر ما ادري
الخوف اتسلل بداخلي
وبطني كانت تتحرك بصورة مخيفه اني شهر ثالث حتى طفل بعده ما كامل
تحرك الجنين يصير بشهر الرابع
تحرك حركة احس نشليت وجع مو طبيعي احس الجنين يريد يطلع
تمنيت الموت ولا هذا الوجع كانت دموعي تتسابق ما اعرف شديصير
اني مو نوع ما احب ابين وجعي بصريخ من جنت صغيرة اكره صريخ من اتوجع بس دموعي الي تاخذ مكان صريخي
لزمت بطني اريد اهديها ماكو
غمضت عيوني حسيت عليه يمشي لسانه المقرف على ركبتي
نفرت وابتعدت مسافه وفتحت عيوني
جان هيئة وجها سعيد
حاجب مطبور عيون سود جاحضه خشم منحرف عن مسارة واسمر البشره وشعرة اسود
بس هنا ريحته مقرفة بشكل مو طبيعي وملابسه متربه وسخه
والايد اليمين مبتورة ومخلي حديده مزنجرة وصايرة حمرة
ورجلينه وحده رجل انسان والثانيه رجل حيوان ضبع
... كافي الله عليك كافي ليش تأذيني اني مسويتلك شي ما اذيتك
... انا حبيتك عشئتك من لما نمتي على شجرة الرمان
... اني ما نمت على شجرة منو سلطك عليه
... سعيد بن ارتحال
تقرب على وجهي وإني ابجي من الوجع والخوف
أنفاسه ريحتها حرك حارة خله أيده على بطني
وغرز اضافر أيده القذرة بطني
اني بس ابجي وأقره سورة الفاتحة لان اني علمانيه من صغري ولما كبرت وإني ما اعرف شي على دين غير سماعة القرآن من جوامع والايمان بالله وبيوم خطبتي ما عرف اقرة الفاتحه لان ما حافضتها وبابا بقى يحفضها الي
جر ايدي ولوها رغم ماكو مقاومه مني اعرف هذا مو بشر وما اكدر أقاوم أو اهرب
بقة يخرمش بيدي وإني مينسمع مني بس صوت شهكة
