بائعة الفراولة

7

سليم: هاي ي ايسل
ايسل: اذيك ي سولي ....ثم نظرت إلي يارا: مش تعرفنا
سليم : دي يارا السكرتيرة الجديدة
ايسل بمزاح: سكرتيرة مين دا تبان انت اللي شغال عندها احنا هنستعبط ولا اي
يارا بحرج: شكرا لحضرتك
ايسل: لا حضرتك اي انا كل اللي هنا بيقولولي ايسل ....اصل محسوبتك المدير المالي هنا و كلام فسرك انا و الواد دا كنا مع بعض فالكليه ( و كانت تشير الي سليم)
يارا: تشرفنا
ايسل: بقولك اي متكلمنيش برسمية عشان و الله هاكل وشك
يارا بابتسامه : حاضر ي ايسل
ايسل: و النبي باين عليكي شطورة و بتسمعي الكلام بسرعه
يارا: شكرا
ثم نظرت إلي سليم: تسمحلي ابدا من النهاردة ؟!
سليم: تمم معنديش مشاكل هتخرجي لمي دلوقتي و هي هتقولك طبيعة شغلك
يارا: شكرا جدا لحضرتك ي فندم
سليم: اتفضلي
لتومئ برأسها و تتجه للخارج
و بعد أن أغلقت الباب
ايسل: اي النظام ي سولي
سليم: نظام اي ي ايسل
ايسل : اول مره تبقي هادي كده مع حد
سليم: أصلها مش اي حد ... دي الكنز
ايسل: السنارة غمزت؟! 😉
سليم: مين داااا ....لا انتي فاهمه غلط خالص ي لولو
ايسل: يعني اي ؟!
سليم : كل الحوار أن دي اللي هتوصلني لهدفي
و أظلمت عيناه ف اخر الجمله
ايسل: سليم بصراحه انا مش فاهمه حاجه و بعدين انا خوفت منك في اي؟!
سليم: لا متخافيش مفيش حاجه تستدعي الخوف
لتومئ برأسها و هي تشعر بالقلق
سليم : قوليلي بقي اي الحوار اللي جيالي عشانه
ايسل تضرب جبهتها : اووف دا انا نسيت
ثم تعطيه الاوراق التي كانت بيدها منذ البدايه و تشرح له م بهم لينشغلوا بمناقشة اعمالهم
-----------------------
بمنزل جويرية و رامز:
كانوا جالسين ف بهو الفيلا أمام التلفاز و يتناقشون..
جويريه: هنعمل اي ي رامز ...هنجيب الفلوس دي منه ازاي ...حتي زينه خلاص اتخليت عني
رامز: بفكرلك ي بيبي بس زي م اتفقنا التنفيذ بعيد عني
جويريه: التنفيذ بعيد عنك بس اول م تيجي الفلوس تاخدها علطول....تصدق اني كرهتك ي رامز
رامز: اي الكلام دا ي جوري بلاش كلام يزعلنا من بعض و بعدين هو انا هاخدها العب بيها م انا هشغلها عشان ترجعلك أضعاف و الألف يبقي مليون و المليون يبقي ١٠٠ مليون
جويريه: اهو دماغك دي اللي مصبراني عليك دلوقتي ي رامز غير كده كنت مشيت و اخدت فلوسي منك من زمان
رامز: بقي كده ي جوري بتقولي فلوسك ....و انا اللي كنت فاكرنا واحد
جويريه: فكك من العك اللي بتقوله دا و اتصرف انا عايزه حل
رامز: بصي انا فكرت نلعب علي نقط ضعفه
جويريه: ملوش غير زينه و خلاص بح كان في و خلص
رامز: لا اكيد في حاجه احنا منعرفهاش ..... و الحاجه دي اكيد عند حد هو بيثق فيه
جويريه: حتي لو ....هنعرف ازاي
لينظر لها نظرة طويلة و هو يفكر ثم ...
رامز و هو يعتدل بجلسته : لقيتها ي جوري احنا ازاي اصلا نسينا
جويريه: هو اي دا اللي نسناه
رامز : مش احنا كنا مشغلين ناس فالشركه عنده هناك علي اساس انها خدمات و كنا قايلين لو احتاجنا نعرف حاجه نجيبها منهم
جويريه: ايوا صح ....انت كنت شايل معاك Data بتاعتهم معاك
رامز و هو يتجه لمكتبه : علي الايباد فالمكتب استني هجيبه
و بعد قليل يعود إليها و الايباد بيده ليجلس بجانبها و هو يتفحص تلك البيانات ليتوقف عند شخص معين
رامز: هي دي
جويريه: السكرتيرة بتاعت الفرع الرئيسي ...ي ابن القردة
رامز: بيبي عييب حماتك ....يلا كلميها انتي
جويريه: اشمعنا
رامز : عشان انتي ست ف طبيعي هتثق فيكي لما نقولها عايزين نقابلها و بعدين البنات أيامها كنتي انتي اللي معيناهم
لتومئ له ثم ترفع هاتفها لتنقش عليه رقم هاتف تلك السكرتيرة لتضعه علي أذنها و سرعان م يأتي الرد ...
جويريه: الو ...مي معايا؟!
مي: ايوا ي فندم حضرتك مين
جويريه: انا جويريه
مي: جويريه مين
جويريه: اللي جبتلك التعين فشركة###
مي: اه اهلا وسهلا بحضرتك ...معلش و الله بس نسيتك خاالص
جويريه: ولا يهمك ي حبيبتي ...انا كنت عايزة اقابلك
مي: لي خير؟!
جويريه: عندي عرض ليكي فعلا مينفعش لحد غيرك
مي: عرض اي دا
جويريه: مش هينفع نتكلم فتفاصيل فالفون ...ممكن نتقابل امتي؟!
مي : حضرتك لو فاضيه علي ٢ يبقي تمم ف مطعم ### بس ياريت متتاخريش لان دي بتبقي استراحة الغدا بتاعتي
جويريه: كويس جدا ي حبيبتي أنشأ الله هجيلك فالمعاد ....يلا باي
لتغلق سريعا و تنظر لذلك الجالس بجانبها
جويريه: اظن كده تمم
رامز : من ناحية تمم ف تمم اووي
ليقف و يتجه للاعلي
جويريه: رايح فين ي رامز
رامز: انام شويه ي بيبي الساعه ١٠ دلوقتي و المعاد ٢ لسه بدري صحيني بعد ساعتين
ليصعد دون أن ينتظر اجابه
لتنظر له بنفاذ صبر ثم تشاهد أحد افلام التلفزيون
-------------------
في منزل سليم الاسيوطي:
كانت تجلس وفاء و زينه بجانبها تضع رأسها اعلي قدم مربيتها و الثانيه تداعب خصلات شعرها أثناء مشاهدة التلفاز
لتقاطع ذاك الصمت زينه....
زينة : بقولك اي ي دادة
وفاء: قولي
زينة: انا عايزه اعمل حاجة لسولي تفرحه
وفاء: اشمعنا
زينه: حاسه اني غلط فحقه ي دادة ....هو ميستهلش مني اللي عملته دا
وفاء: خلاص ي زوزو متشيليش نفسك اكتر من طاقتها
زينه: اي رايك نجوزه ....لا بس هنبقي فرحناه و نكدنا علي بنت الناس ...و انا اخاف بصراحه يترد فيا انا غلبانه
لتنهار وفاء في نوبة من الضحك
وفاء: يخربيتك بتجيبي الكلام دا منين هههههه دا لو سمعك هينفخك هههههههه
لتعتدل زينه بجانبها : الله ي فوفا مش لازم باردو ابقا صريحه مع نفسي
وفاء: بقولك اي
زينه: اي
وفاء :تعالي نطب عليه فالشركة و ناخده و نتغدا برا
زينه: فكرة هايله ي أستاذتي و انا عارفه معاد الغدا هناك أمتي
وفاء: انا شايفه أن كل حاجه متيسرة ف يلاااا بينااااا عقبال م نلبس و نروح و ممكن نقعد معاه فالمكتب شويه
لتتجه كل منهم الي غرفته
بعد ما يقارب الساعه و النصف كانوا يدخلون من بهو الشركه متجهين نحو المصعد ....
كانت زينه تعبث في هاتفها غير منتبها حتي اصطدمت ب أحدهم ...
زينه: انا أسفة جدا ي فندم
عصام: ولا يهمك ي فندم ...هو حضرتك بتشتغلي هنا؟!
زينة : لا انا اخت سليم
عصام: اهلا وسهلا بيكي نورتي المكان ...انا عصام مدير العلاقات العامة هنا فالشركة
زينه: اهلا وسهلا ا....
ليقاطعها نداء وفاء
وفاء: يلا بقي ي زوزو الساعه بقيت ١٢ يدوبك نطلع ناهده و ننزل
زينه: انا مضطرة استأذن بعد اذنك
و تركته و ذهبت دون سماع رد لينظر في أثرها بابتسامه ....
---------
في مكتب السكرتاريه
يارا: شغلكوا سهل بس دماغي وجعتني اوووي
مي: بكرا تتعودي ياختي ههههه
يارا: انتي بتضحكي ي مي دا انا من دقيقتين دماغي ساااحت
مي: طبعا بضحك ....اصل انا كنت زيك كده اول يومين بعد كده اتعودت
يارا: طب بدام اتعودتي طلبتي تتنقلي الحسابات لي
مي بتوتر : ا.. اصل ..اه اصل انا هنا لازم ابقا موجودة علطول و ساعات مش بعرف اخد اجازتي و ساعات بحتاجها
يارا بعدم اقتناع: امممم فهمت
ليجدوا وفاء و زينه أمامهم ...
زينه: لو سمحتي ي قمر انتي و هي هو سليم معاه حد
يارا: لا ي فندم معهوش حد تحبي أبلغه مين عايزه ؟!
لتضربها مي من تحت الطاوله لتتأوه بصوت عالي نسبيا
وفاء بحنان: انتي كويسه ي حبيبتي
يارا و هي تنظر لمي باستغراب : اه ي فندم كويسه
زينه: طيب كويس انك كويسه ممكن ندخل؟!
يارا: ثواني أبلغه أن في حد عايزه
زينه: هههه ي حبيبتي انا أخته و دي والدتنا ...ها لسه باردو عايزة تبلغيه؟!
يارا بحرج: انا اسفه جدا بس انا اول يوم و معرفش حضراتكم
وفاء: ولا يهمك ي حبيبتي ...قوليلي بقي اسمك اي
يارا: اسمي يارا ي فندم
لتومئ راسها بابتسامه غاامضه
لتدخل هي و زينه الي الداخل ...
مي: الحمدلله انهم ناس طيبه و بتقدر المحترم و الا كانوا علقوكي علي باب الشركه
يارا بابتسامه: اعمل اي طيب و الله م اعرفهم
ليضحكوا علي هذا الموقف بصوت عالي نسبيا
--------
في الداخل :-
كان سليم منصب علي عمله بتركيز شديد حتي وجد الباب يطرق
سليم : ادخل
زينه بصوت عالي: انا جيييييت نووورت البييييت
سليم باستفهام: بتعملوا اي هنا؟!
وفاء: بصراحه كده جاين ندبسك ف غدا برا
سليم: م انتم معاكم الفيزا خدوها و روحوا المكان اللي تحبوه
زينه و هي تلعب ب ازرار قميصه : عايزينك معانا ي سولي
لينظر لها بقرف: سليم الاسيوطي يتقاله سولي ...يشيخه غوري فداهيه
قال اخر كلماتها و هو يدفعها برفق
لتضحك هي بصوت عالي
سليم: ي بت احترمي نفسك البنات اللي برا يقولوا عليكي اي
وفاء بخبث: لا م هما عرفوا احنا مين
لينظر لها بغموض: امممم طب كويس
زينه بتطفل : هو انا لي حاسه ان وراكوا مصيبه
وفاء: بنت احترمي نفسك
سليم: و الله م عرفت اربي
وفاء بخبث: امممم لا م انت لسه بتربي باردو
سليم: لا اله الا الله ي ست انتي اي اللي جابك
وفاء: هههههههه جيت نتغدا سوا
لينظرله و هو يرفع حاجبه
وفاء: اي رايك ي زوزو لو أخدنا السكرتاريه القمر دي معانا و احنا بنتغدا
زينه: انا موافقه شكلها كيوت اوووي
سليم:--------
يتبع:-