بائعة الفراولة

4

باليوم التالي ببيت سليم :-
كانت تقف زينه أمام خزانة ملابسها و على السرير تود حقيبة كبيرة مفتوحه على مصرعيها ...
لتدخل وفاء الغرفه و تجدها هكذا...
وفاء: زينه انتي مش هتمشي بجد انتي عارفه اخوكي كان متعصب و كلمة اتقالت وقت غضب
زينه: طب و لما ضربني
وفاء: متنسيش يا حبيبتي انك نرفزتيه
زينه: مش ناسيه .....بس كان آخر حاجه اتخيلها انه يمد أيده عليا
وفاء: حبيبتي خلاص اللي حصل حصل
زينه : و عشان كده انا همشي يا دادا ...هو قالها مش عايز اشوف وشك تاني
وفاء: انتي باردو بتصدقي الكلام دا ....من ورا قلبه
زينه : بس قالها و انا بقي هنفذها
ثم اعطتها ظهرها و بدأت بوضع جميع ملابسها بتلك الحقيبه اعلي السرير و بعد أن انتهت اغلقتها و انزلتها من أهل السرير و وضعتها بجانب باب الغرفه ....
زينه و هي تعانق وفاء: هتوحشيني اوووي
وفاء: ي حبيبتي اسمعي مني و متمشيش
زينه : خلاص بقي عشان خاطري
ليخرجوا الي الخارج و كادت أن تضع يدها على مقبض الباب حتي سمعت صوته من خلفها ...
سليم بجمود : عارفه ....انا مكنتش همشيكي حتي بعد اللي قولته امبارح بس انك تحضري شنطتك و يبقي عندك استعداد تروحي لرمزي و جويريه فهقولك ...مع السلامه
وفاء: سليم ا...
ليقاطعها : مش عايز اسمع ولا تبرير خلاص ي وفاء كل واحد بيختار.....و هي اختارت
لتلتفت و تنظر له لتجده ينظر لها بجمود
زينه : انت رفعت ايدك عليا يا سليم
سليم: اممم...انا متكسرتش يوم موت بابا ولا اتهذيت مع أن كلكوا عارفين هو بالنسبه ليا اي ....بس كلمتك اني مش مسئول عنك كسرتني لدرجة اني مديت ايدي عليكي لما مقدرتش استحملها
زينه : سليم ا...
ليقاطعها : امشي ....و متنسيش تسلميلي على زيزو
لتقع الدموع من عينيها و هي تنظر له بصدمه و تنصرف ....
لتبكي وفاء بعد أن رحلت ....
وفاء: لي كده يا سليم ...كنت خدها ف حضنك و هي هتعرف غلطها لي كده
سليم: كده احسن ....انا نازل
لينصرف الي عمله هو الآخر تاركآ تلك المسكينه تبكي على انصراف صغيرتها....
-----------
بالمستشفى :-
ذهبت حياة و أخيها لمنزلهم و ظلت يارا معوامها بالمستشفى .... خرجت والدة يارا من العناية المركزة الي غرفة عاديه فكانت يارا تجلس بجانبها ب انتظار أن تفيق....
و فجأة و حينما كانت يارا تجلس بجانب والدتها و تقرأ ب كتاب الله سمعت صوت انين خافت لتسرع للذهاب الي والدتها و الامساك بيدها....
يارا : ماما انتي سمعاني يا حبيبتي قومي يا قلبي و ردي عليا
ام يارا: انننننن .....اه يا راسي اه
يارا بدموع: سلامة رأسك يا روحي انتي
ام يارا: انا فين ..اه ضهري بيوجعني اووي
يارا: طيب ثواني هنادي الدكتور
لتتركها يارا و تتجه الي الخارج و لم يمر الكثير من الدقائق حتي و عادت مرة اخري و معها الطبيب الذي فحصها و بمجرد أن انتهي....
يارا: طمني يا دكتور ماما عامله اي
الدكتور : متخافيش هي الحمدلله حالتها بتتحسن و كمان هتفوق كمان ساعه بس اهم حاجه متضغطيش عليها
ليقول الطبيب كلماتها ثم يذهب اللي الخارج .....
لتجلس يارا بجانب امها و تقبل يدها .....
يارا : حمدالله على سلامتك يا قلبي
ام يارا: اي اللي حصل ....انا مش فاكرة غير اني كنت بعدي الطريق بقفاص الفراوله و بعد كده محستش ب حاجه خالص
يارا: حبيبتي انا هقولك على كل حاجه بس المهم انتي تهدي كده و تحدي بالك من نفسك عشان نخرج من هنا على خير
لتنظر ام يارا حولها ....لتعيد نظرها ل يارا
ام يارا: جبتي فلوس المستشفى دي منين
يارا : مش قولنا لما تبقي احسن هنتكلم
ام يارا: بت انا تعبانه و مش عايزة مقاوحه جبتي الفلوس منين باين عليها مستشفى غاليه و اوي
يارا : منغير فلوس ي ماما
ام يارا: هي اي دي اللي منغير فلوس
يارا: المستشفى....مدفعتش فيها حاجه خالص
ام يارا: نعم ياختي ....لي مدير المستشفى يبقي ابن خالتك
يارا : هفهمك ------
و تقص على والدتها كل ما حدث أثناء غيبوبتها المؤقته
أم يارا : يعني المفروض انك هتبدأي شغل بعد ما انا اخرج من هنا
لتومئ لها بالايجاب
ام يارا: تمام .....طبعا شغلك مش هناخد منه فلوس خالص و انا اللي هكمل شغل و هصرف علينا و لو عرفنا نحوش و نرجع للرجال فلوسه يبقي كويس تمام يا بت بطني
يارا : ماما هو انتي لي بتعامليني كاني هشتغل رقاصه .... حبيبتي دي شركة عالميه انا اه مش هكمل فيها بعد ما اسد الدين اللي فرقبتي بس هتساعدني اجيب وظيفه كويسه جدا بعد كده ....اسمها في السيرة الذاتية بتاعتي هيديني فرص كويسه
أم يارا: اللي فيه الخير يقدمه ربنا ي حبيبتي
لتغمض عينيها لترتاح قليلا و تجلس يارا بجانبها
------------
بفيلا رمزي :
باليوم التالي:-
كانت زينه تنزل من اعلي الدرج حتي وقفت تستمع لحديثهم الذي سمعت اسمها يمر به ....
رمزي: هو البرينسس اللي فوق دي انا اللي هصرف عليها ولا اي
جويريه: متنساش أن كل دا بتاعي هاااا
رمزي: ي روحي مش القصد بس مصاريفها كتير نادي و كوافير و خروجات و الذي منه يعني هيتخرب بيتنا ....متنسيش يا جوري أن احنا مش ف مستوي سليم بيه الاسيوطي
جويريه: متخافش هو في حاجه ف دماغي كده هنفذها
رمزي: اي اللي ف دماغك .....عرفيني من دلوقتي عشان بعد كده انا اللي باخد الضرب كله
جويريه: ولا ضرب ولا حاجه دا رد حقوق بس
رمزي: مش فاهم
جويريه: يعني زينه مش راضيه تقول هي اجت لي بس من يومين انا مطروده من هناك معني كده بقي أن هما اتخانقوا و زينه سابت البيت و هتقعد هنا .....بس هو ينفع زينه تبقي هنا و نصيبها ف ورث ابوها هناك ؟!
رمزي: هههههههه يخربيت دماغك يا جوري بعشقها
لتقطع زينه حديثهم بدخولها ...
زينه : صباح الخير
جويريه: صباح النور يا قلبي ....نمتي كويس
زينه : اهااا الحمدلله
رمزي: قوليلي يا زيزي .....هو انتي هتنورينا علطول اصل بصراحه وجودك عمل حس للبيت
زينه : شكرا يا رمزي
جويريه: حبيبتي زينه عايزاكي شويه
لينهضوا معا الي غرفة زينه ....
بالغرفه:-
جويريه: انتي مش شايفه انك غلطتي
زينه: مش فاهمه
جويريه: انا متأكدة انك سبتي لسليم البيت ....بس اللي انا عايزه افهمه ازاي تسيبي فلوسك معاه
زينه :اشمعنا يعني....و بعدين سليم عمره ما يسرقني
جويريه: حبيبتي انا متاكده أن سليم طردك بس بقولك اي فكك منه ...تعالي معايا النادي النهاردة انا نازله دلوقتي يلا معايا.
و لم تتركها و اخذتها معاها....
--------
بنهاية اليوم :-
بالمستشفى؛-
ام يارا: انا عايزه اعرف هخرج امتي من هنا
يارا: ماما اهدي العملية بقالها يومين بس اهدي
ام يارا: انا اتخنقت و مش بحب القاعده دي
يارا: ماما انا عايزه اشوفك كويسه زي الاول فعشان خاطري استحملي
ليقاطع حديثهم الطبيب....
الدكتور: السلام عليكم
يارا: و عليكم السلام...اتفضل يا دكتور
الدكتور: يزيد فضلك ....ها قوليلي حضرتك عامله اي النهارده
ام يارا: عايزة اخرج من هنا
الدكتور: اي دا زهقتي مننا ولا اي دا احنا حتي ناس دمنا خفيف
ام يارا: لا ابدا و الله بس انا مش بحب القاعده دي
الدكتور: اهو كلامك دا يخليني مخرجكيش دلوقتي
ام يارا: لي بس كده
الدكتور: الحادثه بتاعتك مش سهله و العمليه كانت صعبه و انتي محتاجه راحه تامه و مش مطلوب اي مجهود
ام يارا: صعب يا دكتور انا حياتي كلها شغل و بس
الدكتور: يبقي هنخليكي هنا لحد ما تبقي تمام و تمام جدا كمان ....و انتي ( وجه نظره ليارا) اهتمي باكلها شويه و انشفي عليها كده .... على العموم هي ٣ ايام بالكثير و ممكن تخرج هي مشاء الله عليها بتتحسن بسرعه
يارا : هههههه حضرتك مش هقدر عليها
الدكتور: متبقيش خرعه امال دي يتضحك عليها بأقل حاجه ....يلا عن اذنكم عشان ورايا زبائن تاني .....يو اقصد مرض
يارا : هههههه اتفضل يا دكتور
و بعد مغادرة الطبيب...
ام يارا: الدكتور دا مش بيفهم على فكره
يارا: ماما حبيبتي نامي و ارتاحي مش هتخرجي من هنا الا لما تخفي و بعدين هو قال ممكن ٣ ايام يعني ممكن يزيدو
لتنظر لها والدتها بعدم رضا ثم تغلق عينيها لتستريح و سريعا ما تغرق في نوم عميق
و ظلت تنظر لها يارا بسعادة بوجودها و مناغشتها لها من ثم تنام هي الآخرة ....
---------
بالفيلا الجديدة الخاصه بسليم :-
حضرت وفاء الي هنا منذ مدة و رتبت جميع الاغراض و تفاجات بغرفة مغلقه بمفتاح و حين سألت الخدم الموجودين اخبروها أن المفتاح مع سليم و ها هي تنتظره من مده كبيرة.....
و أثناء انتظارها له سمعت صوت هاتفها ل تنظر إليه و تجد زينه هي من تتصل عليها لترد سريعا
وفاء: الو ي زينه ... حبيبتي عامله اي
زينه: الحقيني يا دادا
وفاء: في اي يا حبيبتي
زينه: ------
لتقص عليها كل ما سمعته
لتشهق وفاء بعنف : ولاد ال.....طب اقفلي و انا هكلم سليم
زينه: دادا مش عايزه افضل هنا
وفاء: متخافيش ي حبيبتي
لتغلق معها على عجل و ما كادت أن تتصل على سليم حتي وجدته أمامها.....
وفاء: سليم الحق اختك
سليم: في اي مالها زينه
وفاء: جويريه هانم اتفقت هي و جوزها أنهم يحرضوا زينه ضدك عشان تاخد ميراثها و بعدها يرموها بعد ما يخدوا فلوسها
سليم: جبتي الكلام دا منين
وفاء: قبل ما تدخل زينه كانت بتكلمني سمعتهم الصبح و هما بيتكلموا و من شويه عرفت تكلمني
ليخرج سليم الي الخارج
وفاء: سليم انت رايح فين....يا سليم
لم يستمع إليها و غادر سريعا
-------
بفيلا رمزي:-
كان يجلس هو و هي على طاولة العشاء ....
رمزي : عملتي اي النهاردة
جويريه: عملت اي ف اي
رمزي : فحوار الميراث دا
جويريه: اممم اتكلمت معاها الصبح و طول ما احنا فالنادي برميلها كلام و شكلها هتستجيب بس محتاجه صبر
رمزي : كويس بس بسرعه ي جوري لان سيولة المشروع هنحتاجها قريب
جويريه: ما انا بحاول اهو
ليقطع حديثهم صوت مرتفع بالخارج لينتفضوا بخضه و يذهبوا ليروا ماذا يحدث ....
ليجدوا أن سليم دمر البوابة الخارجية الخاصه بالفيلا بسيارته ذات الدفع الرباعي و الحرس ملتفون من حوله .....
رمزي لجويريه : ابنك اتجنن ثم بصوت عالي: هو ينفع باردو ي سليم بيه ندخل بيت الناس كده
سليم و هو ينزل من السيارة بسخرية: معلش أصله بيت جوز امي
من ثم اقترب منه ليقف الاثنين في مواجهت بعضهم
جويريه بخبث: نورت ي حبيبي
سليم ببعض القرف: منور ب ناسه
من ثم يصيح بصوت عالي : زينه يا زينه
لتخرج زينه سريعا مناديه : سليم
سليم: هاتي حاجاتك عشان نمشي
لتومئ له سريعا و تغادر لتجلب اغراضها
جويريه: و هتاخدها لي يا سليم دا بيتها باردو
سليم: مشكلتك انك فاكره كل الناس شبهك و أن زي ما انتي بعتي عيالك زمان هي هتبيع اخوها
رمزي : ايوا بس ....
ليقاطعه امساك سليم لفك وجهه بقسوة
سليم: متحاولش تدخل بينا
لينفض يده عنه كأنه حشرة
ليتابع سليم و هو ينظر لامه: اصل زي ما دمك بيمشي فالوريد عندها دم الاسيوطي ماشي باردو
لتاتي زينه في هذه اللحظه و معها الحقائب
زينه : انا جاهزة
ليقترب منها و يحملهم عنها و يقترب من سيارته و هي خلفه ليضع الحقائب من ثم هي تركب بالمقعد الامامي ....
ليقف سليم أمام جويريه مرا أخري ....
سليم بسخريه: لما تيجوا تعملوا مشروع و محتاجين سيوله خلوها من مالكم الحر مش من مال و خير الاسيوطي .... (من ثم نظر إلي رمزي) و خد بالك لو وصلك حاجه من فلوسي هتبقي بمزاجي و المشروع هاخده لحسابي ....يلا بااااي
ليلوح بيده لهما من ثم يركب سيارته و ينصرف ...
رمزي: لا و قال اي قريب هتستجيب هههههههه
جويريه: مش فاهمه
رمزي: بنتك باعتك لاخوها و عرفته كل الكلام اللي حصل بينكم
لينادي لأحد أفراد الحرس : ابقي خلي حد يصلح الباب أو يعمل جديد اي حاجه اتصرف و هبقي احاسبك
ليومي بطاعه و يعود لمكانه ....
رمزي : بس ابنك أيده تقيله كان هيكسر بوقي يلااا....تعيشي و تاخدي غيرها يا بيبي انا طالع انام .... good night
---------
بعد قليل من الوقت وصل سليم و زينه بصحبته الي الفيلا .....
زينه : هو انتوا جيتوا هنا امتي
سليم بجمود: لسه النهاردة
لتومئ برأسها و هي تسير خلفه ....
و عندما وصلوا الي الداخل نادي الي احد الخدم ليأخذ الحقيبه ....
الخادمه: احطها فين جنابك
سليم: قدام الاوضه المقفوله و انا هبقي اطلع ادخلها
لتنصرف الخادمه لتنقذ ما أمرت به ....
لتاتي وفاء: زينه حبيبتي
لتحتضنها بحب اموي .....
سليم: خليكم مع بعض انتوا و انا هروح مشوار
وفاء: هتروح فين الساعه بقيت ١٢:٣٠
سليم: متخافيش عليا .....و اه استني
ليخرج من أحد جيوبه مفتاح و يعطيه إليها و
يتابع : دا مفتاح اوضه مقفوله فوق اطلعوا و انتوا هتفهموا اي اللي مطلوب منكم ....يلاا انا مش هتاخر سلام
لينصرف سريعا ....
زينه: يا ترا رايح فين
وفاء: يا خبر بفلوس بكره يبقي ببلاش ....المهم تعالي نشوف الاوضه
--------
بالمستشفى :-
خرجت الممرضه بعد أن أعطت والدتها الدواء المسائي الخاص بها ....لتهدئة يارا من اضواء الغرفة و تجلس بالمكان المخصص لها و بعد مرور بعض الوقت احسن ب باب الغرفه يفتح و يغلق بهدوء لتفتح عيناها و ترا زوج من الأعين يتفحصانها ...
يارا:-----
يتبع:-