بائعة الفراولة

8

سليم: لا وفاء احنا كده بنهزر بجد
وفاء: هههههه في اي ي سولي مالك البت كيوت و هتبقي هي و زوزو صحاب
سليم: انتي عارفاني قليل الادب و ممكن ارد عليكي
وفاء: عشان اقوم اضربك بشبشبي
زينه: ايييييي خلاااااص احنا عايزين نتغدا مش نتخانق
سليم: تمم و انا معنديش مشاكل ساعتين و هنتحرك
زينه: انت المدير هتستنا معاد غدا المواظفين لي
سليم: عشان بشتغل هيكون لي
وفاء: عشان بتشتغل بس ...ولا حاجه تانيه
سليم: لا انا كده ممكن اطردكوا ...و بعدين م انتي عارفه اللي فيها
زينه: ايوا اي اللي فيها
ليمسكها سليم من خلف رقبتها (سكعها زي الحرامي من قفاه مش حوار😂😂) : شايفه الكنبه اللي هناك دي غوري اقعدي عليها
ليدفعها برفق ناحية الكنبة لتنظر له بغيظ
ليبعد نظره عنهم و يعود إلي عمله بتركيز
و بعد مرور ساعتين :
سليم يرفع رأسه من علي الاوراق ليجد وفاء تنظر له بغيظ و زينه تنام علي قدمها
سليم: اي دا هي نامت بالسرعه دي
وفاء بغيظ: سرعة اي ي بارد اللي بتتكلم عنها البت زهقت قامت وقعت فالنوم
سليم: حد قالكوا تيجوا و انا شغال ...صحيها و حصلوني عالعربية
ليتكرهم و يخرج الي الخارج ليجد مي غير موجودة و يارا تأخذ حقيبتها و تستعد للرحيل لينظر لها بابتسامه خفيفة و ينصرف بسرعه لياتي وفاء و زينه من خلفه
وفاء : اي ي حبيبتي هتروحي فين
يارا: هروح اشوف حاجه اتغدا بيها و هاجي اكمل شغل
وفاء بخبث: اي رايك تيجي معانا
يارا: لا طبعا مش عايزه ازعجكم انا هتصرف
وفاء: ولا إزعاج ولا اي حاجه انا عايزاكي معانا انتي متعرفيش انا اعجبت بيكي ازاي .....هتكسفيني؟!
يارا: حضرتك زي والدتي و اكيد مش هبقي حبه اكسفك بس صدقيني انا هبقي مرتاحه اكتر لو مشيت لواحدي
زينه: انا بقي مصره انك تيجي معانا
و أمسكت زراعها تجزبها معاها نحو المصعد
يارا: ي انسه اسمعيني طيب
زينه: مش هسمع و يلا بقي عشان مزعلش منك
وفاء: خدي بالك زينه زعلها وحش اوووي
يارا: ارجوكم بلاش الموقف المحرج دا
وفاء: فين الإحراج دا بس ....انتي هتيجي تتغدي معانا و لو عايزة تحاسبي لنفسك احنا موافقين ....ها فين بقي الاحراج
يارا: طيب ممكن ننزل تحت و اللي يعوزه ربنا هو اللي هيكون
لتومئ برأسها ثم يدخلون ثلاثتهم الي المصعد ....
بالاسفل :-
كان يجلس بسيارته أمام مبني الشركه بانتظارهم ليجد مربيته تأتي نحوه و علي وجهها ابتسامة خبيثة و خلفها زينه آتيا ...مهلآ أنها تجزب يارا من زراعها لتاتي معهم ....اهآ منك ايتها الوفاء
لتجلس وفاء بجانبه بالسيارة و هم بالخلف و كانت تجلس يارا خلفه و هي تفرك يدها بتوتر و خجل
وفاء: متتخيلش ي سليم يارا تعبتنا ازاي عشان توافق بس تيجي معانا
لينظر ليارا فالمرأه يجد عيناها تدمع من كثرة احراجها
سليم : خلاص ي جماعه اهو غدا و هيعدي ملهاش لازمه الدوشه
لتنظر له وفاء بطرف عيناها
ليتوجه الي مطعم شهير ....
------------
في مطعم###
كان يجلس رامز و جويريه علي احد الطاولات في انتظار تلك اللي ستساعدهم.....
جويريه: الساعه بقيت ٢ و ١٠ انا زهقت
رامز : مش من ١٠ دقايق ي جوري اهدي
جويريه: هحاول ي رااامز
ليجدوا بعد خمس دقائق فتاة تقترب منهم ....
مي: ازيك ي مدام جويريه انا اسفه جدا علي التأخير
ليرد رامز: ولا يهمك ي قمر ...اتفضلي اقعدي
لتنظر له جويريه بقرف....
مي بعد أن جلست: خير ي فندم طلبتوني
جويريه: اظن نتكلم و حنا بناكل افضل ...اهو منه عيش و ملح و منه متبقاش ضيعنالك وقت الغدا
لتحرك مي رأسها باقطناع
لينادوا علي الناادل لياتي و يملون عليه طلباتهم
في نفس الوقت كان يدلف الي المكان سليم و يارا و زينه و وفاء
لتراهم يارا من بعيد...
يارا: دا مي هنا و واضح انها قاعده مع ناس
سليم من خلفها و هو ينظر بهاتفه : مي مين؟!
يارا: اللي انا اخدت مكانها ي فندم
ليرفع رأسه و يجد جويريه و رامز معها ليسحب يارا ليختبئوا خلف عمود كان بجانبهم
لياتي وفاء و زينة
وفاء: انتوا واقفين كده لي؟!
سليم: و هو محتجز يارا أمامه: جويريه و رامز قاعدين مع السكرتيرة جوا
وفاء: هتعمل اي ي سليم؟!
سليم: لازم نعرف هما بيعملوا اي
لينظر حوله من ثم ينادي بخفوت الي نادل مر من جانبهم
النادل: أمر ي فندم
سليم و هو يضع يده بچاكيت بدلته: شايف الطرابيزة اللي هناك دي؟!
النادل: ايوا ي فندم
سليم و هو يعطيه بعض المال: عاوز انا و اللي معايا نقعد فمكان ميشوفوناش منه و نسمع كل اللي بيقولوه ....هتعرف تساعدني؟!
النادل: طبعا ي فندم اتفضل ورايا
ليذهبوا خلفه

و هم يسيرون خلف النازل بحذر....
يارا: سليم بيه انا مش فاهمه حاجه
سليم: هشششش هتفهمي بعدين
وفاء: ناوي علي اي ؟!...انا مش مرتاحه
سليم: اهدي ي وفاء مش وقت قلق
ليلتفوا علي طاوله خلف جدار خشبي يخفيهم و علي الناحية الأخرى يجلس جويريه و رامز و مي و كان الفاصل بينهم لوح خشبي...
ليسمعوا.....
مي: خير ي مدام جويريه ... حضرتك طلبتيني
جويريه: خير ي حبيبتي ...طبعا أنتي عارفه اني جيت ففترة و عينت مجموعة ناس في شركات الاسيوطي و المستشفيات كمان ...و انتي كنتي من الناس دي
مي: حصل ي فندم و عمري م هنسا فضل حضرتك عليا ابدا و جميلك انا شيلاه
رامز: م هو اجا وقت رد الجميل خلاص
مي: لا الحقيقة أنا مش فاهمه حضرتك تقصد اي
رامز: بصي ي بنوته .... احنا كل اللي عايزينه منك تبقي عين لينا جوا الشركة و بالتحديد جوا مكتب سليم الاسيوطي
مي: ايوا بس ....
لتقاطعها جويريه: منغير بس ...هندفعلك الانتي عايزاه و خصوصا إن انتي السكرتيرة بتاعته فكل م المعلومات تكون قيمة كل م سعرها....يزيد
مي: ايوا ي فندم بس انا معنتش السكرتيرة بتاعته
رامز و هو يغير تعابير وجهه: يعني اي؟!
مي: يعني انا النهاردة بالتحديد انتقلت لقسم الحسابات و استلمت مكاني واحده تانيه
جويريه و هي تضرب بيدها علي الطاوله: نعم...!
لتنتفض مي مكانها...
رامز: ثواني ي جوري
لينظر الي مي: تعرفي تجيبلنا البت دي
لترتعد يارا عند سماعها تلك الجمله من خلف اللوح الخشبي و هي لا تفهم كل هذا ...
لتحتضنها وفاء سريعآ : اهدي ي بنتي اهدي
لتتابع مي: صعب ...لان شكل في علاقة بينها و بينه
لتفزع يارا أكثر لهذه الكلمات
جويريه: علاقة ...علاقة ازاي؟!
مي: يعني عمل عملية لامها في المستشفى بتاعته منغير م تدفع ولا مليم مع أن تمن العمليه فوق ال٥٠ الف جنية ...و بعدها باسبوع عينها معاه سكرتيره
رامز: البت دي تلزمناا
مي: انا هحاول اجبلكم رقم الفون بتاعها أو اي حاجه تساعدكم
رامز: شكرا ي قمر و طبعا انا مش هنساكي م هو أصل كله بتمنه
لتبتسم مي من ثم تكمل طعامها في استجواب تام عن كل ما يحدث بالشركه
وفاء بصوت خافت: هتعمل اي يسليم
ليرفع الاخير رأسه ناظرآ ليارا نظرة طويله التي تنظر أمامها بشروظ حزين ...
سليم : قومي معايا
يارا حين أفاقت : علي فين ؟!
سليم: مش هما بيقولوا في علاقة هناكدلهم دا
يارا: انت بتقول اي مستحيييل
سليم : متخافيش انا عارف انا بعمل اي ...قومي و خليكي ماشيه ورايا براحه ...هنطلع برا المطعم و برا هفهمك نعمل اي و ندخل مع بعض تاني ...
ليقف ممسكآ بيدها دون فرصة لتتحدث
ليخرج بها الي الخارج ...
سليم: بصي احنا هندخل ماشيين جنب بعض هنقعد علي ترابيزة قدامهم مباشرة هما اول م يشوفونا هيجوا علينا و الباقي عليا ...و مش هخلي حد يدايقك تمم؟!
لتومئ برأسها بقلة حيلة
لتمشي بجواره حتي يصلوا للباب و حين دلفوا للداخل تفاجأت به يلف ذراعه حول خصرها و يمشي بثقة عمياء......
يتبع...