[Unicode]
ပြတင်းပေါက်မှ ဖြာကျလာသော မိုးသောက်အလင်းအရုဏ်ဦးကို
Hoseok တမေ့တမောငေးလိုက်၏။
ထိုစဉ် နှာခေါင်းထဲတိုးဝင်လာသော မွှေးပျံ့သောပန်းရနံ့ကြောင့် စိတ်တွေလန်းဆန်းလာသလို။
"မွှေးလိုက်တာ"
ပြတင်းပေါက်နားသွား၍ မျက်လုံးလေးမှတ်ကာ နေရောင်ခြည်ခပ်နွေးနွေးကို ခံစားလိုက်တော့ ခန္ဓာကိုယ်၏ဖောက်ပြန်မှုကြောင့် ခံစားနေရတဲ့ နာကျင်မှုများဆီ အာရုံရောက်သွားတဲ့အခါ နှုတ်ခမ်းကို တွန့်ကွေးရုံပြုံးမိသည်။
"အခုတလော မင်းအရမ်းသောင်းကျန်းနေတယ်နော်.. ပျော်စရာကိစ္စရှိနေတာလား ဟင်.?"
"မင်းအရမ်းပျော်နေရင်.. ငါနာကျင်ရတယ်"
မှေးမှိတ်ထားသော ညာဘက်မျက်လုံးအိမ်မှ မျက်ရည်တစ်ပေါက် လိမ့်ဆင်းလာ၏။
*Ring Ring Ring*
"Hello"
[ဒီနေ့ အစောကြီးနိုးနေပါလား]
"အွန်း... ဒီနေ့မနက်ခင်းက အရမ်းလှနေလို့..
နှင်းဆီပန်းကလည်း ဒီနေ့မှထူးထူးခြားခြား အရမ်းမွှေးနေတာ"
[စိတ်ကြည်နေတယ်ဆို.. အကြွေးဆပ်တော့]
နှင်းဆီပင်ကို ရေဖြန်းပေးနေရာမှ Hoseok ဟက်ဟက်ပက်ပက်ထရယ်မိသည်။
"ဖုန်းထဲကနေ? "
[ဟင့်အင်း.. အိမ်လာယူမှာ]
"စာမကျက်ဘဲ အကြွေးတောင်းဖို့ပဲ စဉ်းစားနေတယ်ပေါ့"
[ကိုယ်ရမယ့်အကြွေးဆိုတာ မမေ့ကောင်းဘူးလေ]
"မနက်ဖြန်ပဲ ရတော့မှာကို..
စိတ်ရှည်သည်းခံလမ်းကြောင်းမှန်တဲ့"
[ဟုတ်ပါပြီ..မနက်ဖြန်လူလည်လေးလုပ်ရင် အကြွေးနှစ်ဆယူပစ်မယ်]
Taehyung အသံမှာ အာပေါင်အာရင်းသန်သန်ပြောနေသောအသံဖြစ်၍
Hoseok မရယ်ဘဲမနေနိုင်။
"ဖြည်းဖြည်းသက်သာပြောပါ Taehyungရယ်...
စာတွေထွက်ကျကုန်မှဖြင့်"
[ကိုယ့်အတွက် ဆုတောင်းပေးဦး]
"ဒီနေ့ ကောင်းကောင်းမွန်မွန်နဲ့ စာမေးပွဲဖြေနိုင်ပါစေ"
YOU ARE READING
Sad song (Z+U)
Fanfiction*I'm just a sad song* အၾကိဳက္ဆံုးသီခ်င္းထဲကမၾကိဳက္တဲ့ သီခ်င္းစာသားေပမဲ့ က်ြန္ေတာ္ကိုယ္တိုင္ကေတာ့ သူ ့အတြက္ ဝမ္းနည္းစရာ သီခ်င္းတစ္ပုဒ္ျဖစ္ခဲ့တယ္ *I'm just a sad song* အကြိုက်ဆုံးသီချင်းထဲကမကြိုက်တဲ့ သီချင်းစာသားပေမဲ့ ကျွန်တော်ကိုယ်တိုင်ကတော့ သူ ့အတ...
