بين قلبين

البارت ٨

الهنوف... كملت محاضراتي ورجعت للبيت لكيت خالتي تكمل الغده بستها
هلا الله يساعدج
وبيج يالحلوه امممممممح
شنو اليوم الضحكه تارسه الوجه ادوم ان شاء الله
اي والله  مرتاحه كلش اليوم
تركتها ورحت غيرت ملابسها شوي اتصل عليه رقم منو هذا
الو
مرحبا
منو
اني زياد
الهنوف:اها هلا منين جبت رقمي  زين كول امر خدمه
زياده: هوب هوب دوسي بريك 😁 ما يؤمر عليج ضالم بس رايدج بموضوع
الهنوف:اي تفضل كول ولو تعبانه قبل شوي جيت من الكليه
زياد:لا مو هسه بس حبيت اخذ منج موعد نكدر اليوم نطلع خاطر نحجي بالموضوع
الهنوف:زياد شوف اي شي يخص موضوع ابوي وعمو لا ادخلوني بي واعتقد فهمتني
زياده:خلي نتشاوف ونحجي يناسبج ب٦العصر اجيلج
الهنوف:تمام انتظرك
زياده:اوكي

الهنوف ....سديته من عنده وطلعت لخالتي صحت عليها خاله هذا زياد اتصل عليه يكلي نطلع العصر عندي موضوع وياج. خالتي طلعتلي بيدها الجفجير 
وهذا شيريد منج
سالته نفس موضوع الغضب جان يكلي نطلع ونحجي
يمه اي شي تحجينه خليج هادى وياه وفهمي بهدوء
هو هيج واقنعه هو يكول ماريدها
الله يسهل

رجعت كملت تبديل ودخلت على الواتساب حفظت رقم احمد وجان تطلع صفحته مخلي صورته وياه طفل يجننن وهو لابس دشداشه وغتره لافها وعاكد الحواجب كالعاده بس طالع يجنن
صبت خالتي غده بس بالي يم زياده شنو يريد واول مره يحجي وياي هيج موضوع بينه كل الي بينه بس سلام وكل مناسبه شنو يريد هذا كفيت المواعين وغسلتهن ونضفت البيت وطلعت الملابس الي عندي كلهن غسلتهن فتحت الشبابيك اهوي البيت اليوم خميس وماعندي اي شي عجبني اسوي معجنات اموووت على المعجنات احب اشتغلهم بيدي سويت العجينه وتركتها رحت بخرت البيت وكنتوري طلعتلي ملابس ودخلت سبحت وكلشي ماعندي بعد اتفرغت اسوي بيدره وفطاير بلشت بيهن لحد ما خلصت ب٥ وجان يتصل عليه زياد 
اوو هذا نسيته
الهنوف:الو
زياد;هلاو
الهنوف:هلا بيك
زياد:عيني اني نص ساعه ويمج
الهنوف:يو نسيت ولحد هسه ما مبدله
زياد:مو مشكله كومي بدلي ع ما اجيلج انتي جاهزه
اوكي

كمت بدلت لبسي المعتاد بنطلون وسترابلس وستره كجول طلعت حذاء رياضي وسويت شعري كعكه وما خليت مكياج فقط ماسكره وكحل بطن عيني ابرز بس لونهن وعلى ما كملت هو اتصل عليه
اني وصلت
نازله
سلمت عليه وما دار بعد بينه اي حجي اخذني لحديقه حلوه مابيها هواي ناس ويمها شط بال......... جابلي عصير وكالي
زياد:احنه اول مره نكعد سوه ونسولف
الهنوف:اي صحيح والصراحه ستغربت من اتصالك
زياده:اعتقد تعرفين
الهنوف:اي يعني اتصور نفس الموضوع الي ابالي
زياد:اي موضوع ابويه وابوج ومشروع ارتباطنه
الهنوف:مشروعهم مو مشروعنه اني عمري ما خليت الموضوع ابالي
زياد:ولا انا اساسا ما اهتم لكلامه بس قبل كم يوم تكلم والدي بصراحه وحسيته مصرين بالموضوع اني اقترحت عليهم انو نحجي ونتعرف على بعض
الهنوف:يعني انته عادي عندك تزوج وحده ما تكن الها اي مشاعر
زياد:اني ماعندي وحده بالي ولا حاب انتي او غيرج اول وتالي ازوج وانتي بت عمي ومني وبيه شنو المانع من تفكيري افكر بالموضوع
الهنوف:الصراحه ليش الف وادور بالموضوع اني عمري ما راح ازوج بهل طريقه
زياد:يعني عندج احد تردين تبينيلي
الهنوف:لالا ابد ولا هم عمري ماحبيت ولا علاقه طبعا ده لحجي هيج واخذت راحتي معتبرتك صديق وده ندردش
زياد:لالا ابد لا تتقيدين بشي اعتبريني زميلج وده تحجيله
الهنوف:تمام لعد اسمعني اني عشت عمري كله عد خالتي ربت وتعبت وسهرت وتحملت كلام بابا عليها هذا كله وتالي يجي يكلي والله يا بنتي بيني وبين عمج مشروع والمشروع ما يكمل اله نزوجكم انتي وزياد زين تمام واني شنو مو بشر مو من دم ولحم كارهني لان ماتت امي بولادتي وكرهني زين اني شنو ذنبي ليش هل كره الي زين انته تكول ما يهمني بس اني يهمني زوجي احبه اعرفه او اقل شي زواج عادي مو زواج مصلحه
زياد:اسمعي لعد احجيلج كلشي ابوي يحبج كلش يحبج هواي وتعرفين جانت امج الله يرحمها وابوي زملاء
الهنوف:اي صحيح سمعت هيج شي من خاله بس ما تكمل بكلامها
زياد:اني احجيلج لعد من جانو والدي والدتج بالكليه جان بينهم اعجاب بس امج ما حبته يعني مجرد اعجاب بحفله ماعرف عرس التقت وي ابوج وعرفته اخوه زميلها صارت لقاءات وهل امور واحد حب الثاني ابوي ضل يحب امج ما نساها وعمو عرف باخوها يحبها خطبها قبله وبعد تعرفين الامور وره هم سنين ابوج ياخذ كلشي يجي لبوي ورث جدي اخذ اكثر حصه
الهنوف:اي صحيح عرفت هل شي
زياد:اي اخذ اغلب العقارات اخذ المعارض ابوي كون نفسه بالشي القليل وكبر اسمه بالسوك لحد ما وصل للي وصله حاليا بس ما نسى امج ابد ضل يشوفج بيها لحد ما ابوج حاليا مديون لعده اشخاص والحل انطاه ابوي بمهر الج يكون سد لدينه عرفتي هسه
الهنوف:طبعا توقعت اكو حقد بين الاثنين
زياد:اي صحيح
الي عرفته من عزت ابوج يكلهم الهنوف لسان وشرانيه هههه وما يتحملها زياده
الهنوف:الشي الوحيد الي كاله بابًا بحياته صحيح ما تتحملني اساس انطيها الك صك ما راح اقبل بيك ولا يكدر يجبرني
زياد:اسمعيني اكدر اني  اكلهم ما تراهمنه وتعرفنه وابد ما عجبتني وهيج لا انتي تخسرين وتعاندين وتنجبرين
الهنوف:محد يكدر يجبرني
زياد:لايكدر وتعرفين ابوج انتي كلش زين نونه اني وياج مو ضدج تره واكفلج هم ما اقبلها ازوج وحده غصبا عنها
الهنوف:اوك بس  ما نحجي انته كلهم ده نحجي. اي مستجدات بلغني
زياد:ليش كارهتني
الهنوف:ما اكرهك بس ماطيق اي احد من طرف ابويه
زياد:هيج ماتحبي
الهنوف:اموت منه
زياد:طيب خلي نكون اولا عم قريبين او اصدقاء
الهنوف:حتئ هاي ماريدها