الهنوف سمعتُ أنه اسم جنٍّ، لكن في المعاجم معناه: صوت الضحك فوق التبسُّم، أو: صوت مِن الأنف قبل البكاء، أو: صوت المناجاة الهامس، أو: صوت ضحك المرأة الذي فيه فتورٌ
اسمي الهنوف غريب واحبه امي سمتني قبل لا تتوفه بولادتي بعد ساعه توفت وانحرمت من الحضن إلي بي كول الحنيه تربيت عد خالتي كانت إلي الام الحنونه والدي ابعد عليه من السما اصلا ما يدري عني، ،،
مواليد ١٩٩٧ بغداديه الأصل عندي اخوان ٤ و٢بنات اني الزغيره والدي يشتغل بوضيفه حساسه اخويه الكبير مروان ومصطفى بعده ونشوان وعزت واختي مروه واني طالبه مرحله ثالثه ...
كنت بالمطعم انا وصديقتي طلعنه نتريك وليش ما اطلع وانصدم بالباب عبالك حايط مو رجال عيونه معكودات وشعره مخربط وعليه حاجب سيف مو حاجب طوله عمود كهرباء شطوله رفعت راسي يلا شفت نهايه رأسه ولحيته محدده شني هاي منين نازل هذا وجان اتعارك وياي عبالي عزت اخوي ويمشيها وانصدم بخشونه صوته يبوووي ضليت انطي الوان اني الما انهز هزني العمود طلعت صديقتي ورأي
سمر :شبيج ولج صوتج وين واصل هاي انتي وين ما ترحين هيج تتعاركين
الهنوف:اسكتي تفشلت فشله لم اتفشلها بحياتي
سمر :ويامن وشلون وكيف ومتى واين
الهنوف:ولج انضربت بولد أعلى من الباب وضخم وعيونه تجدح وصدره عريض وعنده شامه جوه عينه وعيونه بنيه ع صفار
سمر :وين وين خل اشوفه
الهنوف: اكلها تعاركت وياه تكلي وينه هو غير راد يلزكني وي الباب، ،،امشي لا نتأخر خالتي هسه تخبصني
ما راح من بالي تفاصيله ابد سمر تحجي وياي وما منتبهه الها ونفس الوقت افكر بكلام واكول بداخلي ليش ما هيج حجيت وياه وليش سكتت عنه وليش وليش لحد ما وصلت العماره ونزلنا السايق دخلت الشقه خالتي ساكنه بشقه ومرتاحين اني وياها والدي شهريا ينطيني مصرف إلي مكفي وزايد اصلا ابويه بس وكت الفلوس هاي هي
الهنوف:دخلت الشقه واشم الروائح مالت الطبخ اووويلي عاااااا شنو هل ريحه بستها بخدها
غاده (خاله الهنوف): الله جابج يمه الشقه المقابيلنه سكنو بيها من البارحه وخطيه من الصبح يشتغلون حضرت اكل الهم خطيه اخذيها واني اجيب اللبن والخبز
الهنوف:تمام هسه اوديها يدلل الحلو يدلل
احمد: جعت كلش وتعبان وردت اطلب واندك الباب اووو يا غسان ونبهته ياخذ المفاتيح طلعت وانصدم
الهنوف :يمممه اسم الله اجابه هذا التفتت منا ومنا خاف اتخيل
احمد:شنو شفتي جني وبعدين مو انتي الي السانها اطول منها اجابج هنا اضاهر تردين تحصلين رزاله ثانيه
الهنوف؛.اي اني ساكنين هياته بس لا انته الي اجرت الشقه هاي. عاااااا بس لا صدك
احمد:اي ليش عندج اعتراض لو استأذن منج
الهنوف:لا شكو اني موفقين بيها بس كلمن بحاله اي مالك علاقه بيه ييع شكد حقنه كلت بكلبي جبت الكم اكل تفضل لو تخليني شايله الاكل من وره خالتي اوف منها
احمد :هاي انتي ما تفصلين ابد، ،، وتعالي انتي منو بحالج حتئ جايه تحجين
الهنوف:هسه غير ياخذه شلع قلبي
احمد:شنو كلتي
الهنوف :لا مكلت شي بس خالتي دزت اكل مو اني تاخذه لو لا
احمد:اتشكري من خالتج صاحبه ذوق رادت تحجي وطلعت مره
أنت تقرأ
بين قلبين
Romanceبعد مرور فترة طويلة على فراقنا ، أود أن أقدم لك اعترافاً مُؤسفاً : بعد غيابك بثلاثة ايام سألني الناس عن حالي وكانت اجابتي كاذبة بالكامل ، كُنت اضع نفسي في كل الأماكن التي تجعل مني شخصاً سعيداً في بُعدك ، وأني لم أُحبك يوماً وأنك مُنتهي ، كذبت كثيراً...
