بين قلبين

البارت ٢٥

احمد...اتصل عليه علي كالي تعال بسرعه للمستشفى خبلني ما عرفت دربي روان وراي تنطيني ملابسي لبست بسرعه وكملت لبس بالسياره ...يارب خير ...ياربي لا مو غسان ...ياربي ... وصلت بسرعه ضليت اركض صعدت للعنايه لكيت الاطباء يمه وعلي متصلين عليه حتى الوفد الهندي يمه
احمد:شبي كلولي شبيييييي
علي:ما ادري لحد هسه محد كالي شي
احمد:دكتور دخلت الهم
الدكتور:لو سمحت ممكن تتفضل بره
احمد:ممكن تشرحلي الي جاي يصير رحمه لهلك
الدكتور:تعال بره نحجي ...المريض صار عنده خلل بالدماغ ونزل عنده الاوكسجين والنبض ربع ساعه واستقر وضعه رجع لوضعه
استخدمته وياه الايعاز والبغز انطانه رده فعل ...ثواني ورجع اوكسجين نزل حاليا وضعه مستقر ده يحاولون ينطونه مضادات خاف تعرض لعدوه فايروسيه
ممرضه :دكتور تعال
احمد:والله كلشي ما فهمت غسان هسه شبي
علي:اهدء اهدء هم البارحه منطينه الاطباء الهندينين ابر احتمال من عدههن
احمد:نص ساعه ومحد طلع حجه ويانه ...انا داخل عليهم بعد ما اكدر اصبر
علي:خويه اصبر هسه يطلع ياربي خير
احمد:طلع الدكتور مرسومه ابتسامه خفيفه ع وجهه ...كول دكتور
الدكتور :انطانه رده فعل واسجابه بس السفر خطر عليه بعد رفض الدكتور الهندي واساسا راح يضل هنا عنده عمليات وان شاء الله خير ...اليوم اكو علاج راح يحيلنا ونستخدمه ان شاء الله خير ...ادعوله
احمد:علي خابر ع ام غسان بلغها التغت السفره
.................................
الهنوف :ضليت. ع الحاله الغيره دمرتني ما اعرف شنو اسوي منين اكدر اوصل الها حسابته مابي اي بنيه ابد صوره ماكو لايك من بنيه منين اجيب صفحتها الحساب الي راسلني قبل ايام رجعت راسلتني بس هل مره كاتبه
...الهنوف ممكن تردين
الهنوف :انا ما كاتبه اساسا اسمي هاي تعرفني ...منو حضرتج 🗯
...انا عذراء اخت احمد اذا تعرفيني
الهنوف :هلا حياتي شلونج اي اعرفج شلون لعد 🗯
...حبيبتي وبيج اكثر اكدر اخذ من وقتج شوي
الهنوف :اي تامرين
...عمري تسلمين سمعيني انا متعاطفه وياكم هواي وعرفت انتي تزوجتي واخوي كلش كلش تعبان عليج فاريد شي يقربكم لبعض
الهنوف :مثل ما كلتي انا ازوجت خلاص كلشي انته ماكو نصيب
...لا طبعا ما انتهى شي وكلشي يرجع زواجج ينتهي وتكدرين تزوجين احمد اخوي بس ترجعين فارغه مستعد يتحدى كلشي وياخذج بس لا اتركينه
الهنوف :اخوج طلعني من حياته وخاصه بعد ما رجع هو وزوجته
...عساه لا رجعها تدرين هي الي دمرته يوم واحد ما شايف حلو بي حياته وياها صعبه مشاكل بمشاكل وحده حقوده سحاره مدمرته
الهنوف :احمد ما يكول هل كلام بالعكس ما ينطي بيها
...طبعا غير مرته ساده حلكه سد بسحورتها الي اريده منج بس ضلي وياه حتى لو صدج غصبا عليه لان انتي ازوجتي
الهنوف :ما اكدر اضل وياه بعد انا مره متزوجه هسه
...زين اخلصي من مرته وطلعيها من حياتج
الهنوف :لا ما اريد اخرب بينهم
...هو شتخربين هي خربانه
الهنوف:زين شلون
...اسمعي دوسي ع الوتر الحساس روان اهم شي برستيجها كدام العالم انتي ادزلج صفحتها وضلي شمري عليه بالحجي بصفحات ما تعرفهن
الهنوف :زين واذا عرف احمد
...منين يعرف ما تكوليلي لا تصيرين جبانه
الهنوف :لا لا ما ايد اخرب بينهم  لا اذا عرف يدمرني والله
...لعد ضلي عيشي وي شخص ما تحبينه هو تاخذه منج
الهنوف :دزيلي صفحتها
الهنوف ...ضليت احجي وياها لحد ما اقتنعت ...وقررت صدك ابعدها عنها راسلتها دزيت الها رساله