بين قلبين

البارت ١٠

روان...... مره اسبوع واحمد يتصل وبسرعه يسده وما يراسل اله اني ادزله اجه الخميس وما نزل للبصره اختنكت كلش بغيابه بس بطبعنه المره ما تلح على زلمتها واني خليته على راحته والقهرني اتصل تالي الليل مشغول يكلي شغل وشغل وشغل هل كلمه ضلت متواصله وياه عده الاسبوع الثاني واحمد هم ما نزل كعدت بالحديقه واحس عيوني متروسه دموع  بس لا مو روان الي تبجي رجلي بضرف وكلشي اتحل جنت صافنه ودخل بكلبي شك على احمد وعلى تغيره وياي واجه كعد يمي كرار يسولف ويحاول يغير نفسيتي
بس بالي مو وياه
كرار:اي صافنه وبالج يم الحبيب الغايب الناسيكم
روان:الله عليك لا تزيد همي هم تره شوي وانفجر
كرار:رايحه لبغداد
روان: لا
كرار:تدرين بسهوله بت بغداد تدخل الكلب وماكو مجال لطلعته منه تشوفيها من بره الكشخه والعطر والمكياج وداخلها رجال ماتخاف من شي
روان:يعني تقصد بنات بغداد احسن من بناتنه
كرار:ماكو احد احسن من احد هو وين اكو منجن الحشمه والخجل يبين من عيونجن بس بت بغداد تسحر الكلب بحسنها ورقتها
روان:والقصد
كرار:ما قصدي شي بس دربالج ع اخوي
روان : كرار اني مو من الاشخاص الي اركض واتمسك بأحد يريد يتركني او عنده بديل اني الي اكون اله لازم كلشي اكو بحياته
كرار:بس ساعات الانسان يضعف عند رغباته او يلكه الشي الفاقده بشخص ثاني
روان :ليش احنه كلما نلتقي بشخص يعجبنه شي بي لازم ينطلع القبله من حياتنه
كرار:شني بويه على كيفج تره مو اني الي تاركج سبوعين هذاك رجلج روحي ردحيله
روان:كرار شايف شي
روان:يعني لو شايف تتوقعين اكلج بي
كرار:يعني شايف
عذراء:انتم هنا هلا هلا خونه جا ما صحتولي طوووط شبيج الوجه احمر
كرار:عوفيها عوضها عد الله 😂
روان:اممم نفس الحال هم انته الله يعوضك 👌🏻
كرار:شني هاي بس يا خويه اني مو مجرد حجي نحجي اني هاي صارت حياتي والله يعوضني
عذراء:يعني ما ناوي ترجعها انته مرتك
كرار:طلكتها غيابي
روان عذراء:صخااااام
روان:ليش وشوكت
عذراء:اتخبل هسه ابوي يسويك دوشك زرايل بين عمامي
روان:كرار تصرفك غلط منو يدري
كرار:محد وهسه انتظرو ساعه راح تصير سالفه طويله عريضه مستقيمه
عذراء:وعلي هسه يدري احمد شيخلصك من عنده ما خليت احد كبالك
روان:لا تخافين احمد ما يهتم بعد
كرار:اعوفجن حبيباتي اني اترخص ارتاح ساعه قبل المعركه
روان :اخذي راحتج خيه
عذراء:هذا سالفه سالفه راح تصير مصيبه عمامي ما يسكتون هسه عمي ناجي يلعب طنب بي
روان:همه من زمان مشاكلهم ما تخلص شيريد يصير
عذراء:رونه عندي سالفه وياج
روان:الله يستر
عذراء:راح اطكها الج بدون مقدمات مستعده
روان:كولي
عذراء:اني بعلاقه وي غسان صديق احمد صار سبوع
روان :😳
عذراء:الوووو مرحبا روان ام حلك هل تسمعينني
روان :😳
عذراء:اشكد اطول الصفنه
روان :تشاقين مستحيل تجرئين
عذراء:لا اجرئت وكلبي متورط من زمان اصلا اوووف اووف
روان :ولج احجيلي شلون
عذراء:اسمعي هاي قبل نهايه السنه من جنت بالخامس ضل رقم يراسلني اشعار كل فتره احضره ويرجع ويجي من غير رقم هاي كل شهر شهرونص يدز شعر بس شنو من اشعار اني ضليت احب روحي منهن يسحنن الكلب والجبد
روان :كملي بطيتي كلبي
عذرا:طبعا اني اكول منو خايب منو انته ولك احجي شليت افادي ولك انطق ماكو محيسن الاخرس يحجي هو ابد مرت مده ليش ما هم رجع من رقم دزلي شعر كبل حضرته هل حجي وره جيت احمد كلش ليش ما ذاك اليوم دز صوره الي من جنت زغيره ماخذتها وي رفل اخته هو كاص بس الي هي مطالعه جان راسلته
عذراء:يعني عندك الي صوره بزغري وماعندك من كبرت.    🗯
ها انتضر بعد لو ترد اليوم ما احظر لا تخاف 🗯
والله حيره يا ربي الكاها منك من ضيمي 🗯
غسان :ليش شنو ضيمج انتي
عذراء:يا صلاوات على محمد وتعرف تكتب عبالي ما تعرف
غسان :اي اعرف لعد منو يدزلج اشعار
عذراء:بله الاشعار نسخ ولصق كلهن خمط
غسان :غير اني اقراهن ويلامسن مشاعري وادزهن
عذراء:يعني شني يحجن وي مشاعرك
غسان :اي يحجن عندج اعتراض
عذراء:منو انته
غسان :اني الي حبج من جان شعرج كناكر
عذراء:غير سرحته وراحت الكناكر هاي جانت بالشرجي كناكر اتكول اندومي
غسان :هههههههههه بس احبهن
عذراء:حبتك حيه ام راسين
غسان :اي عادي يا مكثر الحيايه بحياتنه
عذراء:اوووو راح يسوي روحه المغدور الحزين
غسان :لا مامغدور بس حزين انو ما كدرت بعد اشوفج والشوك خلاني ما اصبر وجبت رقمج
عذراء:اعرفك اني
غسان :اي تعرفيني
عذراء:لا تخليني اشك بكل الي يمي واضل مثل الثوله اباوع بالوجوه
غسان :لا طبعا اني ما رديت اله واني اريد اكلج بمشاعري وانتي حره تتقبلين هل مشاعر لو او ترفضيني
عذراء:اي بله منو انته
غسان :مستعده
عذراء:وروح جدي لو وحده من صاحباتي مسويه بيه مقلب جدج اشك.........
غسان :هههههه بويه بويه على كيفج دوسي بريك اخت الباشا بعد وين تنكدر
عذراء:ديله منو
غسان :اني غسان
عذراء:يا زربان هذا
غسان :بحلكج الزربان ولج شنو هل الفاظ ها
عذراء:هسه كلي منين انته يا غسان
غسان :غسان صديق احمد اخوج عرفتني
الوو 🗯
وينج ماتردين 🗯
ها انبلع السانج 🗯
لو ادري هيج تاخذج صفنه جان حجيت من زمان 🗯
يمعوده الصفنه مو الج لبو صابر 🗯
عذراء:منين جبت رقمي وشلون اجرئت تراسلني
غسان :رقمج من رفل واجرئت مو بيدي نوم ما ضليت انام قبل لا نطلع من البصره شفتج بي ومن يومها ماحس بطعم الحياه
عذراء:ليش انته تاكلها الحياة
غسان :اي واشرب وياها لبن
عذراء:مدخن لو بالنعناع
غسان :لا اخلي وياه ليمون ونعناع   
عذراء:غسان صدمتني
غسان :ارفضي احضريني زرليني الج كافه القرار بكيفج بس الي عندي كلته وشوفي من نضراتج الي قبل اعرف شنو بداخلج هااا ومن دمعت عينج بيوم الفصل اجيتي وي امج وسلمتي لحد هسه بالي مو عبالج ما اقره النظرات
عذراء:غسان جنت مراهقه وما انكر هل شي
غسان :وتعرفين هل مراهقه اسوت نضرتها الي
عذراء:اسوت
غسان :ضلت ابالي اربع سنوات يوميه اغمض عيوني واحلم بيها اسألج سؤال
عذراء:كول
غسان :اختفت هذيج المشاعر
عذراء:ما اعرف
غسان :يعني شسمه
عذراء:شنو
غسان :اكو احد بحياتج
عذراء:هو يا صخل يباع عليه
غسان :يعني اني صخل ولج
عذراء:لا مو هيج بس ما عندي
غسان :وبعدين شنو ردج
عذراء:زين شنو الي خلاك هسه تراسل
غسان :خفت دخلتي كليه وما اعرف اجت افكار ابالي انو تنعجبين  بااحد واني مو كبالج
عذراء:ومنو كالك البعيد عن العين الكلب ينساها بالعكس كلما بعد وما تشوفه كلبك يبجي ع هل افراك
غسان :هالله هالله شنو انتي
عذراء:شعبالك جا اني متحجبه
غسان :شيخه بت شيوخ وهسه يا نضر عيني عرفتي منو الي يراسلج وشلع كلج يمج القرار وهسه اترخص واني راح افهمها اذا حضرتي هذا صد واذا بقيتي هذا قبول او المشاعر اتجاهي بعدها
عذراء:اوك