بين قلبين

البارت ١٦

الهنوف :كعدت العصر مالي واهس لاي شي رجعت اتصلت عليه هم ما رد كلش عصبني امس اني بحضنه نايمه اليوم ما يرد عليه
حرت شنو اسوي المن اسأل دخلت ع صفحته اعرف صفحه غسان ترددت ارسله هو من لا شي ماطايقني ضليت اتصفح اخر شي مليت وطلعت سويت عشه ورتبته صحت الخالتي تعشينا سوه بس بالي يمه عقلي وتفكيري يمه شبي وليش ما يرد وشنو صاير وياه شكد كرهت هل يوم وماجنت متخيله هل ليله راح تغيرلي كل حياتي
غاده :ما تاكلين وين صافنه
الهنوف:ماله ومالي نفس لاي شي
غاده :اكلج شوكت زواج مروه
الهنوف:ما اعرف بس يمكن من تكمل السنه يزوجون
غاده :وانتي شنو هل ايام ما تحجين وي زياد
الهنوف :لا
غاده :اكلج شبي الولد ماتردينه شنو ناقصه لو مخليه بالج وي شخص ثاني
الهنوف :لا ثاني ولا ثالث ماريده وخلاص ما اطيقه كوه خوما بالكوه
......كمت من السفره لملمت المواعين غسلتهن رتبت المطبخ ورحت غسلت اللاستقبال ومسحت الجام والاثاث والميوزه حتى اللوحات بالحائط مسحتهم كملت كلشي رحت لغرفتي رتبت ملابسي والغرفه بدلت الفرشه واخذت ملابسي ودخلت سبحت ضليت تحت الدوش بالنص ساعه اختنكت وضليت ابجي ما سيطرت ع نفسي حسيت بحنكه وغصه ردت بس اسمع صوت احمد كملت سباحه نشفت شعري ومشطت واتصلت عليه
....................................
روان :فتحت الخط واني اريد اسمع صوت الي مسميها بت كلبي
الهنوف:من الصبح من الصبح يا احمد ما اجاوب كول شبيها كول خلي اطمنها كول صاير وياها هيج ملهوفه تتصل تدري اليوم ما رتاحيت من شفتك الصبح لحد هسه كلبي قبضني ع اقل طمني عليك
اروان :احم منو انتي
الهنوف:الو منو موبايل احمد هذا شيسوي عندج
روان :منو م نو حضرتج
الهنوف:حبيبته انتي منو عذراء خو مصاير شي ع احمد
روان :لا ان اني زوجته ...صار كبالي احمد ينشف بشعره وجه صار احمر ضل واكف بمكانه
الهنوف:ههه شنو زوجته احمد ممزوج شده تحجين انتي
روان :تعال ليش واكف تفضل حبيبتك بت كلبك تريد تحجي وياك وهااا طلعت ما تدري بيك مزوج حسيت الدنيا افترت بيه اجه ركض عليه اخذ الموبايل وسده
احمد:روان بس سمعيني اهدي اليوم جايبه لايصير بيج شي
روان :يهمك امري يعني ههههه بت كلبي مسميها ليش كلي ليش بشنو قصرت وياك هيج اجازيني بخيانتك
احمد: اسمعيني وعيونج اليوم ردت انهي كل هل مهزله بس ما صار الي نويتله
روان :حبل الكذب قصير ابو جهالي لا تصوره يطول بس كلي ليش شنو الي ما انطيته الك حتى تحب وحده ليييييش
احمد:صوتج ما يعله سمعتي
روان :ها صوتج ما يعله لا تعاندين لا تسوين شي ما اعرفه لا تقررين شي اله بشوري مالج علاقه بشي يخصني وتالي عيني وتالي افتح موبايلك اكله كاتب عليها بت كلبي ما فكرت بالحماره الي عندك الي تخاف عليك من الهوى الهاب شنو يصير بيها من تدري بيك كلي جاوبني لا ادور وجهك عني حاجيني. دخت ما ركزت بعد التفتلي
احمد:روان اهدي كافي الجهال نايمين اكعدي شربي ماي واسمعيني هاي سالفه وخلصت وحده تعرفت وحجينه سوه دردشه عاديه وفضت وانسي الي صار لا تخلينه بالج
روان :هيج بهل بساطه عندك تحجي وتكول انسي احمدددد مسجلها باسم ما تكتبه حتى لمك وتكلي انسي انته لو ما تحبها جان ما وجهك هيج صار بي تنكر هل شي
احمد:اي احبها ارتاحيتي هسه احبها وهيج اجت تربعت تربع بنص كلبي حاولت اطلعها من بالي حاولت انساها ابعد ما كدرت كلشي يوديني عليها هي بصفحه تدري ما مزوج وما عندي اي علاقه وكبالها ومرتي بصفحه اشوفها شاعله اصابعها شمع تضوي بي دربي وماكل كلبي الندم بس شسوي حبيتها ولكم حببببيتها مو بيدي والله مو بيدي
روان :تكولها بوجهي بعد يا اخي شكد عندك قساوه ليش هيج لا تحرك كلبي بعد كافي
احمد :كعدت ع الجربايه خليت ايدي ع راسي اول مره تنزل دمعتي كبال احد ...روان انا تعبت ماريد اخسرج وماريد أذيها ماشفت منها شي مو زين كله الغلط مني اني شتردين تحجين احجي استاهل كلشي
روان :لهنا وتنتهي قصتنا احمد الي بينا شي ومنتهي
احمد:روان مشتريج لاخر يوم بحياتي لا تبيعين
روان :عمري ما ابيعك بس مستحيل اتقبل هل وضع كرامتي فوك كلشي خلاص انتهينا احمد
احمد :تمام الي تردي يصير بس لا تصورين اتركج اضلين هنا والنه حجي مره ثانيه وهل كلام احسبه ما سمعته منج ...كمت ردت اطلع
روان :رايح تحجي وياها
احمد:غمضت عيوني واخذت نفس وجاوبتها بلا ما التفتت ...لا اعوفج وحدج
......نزلت بسرعه بالي يمها كوه مسكت اعصابي شحجيت شكلت وي روان ما اعرف صار كبالي كرار اتصلت ع الهنوف
كرار:احمد شبيك. احمد
.................................
الهنوف...ضليت بصدمه كل ساعه اباوع ع الاسم واخلي الموبايل ع ذاني ههه شنو اسمعك اني هاي شتحجي لا اكيد هاي لعبه من عنده. الووو شو ليش ماكو ليش انسد الوووووووو ضليت كاعده صافنه بدون حتى ما ارمش بس اهز برجلي اني زوجته اي كالت زوجته اني زوجته هي هيج حجت اني زوجته اتصل الموبايل
الهنوف : الوووو احمد ضليت احجي وياه واشهك صوتي راح احمد احمد عفيه هاي منو ليش هيج حجت احمد كلي جذبت عليه حباب والله ما ازعل
احمد:بنيتي بس سمعيني لا تبجين بس سمعي اهدي يروحي
الهنوف :ليش زين كلي ليش جذبت عليه زين ليش خليتني اتعلق بيك زين ا ا ا انا مو ع كم مره اسألك احمد انته مزوج احمد ليش لحد الان ما مزوج احمد صارحني ليش احسك ضام شي عليه ليش هيج خليتني انصدم بيك
احمد:ولج بس سمعيييني الهنوف بديتها بجذبه وكبرت حجيتها هيج بشقه ما ادري راح لهنا توصل
الهنوف:جنت يمها مو جنت تكلها طز بيها شنو هاي وابيعج ع مودها نزوه وعدت كولي هيج حجيت مووو
احمد:بنيتي بس سمعيني وغلاتج احبج وماجذبت عليج بمشاعري ولا احجي عليج بالموزين انا انا الصوج بيه ضلمتج وضلمتها وياي
الهنوف:رووووح الله لا يوفقك الله لا يسامحك يطلع حركه كلبي بيك ولك احمد حبيتك بجنون راح يصير خمس اشهر تضحك عليه بيهم ما عورك كلبك ما كلت ليش اشذنبها
احمد:ليش تحسبيها سهله عليه جارح مرتي هل فوك كاعده اعرف شنو وضعها وما اتحملت اضل اجيت اتصلت عليج تحسبيها عليه سهله اهضم حرمه حبيتها لا. الله كلبي وجعني وجنت متخيل هل يوم يجي بس اتناسيته
الهنوف:روح بحالك مو انا الي ابني سعادتي بتعاسه غيري