بين قلبين

البارت ١١

دخلت روان واخذت ملابسها وراحت للحمام حسيتها انتبهتلي ما اعرف او لا ما ادري  اني فكرت وحدي كملت تبديل وفرشت السجاده وصلت
حبيت اقره قران جان كلبي مقبوض ومهموم اضحك واسولف وي الكل بس كلبي مو وياهم تفكيري بغير مكان عقلي وكلبي ضل بغداد ده اكمل تلاوه وطلعت روان باوعتلي بنضره حسيتها فهمتني بسرعه دنكت
روان :يبيك شي يا بعد روحي
احمد:بستها براسها وغمضت عيوني اشوف احساسي وياها وين راح جنت بقربها ما اتحمل هسه وين راحت ذيج المشاعر ......لا يروحي مابيه شي بس مخنوك اريد اطلع
روان:اكيد تكعد على الشط
احمد:اكو غير مكان ترتاح بي نفسي
روان :لزمت ايده ...ابو مصطفى ما صاير شي وياك
احمد:شكلج رجلج واكع بنارين ......لا تلحين كلتلج ماكو شي
شلت السجاده ونزلت جوه كلها كاعده والبنات يسون عشه راحت يمهن روان
احمد:كرار تطلع وياي
كرار:اي بس وين
احمد:للشط
كرار:ها خويه غركانه سفن مالتك
احمد:هسه تروح بلا حجي زايد لو لا
كرار:بس ابدل واجيلك
فاطمه :احمد ما اشتريت قرطاسيه لحد هسه
ام احمد:جا وينها التريد اتبطل
فاطمه :غيرت رائي ما يصير
احمد :لا بويه يصير ليش ما يصير يمه ما تردين شي
ام احمد:سلامتك حبيب
احمد:روان طالع تردين شي.  يمه وين مصطفى
روان :لا تسلم
ام احمد:راح وي جده لبيت ابو يونس
عذراء:شبي رجلج مطنكر
روان :اسكتي بي شي مو طبيعي وكلبي مقبوض ما اعرف ليش
احمد:ديله كرار شسوي  لو تخلي مكياج جان خلصت
عذراء:ابو شهاب مقبلات وياك وبيدزه
احمد:بعد ما تردين شي
كرار:شبيك اصيح هاي خلصت
.....................
الهنوف ...رجعت من الدوام بسرعه بسرعه غيرت ملابسي وشفت شنو مسويه غده خالتي وسويت صينيه تفتح النفس اتخبل مطبك دجاج وسلطه كرفس وليمون واخذته دكيت الباب طول يله فتحلي
غسان :هلا يابه
الهنوف:هذا غده الكم ضليت اباوع ماكو احمد ليش مو هو فتح الباب
غسان :الي تدورين عليه ما موجود راح للبصره
الهنوف:ها يوصل بالسلامه
رجعت واحس الي يطخني ابجي اتصل عليه مشغول تركته صاحتلي  خالتي على الغده ما طلعت عيوني انملت ادموع اشكد ما حاولت ما ابجي بس ما كدرت غطيت راسي وبجيت شلون ما ودعني قبل لا يروح واليوم اربعاء ليش راح هو مو كال اروح الخميس زين ليش ما يسمعني اختنكت من كد ما بجيت ما حسيت على روحي وغفيت
غاده :ولج نونه اذن وانتي نايمه كومي رفعت اللحاف والبنيه نار صايره مصخنه
الهنوف:يوم عوفيني بردانه
غاده :هاي صايره نار انتي مصخنه شو كومي غسلي وبدلي ملابسج عركانه
الهنوف :غطيت راسي اتركيني مابيه حيل  راحت خالتي ورجعت نمت شويه وجابتلي دوه اشربه كوه شريته احس حنجرتي مجروحه شالت اللحاف ونزلتني وغسلت وجهي وطلعتي ملابس واني اتحرك مثل الاله بكيفها مابيه حيل حتى احجي
غاده :ولج ماما هاي مساع مابيج شي هسه شبيج بسرعه صخنتي
الهنوف :ضليت ارجف وابجي وخالتي عبالها من الصخونه
غاده :يا طفله تبجين من صخونه هسه تفكج شربي هاي الشوربه وترتاحين
الهنوف :بلاعيمي
غاده:اي ماما هسه تفك صدرج شربي
الهنوف...شربت الشوربه ودفيت شويه سوتلي خالتي جاي نومي ارتاحيت شويه ضل عيني على الموبايل كل ساعه اريد اتصل اخر شي دزيت رساله اله (توصل بالسلامه بس ليش ما كلتلي رحت للبصره )وهم ما رد شافها وما جاوب ياربي هذا شلون بي اتصلت بسمر ما جاوبت وره شويه رجعت اتصلت
الهنوف :وينج انتي
سمر:جنت اغسل مواعين العشه انتي شبي صوتج باجيه مو
الهنوف :ماتحملت وبجيت ولج سمر ما يجاوبني
سمر :وعمه العماه ولا يرد شسويله خلي يولي جماله بايع ثكول
الهنوف :انجبي سمر لا تحجين عليه
سمر :وروحه ابويه ما مرتاحتله
الهنوف :ما تعرفينه وهيج تحجين عليه
سمر :وعساني لا عرفته كاعده تبجين وصوتج رايح على شنو ما تكليلي وانتي مو كلتي ترحيله ما رحتي
الهنوف:ولج سافر للبصره شفت صديقه وكلي
سمر :عزه وما سلم عليج
الهنوف:لا اصلا انصدمت حصرتني البجيه كبال غسان وضليت ساكته ونمت وما كعدت اله المغرب مصخنه كلش
سمر:شدسوين بنفسج ولج شبيج صايره كلش ضعيفه
الهنوف :احس روحي تريد تطلع تعبانه
سمر:ولج شنو احجي وياج حتى تشيلي من عقلج هسه معلينه كومي سبحي وغيري ملابسج وكعدي يم خالتج لا تضلين وحدج
الهنوف :اوكي وباليل اتصل عليج
سمر :ماشي حبيبتي يله باي
الهنوف باي
..................
طلعنه وخليت كرار يسوق وطلعت اغنيه وسام داوود مخنوك حتى من الهوى *مخنوك احس من روحي *جروحي ما الهن دوه
كرار:ها خويه سلامات راح وايست منه
احمد:😒
كرار:ها شنو مطلعني حتى اضل ساكت
احمد:اريد اسمع الاغنيه
كرار:شبيك خويه مو عوايدك هيج تضل ساكت وصارلك سبوعين ما نازل للبصره ومن اجيت ما لك خلك تحجي
احمد:هاي شبيكم كلها تكلي شبيك ليش شلون جنت قبل
كرار:جنت اخوي ابو الصوت العالي وابو السالفه الحلوه هسه صرت الفاهي
احمد:ضربته على علباته ولك منو الفاهي ابو البلاوي يوميه جايب مصيبه منين ضايج غير من وراك عقلي بسالفتك
كرار:ابو الصوف تكلبها عليه تريد شني صاحبتك اني وتركتك حتى تسمع من وراي مخنوك حتى من الهوه
احمد:هو من وراك واحد يسمع شي شو اطبك هنا ماكو ازدحام وتعال نروح بصفحه الجسر ماكو احد
كرار:يلهووووتي اده هو انته عايز تختصبني
احمد:هو انته وجهك زحمه واحد يبوسه 
كرار:روح انتظرني علما اجيب نركيله