بين قلبين

البارت ٩

طلعت اغني ومندمجة والشعر كفشه وشكلي يضحك واتفاجا بوجود بابا وزياد واول مره اثنينهم يجون عدلت شعري
واتصرفت طبيعي سلمت عليهم وبست بابا ورحت غسلت وجهي بس همه عم السكوت عليهم من طلعت حسيت مرادو اسمع بشنو
يسولفون
غاده :نونه اتريكي
الهنوف:خاله ماريد
ابوها:تعالي بابا اريد احجي وياج
زياد:عمو خليها غير وقت اتفقت وياك اني اكلمها
غاده :عيني ابو مروان اجل الموضوع
الهنوف: ها بابا تفضل
ابوها :سمعت ده اطلعون انتي وزياد والي فهمته انتم متفاهمين ووو
الهنوف:هوووب لحضه شنو متفاهمين شنو طالعين باوعت لزياده شفته خزرني ورجعت كملت كلامي اي بابا صحيح ابن عمي وطلعنا مره هذا مو معناها انو هاي هي اني موافقه
ابوها : اي وشنو معناها هاي الطبه والطلعه كدام العالم بشي مو رسمي ها غاده واني مخليها امانه عندج
الهنوف : خالتي شكو بالموضوع واني شسويت حتى خاله ما صاينه الامانه هاي هي يابه زياده بعد حتى رقمي مسحه ماريد تتصل عليه
ابوها :اي مو هو على كيفج مو ساعه تطلعين وياه وساعه لا ماريده مو هو لعب غير
زياده :عمو مو هيج الكلام ومن البدايه كلتلك لازم واحد يعرف الثاني واني مستحيل ازوج بهل طريقه او غصب عنها وانتي نونه اتركينه وحدنه وكافي مو كلشي تاخذي بالعصبيه
الهنوف: رفعتله حاجبي هذا شمسوي شحاجي الهم وهيج جاي ابوها تركته وهو باشرلي اروح ودخلت لغرفته افور من العصبيه اخذت موبايلي اتصلت بسمر بسرعه جاوبت

سمر:حتى الجمعه ما اخلص منج خير
الهنوف: مخنوكه سمر مخنوكه شسوي واخلص من هل عيشه كوليلي
سمر؛يا حبيبتي شبيج ليش تبجين كولي
الهنوف:اجه بابا وزياد وهذا زياد الحقير ما اعرف شنو كايل الهم وهيج اجه بابا يريد يصير كلشي رسمي واني بعد اتعرفين عصبت وما سكتت
سمر:لشوكت هل طبع بيج كلشي تحلينه بتهور
الهنوف :اني ماريده هي كوه خو ما كوه اريد اخلص من هل وضع اموت روحي وارتاح منهم
سمر :لا لعد الصاك منو اله اممم كولي
الهنوف:جابت طاريه واني سرحت اوووف لج سكتي امس تراسله واليوم هم بس وضعه غريب احسه مو براحته يحجي ويسولف
سمر :اكيد عنده حبيبه مستعجل يريد يراسله
الهنوف: لا لج انجبي ما عنده جان كالي
سمر:وانتي سالتي شي خاص يعني
الهنوف:لا طبعا بعد وكت غير مره اساله
سمر:نونه الولد مو من بئىتج ولا من عدكم ابد كلشي بي مختلف لا تتورطين بشي انتي مو كده
الهنوف:يا يا وانتي لج وين رحتي اني وين وانتي وين شفتني حبيته قابل
سمر: وانتي شنو ضل عن الحب هل معجبه بي للنخاع كلش
الهنوف :دروحي لا اعجاب ولا شي مجرد شخص ده ادردش وياه
سمر: عقلج براسج والله حبي بس مثل ما كلتلج لا تتورطين
غاده : نونه تعالي ابن عمج يريدج
الهنوف:اكلج هذا زياد صاحلي اشوف شنو يريد وانطيج الاخبار

زياده : خاله من رخصتج اريدها وحدنه
غاده:اي ماما اخذو راحتكم
الهنوف:اكلك انته شنو كايل الهم خاف واف
زياد:اشششش كافي شبيج انتي ما تنطين مجال ابد خليني احجي مثل قبل شوي كلامج وي ابوج اني شنو فهمتج مو اني احجي شبيج وحدج تصيحين وتعصبين عبالك كبالج مو ابوج ع اقل احترمي وجوده
الهنوف:وهسه انته جاي اترزلني بدل ما تبرر الي سويته وما اعرف شنو حاجي وياه
زياد :تره ابوج ابويه كايله طالعين اني وياج وهو كان عنده علم اجه يشوفج واني اشرلج سكتي سكتي ماكو اخذتي كركركر ابد ما سكتي
الهنوف:اي وتالي
زياد : التالي فهمته راح نتعرف ع بعض ونفس اتفاقنه اني الي اكول ما اريدها
الهنوف:لا والله وشنو انته ترفضني
زياد:لا حول الله يا ربي يا بت عمي انتي مو تردين تخلصين من الموضوع مو عندج زياد كابوس اني راح اخلصج ومايرد منج غير تذكريني بطيب
الهنوف: حجه هيج بنبره حزن نصيت صوتي ...... لا عيني مو هيج بس اني ماريد ازوج بهل طريقه ابد وفهمتك هل شي
زياد : ولا اني بس نفس الوقت خليني اني اتصرف تمام
الهنوف: تمام اوكي
زياد :اني اترخص ولا تحجين شي بله علمي
الهنوف: امم بعد مشيني ع امرك
زياد :شنو
الهنوف: لا هيج ماكو شي
اجتي خالتي تعزمه ع الغده واني رحت اشوف شي اكله ولو سدو نفسي ع الاكل بس ما يهم بطني اهم من كلشي