بين قلبين

البارت ٢٤

احمد:الي سأل عن روان انا راح ارجعها لبيتها معززه مكرمه مثل ما طلعت منا
سالي:يووووو يا فرحتنه برجعتها
هبه :خويه ان شاء الله يلتم شملكم وترجعون خطيه جهالك يردونكم اثنينكم
احمد:ان شاء الله اكلج وين جنيد وجود
عذراء:جنيد بره يم الزلم بس جود بنص عماتي
احمد:هذا شلون بي من هسه طالعه عينه ...هبه خويه خلي عينج عليهم كلش
هبه :يااا صدك عود توصيني ...اكلك شووو تعال يمي هاي صدك امهم ازوجت
احمد:اي ازوجت ما شوفين رجع عمي
هبه :يله فكه خلصه منها

احمد...بعد ما راحت ناسنه كلها لكيت مصطفى يغفي ع النقال اخذته من عنده وشلته صعدته فوك خليته بفراشه ودخلت سبحت وطلعت تمددت واتصلت ع روان شويه وردت
روان :الو
احمد:هلا
روان :هلابيك اي كول ردتني بشي
احمد:بسم الله بعدنا ما كلت حلال
روان :مو اريد انام تعبانه كلش
احمد:اهااا تردين اتنامين بس بعد وكت اتوقع
روان :اي نعسانه
احمد:جا خلي افوت بالموضوع يا بت الناس مرينه بضروف صعبه كلش لا انتي الي ضليتي وتحملتي سوالفي وها ما اكلج غلطانه لا بويه الغلط مني بس كان المفروض هم تصبرين واله هاي انا هسه ويني مكابل الكنتور
روان :يعني فوك كلشي جاي تغلطني
احمد:انا بويه كلتلج غلطانه بس كلتلج ما صبرتي ع زلمتج ما كلتي ليش راح تصخم وخطب
روان :انا اكلك ليش لان اتحبها
احمد:لا احبها ولا شي انا الوهمت  نفسي بهذا الحب
روان :اعرف بيك واحس بيك واشم بيك ريحه مو ريحتي احمد انا حافظتك ازيد من نفسي
احمد:بويه هل كتاب طويناه وراح هسه احنا اولاد اليوم وخلينا بالحاضر
روان :يعني تريد تقنعني انو ما جاي تحجي وياها
احمد:والعشره الي بينه ما عندي اي تواصل بينه اساسا كلشي انته وراح
روان :شلون اكدر اثق بيك
احمد:ليش من شوكت انا ما كنت صريح وياج
روان :اعرف بس كلبي مجروح منك
احمد:ليش انا الكلبي ما انجرح منج ...اخخخخ اخ حجايتج زرفتلي كلبي تدرين لو ما كلتي هل جمله جان لليوم انتي ع ذمتي
روان :وانا جنت متعصبه حجيتها حتى اطلك ما كدرت اضل وياك وانته اتريد
احمد:اشششششش الفات راح وانتهى ماشي وكلشي. راح ننسه سوه وانتي مرتي وام جهالي وماكو بغلاتج بهل دنيا ورايد تكونين بعلم هل ايام راح اجي واطلبج من اخوج شكلتي
روان:ما ادري
احمد:شنو ما تدرين انا اريد منج حجايه مستعده لو لا
روان :الي يخون مره يعيدها
احمد:الي يشوفج يكول يوميه لاكيتني وي وحده
روان :اي مو هاي انته مو ابو نسوان بس من تماشي وحده هاي معناها كلبك رجف الها
احمد:انسي الي صار راح وله
روان :مو بيدي صدك
احمد:ونضل هيج يعني مرتاحه انتي بهل وضع
روان :لا
احمد:وتالي عوفج مني ومنج الجهال ما فكرتي بيهم
روان :ارجع بس بشرط
احمد:احسبي تم
روان :غير تسمعه اول
احمد:كولي
روان :ارجع بس للجهال فقط وتعرف شنو قصدي
احمد:لا بويه ما يصرفلي هل حجي شني يمي مره حمره خضره ترديني احسبها اخوي كبالي
روان:بكيفك بعد هذا الي اكدرله تكلي انته اكلك كلبي ملجوم منك
احمد:وانا موافق الي تردي ...هو انتي خلي ارجعج وعود للجهال
روان :هاي هي تمام
احمد:باجر يمكم
روان :شنو السالفه
احمد:جنج ما مشتاقه بس بويه احسن اريد اسافر وي غسان اخذه للهند اكو امل ان شاء الله
روان :هل مره شنو اجيب هنديه
احمد :هااااا شحجيت انا
روان :تغيرت بكلشي اله نرفزتك
..............................
الهنوف ...اتقبلت وضعي وي زياد نوعا ما بس ما كدرت انسى لو لحضه زياد اعتبرني مره لاشباع رغباته طلبت منه نرجع لبغداد ورجعني واخذني لخالتي جانت عينه عليه خاف اباوع للشقه بس انطيتها ضهري ضليت يم خالتي جانت عنده سفره لمصر يطول بال٢٠يوم راسلت احمد شاف وما رد عليه تركته ضليت اطلع وي سمر نفتر رجعت لطبيعتي اهلي نهائيا اي تواصل وياهم ماكو راسلتني وحده ما رديت عليها تركتها عده سبوع وتصل احمد عليه
الهنوف :الو
...........................
احمد...بلغت اهلي بقراري وكلها فرحت للخبر واليوم رحت العصر قبل المشيه لعم روان ابو عباس خوش رجال خير اتفق وياه لان اعرف خالد راح يحاول يستفاد من هل موضوع ويخليني ارضخله بس مو وياي تفقت وي عمها يكون الوكيل وخليته يتصل عليها يحجي وياها وهي حملته الموضوع كله رحنالهم وصار حجي زايد وعمها ادخل وبلغ خالد هو وكيلها اخوها ضرغام رحب بينه وخالد حاول يستفاد من الموضوع باي طريقه
ابو احمد:هسه شتؤمرون بصداق ام مصطفى
خالد:١٠٠مليون ب١٠٠مليون
ابو احمد:ع كيفك ويانه وليدي
احمد:اي بجرلها وترخص الها الفلوس ان شاء الله مهرها بيدها يصير من نعقد محكمه
خالد:لا شنو من تعقد بعد تعقدون شيخ وتنطي الها
احمد:اي سهله نعقد شيخ وكدام الشيوخ كلها ينكتب صداق غير واصل وكدام القاضي تاخذ مهرها كامل ونتوكل بيتنه
ابو عباس:هل حجي عين العقل والبنيه وكلتني بكلشي
ضرغام :هاي هي والمهر هو اول. تالي الها
خالد:لا طبعا من يعقد سيد ينطي الها
علي:انته تريد تضمن حق اختك مو
خالد :اي طبعا
علي:بعقد السيد ينكتب مثل ما كال ابو مصطفى الصداق لم يستلم وشهود موجوده وثاني يوم يتصدق بالمحكمه العقد وتاخذ مهرها كامل ومكمل وهم اكعد حسبه
ضرغام :خويه انطيناكم اذا الله قسمها وشو هي مرته وجاي يرجعها والمهر عن الحلال والحرام